Published:Updated:

கேமரா சேச்சி..!

இந்துலேகா.சி

கேமரா சேச்சி..!

இந்துலேகா.சி

Published:Updated:
##~##

'பெண்களுக்கு கலையுணர்வு அதிகம்...’ என்று சொல்வார்கள். அதை, தன் கேமரா மூலம் நிரூபித்துக் கொண்டிருக்கிறார், சௌம்யா ராதேஷ். வளர்ந்துவரும் புகைப்படக் கலைஞரான இவருடைய சொந்த ஊர்... கேரளாவாக இருந்தாலும், பிறந்து வளர்ந்ததெல்லாம் டெல்லியில்.

''கல்யாணத்துக்கு முன்ன வரைக்கும், போட்டோவுக்கு சரியா போஸ் கொடுக்கக்கூட எனக்கு தெரியாது. ஆனா, என் கணவர் ராதேஷ், கேமிங் ஆர்ட் டிசைனரா இருந்தாலும், போட்டோகிராஃபி ஆர்வத்தால படம் பிடிக்கறதுக்கு ஊர் ஊரா கிளம்புவார். அவருக்கு ஹெல்ப் பண்றதுக்காக நானும் போக ஆரம்பிச்சேன்... எனக்கும் அதுல ஆர்வம் வந்துருச்சு. இப்போ தனியாவே போட்டோகிராஃப்ஸ் எடுக்க ஆரம்பிச்சுட்டேன். மனிதர்கள், பறவைகள், வெடிங் போட்டோகிராஃபினு எல்லாத்தையும் ஒரு கை பார்க்க ஆரம்பிச்சுட்டேன்'’ எனும் சௌம்யாவுக்கு, ஏழு வயதில் மகன் இருக்கிறான்.

ஒட்டுமொத்த விகடனுக்கும் ஒரே ஷார்ட்கட்!

கேமரா சேச்சி..!
கேமரா சேச்சி..!

''உலகத்திலேயே மிகச்சிறந்த போட்டோஸை தேடிப்பிடிச்சு பார்ப்பேன். அதைவிட பெட்டரா படம் எடுக்கணும்னு ரொம்பவே மெனக்கெடுவேன். பொதுவா, போட்டோகிராஃபர்ஸ் அதிகம் பேசமாட்டாங்க. நான் அப்படியில்லை. சொல்லப் போனா... கல்யாண போட்டோ எடுக்கறதுக்கு முன்ன அந்த குடும்பத்து ஆட்களோட பேசி பழகிடுவேன். மண்டபம் செலக்ட் செய்யறதுல

கேமரா சேச்சி..!

இருந்து, மேரேஜ் டிரெஸ்ஸோட கலர், மெட்டீரியல், மேக்கப் இப்படி எல்லாத்துக்குமே நான் ஐடியா கொடுப்பேன். இப்படி ஐடியா கொடுத்து எடுக்கும் போட்டோஸ்... ரொம்பவே அழகா வரும்ங்கிறது என்னோட நேரடி அனுபவம்'' என்று நம்பிக்கையோடு சொல்லும் சௌம்யா,

''போட்டி நிறைஞ்ச உலகம் இது. ஆனா, அதை நினைச்சு பயப்படாம, நாம தேர்ந்தெடுத்து இருக்கும் ஃபீல்டுல தனித்திறமையை வளர்த்துக்கணும். அதைவிட ரொம்ப முக்கியம் பொறுமை. ஏன்னா... இந்த நிமிஷம் என்ன நடக்கும்னு யாருக்குமே தெரியாது. ஒவ்வொரு நொடியும், ரொம்ப பொறுமையா காத்துட்டிருக்கணும். அப்போதான் அழகான நிகழ்வுகளை அப்படியே பதிவு செய்ய முடியும். மனதளவுல மட்டும் இல்ல... நாம வெச்சுருக்குற எக்யூப்மென்ட்ஸும் (உபகரணங்கள்) அப்டேட்டடா இருந்தா... கண்டிப்பா இந்த ஃபீல்டுல போட்டியை சமாளிச்சுடலாம். எந்த அளவுக்கு வளர்ச்சி இருக்கோ, அதே அளவுக்கு வாய்ப்புகளும் கொட்டிக் கிடக்கு இந்தத் துறையில''

- கட்டை விரல் உயர்த்துகிறார் சௌம்யா!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism