Published:Updated:

கண்கள் இருண்டால்...உன் கண்கள் இருண்டால்...

கண்கள் இருண்டால்...உன் கண்கள் இருண்டால்...

கண்கள் இருண்டால்...உன் கண்கள் இருண்டால்...

கண்கள் இருண்டால்...உன் கண்கள் இருண்டால்...

Published:Updated:

டியர் டாக்டர்
மருத்துவம்
கண்கள் இருண்டால்...உன் கண்கள் இருண்டால்...
கண்கள் இருண்டால்...உன் கண்கள் இருண்டால்...

ஒட்டுமொத்த விகடனுக்கும் ஒரே ஷார்ட்கட்!

கண்கள் இருண்டால்... உன் கண்கள் இருண்டால்...

"நான் 32 வயதாகும் இல்லத்தரசி. பகலில் நன்றாக இருக்கும் பார்வை, இரவில் தடுமாறுகிறது. பார்க்கும் பொருள், உருவம், அசைவு எல்லாமே புலப்பட்டாலும், எதை உற்றுப் பார்க்கிறோமோ... அது மட்டும் தெளிவாக இல்லை. அடிக்கடி கண் வறண்டும் விடுகிறது. கண்மருத்துவரோ, 'பெரிதாக பிரச்னையில்லைÕ என்று கூறி சத்து மாத்திரைகளையும், டயட்டில் சில மாற்றங்களையும் பரிந்துரைக்கிறார். ஆனால், ஏதேனும் விபரீத பார்வைக் கோளாறாக இருக்குமோ என்று பயமாக இருக்கிறது. தெளிவுபடுத்துவீர்களா..?"

டாக்டர் ஆர்.வெங்கடேஷ்வர், சிறப்பு கண் மருத்துவர், துறையூர்

"நீங்கள் குறிப்பிடும் அறிகுறிகளை வைத்துப் பார்க்கும்போது, உங்களுக்கு 'ரெட்னைட்டிஸ் பிக்மென்டோசா (Retinitis pigmentosa)' பிரச்னையாக இருக்கலாம் என்று தோன்றுகிறது. இருபதுகளில் மாலைக்கண் சாயலில் ஆரம்பித்து, அதற்கான சிகிச்சைக்குக் கட்டுப்படாது முப்பதுகளின் இறுதியில் முக்கால்வாசிப் பார்வையை பறித்துவிடும் அபாயமுள்ள கண் பிரச்னை இது. முழுக்கவும் மரபு சார்ந்து வரக்கூடியது. இப்பிரச்னை இருப்பவர்கள் நெருங்கிய உறவுகளில் திருமணம் செய்தால், வாரிசுகளுக்கும் அது வருவதற்கான வாய்ப்பு அதிகரித்துவிடும். இந்தியாவில் இதற்கான நிவாரண சிகிச்சை முறைகள் குறைவு. வளர்ந்த நாடு களில் 'ரெட்டினல் சிப் இம்பிளான்ட் (Retinal Chip Implant)' என்ற நவீன சிகிச்சை பிரபலமாக இருக் கிறது.

அடுத்ததாக, 'ஆக்ஸிபிடல் கார்டெக்ஸ் (Occipital cortex)' என்ற பிரச்னையாகவும் இருக்கலாம். மூளையில், பார்வை செயல்களை கட்டுப்படுத்து வதற்காக இருக்கும் பாகத்தில் அடிபடுதல், கட்டி ஏற்படுதல், உயர் ரத்த அழுத்தத்தால் ரத்த ஓட்டம் குறைதல் போன்றவற்றால் கண் நரம்புகள் பாதிப்புக்குள்ளாகும். இதனால், எதை உற்று கவனிக்கிறோமோ... அது மட்டும் மங்கிவிடுவது உள்ளிட்ட பார்வைக் கோளாறுகள் வரலாம். ஸ்கேன் பரிசோதனை மூலம் இது உறுதி செய்யப்பட்டால், ஆபரேஷன் அல்லது ரத்த அழுத்தத்தை கட்டுப்படுத்துவது போன்றவை மூலம் நிவாரணம் பெறலாம்.

கண் வறட்சிக்கும் நீங்கள் குறிப்பிட்ட இதர பிரச்னை களுக்கும் உள்ள தொடர்பு களை சிறப்பு பரிசோதனைகள் மட்டுமே உறுதிப்படுத்தும். கண் வறட்சியோடு வாயில் எச்சில் சுரப்பும் குறைவாக இருப்பவர்களுக்கு மூட்டுகளிலும் அடிக்கடி வலி தென்படும். 'ஷ¨கரென்'ஸ் சிண்ட்ரோம் (sjogren's syndrome)' என்ற இப்பிரச்னைக்கு அதன் வீரியத்தைப் பொறுத்து... மீனில் இருந்து தயாரிக்கப்படும் 'ஒமேகா 3 கொழுப்பு அமில' காப்சூல்கள் முதல் ஸ்டீராய்டுகள் வரை தீர்வுகள் இருக்கின்றன.

ஸ்கேன் உள்ளிட்ட சிறப்பு பரிசோதனைகள் மூலம் என்ன பிரச்னை என்பதை முதலில் அடையாளம் காண்பது முக்கியம். நாள் கடத்தாது உடனடியாக சிறப்பு பரிசோதனை வசதிகள் உள்ள கண் மருத்துவமனையை அணுகி உங்களது பிரச்னையை அடையாளம் கண்டு நிவாரணம் பெறுங்கள்."

ஆரோக்கியம் குறித்த உங்களின் அத்தனை சந்தேகங்களுக்கும்
மருத்துவ நிபுணர்கள் விளக்கம் தருகிறார்கள். கேள்விகளை 'டியர் டாக்டர்' என்று தலைப்பிட்டு, 'அவள் விகடன்' முகவரிக்கு அனுப்புங்கள்.
மருத்துவப் பதிவுகள் எதையும் சேர்த்து அனுப்ப வேண்டாம்.

கண்கள் இருண்டால்...உன் கண்கள் இருண்டால்...
 
கண்கள் இருண்டால்...உன் கண்கள் இருண்டால்...
கண்கள் இருண்டால்...உன் கண்கள் இருண்டால்...
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism