Published:Updated:

ஆறு மாதத்துக்கு ஒரு நாள்... ஆனந்தத் திருநாள்!

வேலைக்குப் போறோம்  - பரிசுக்குரிய படைப்பு!

ஆறு மாதத்துக்கு ஒரு நாள்... ஆனந்தத் திருநாள்!

வேலைக்குப் போறோம்  - பரிசுக்குரிய படைப்பு!

Published:Updated:
##~##

 ங்கள் அலுவலகத்தில் வேலை செய்யும் தோழிகளில், நாங்கள் ஏழு பேர் மட்டும், ஒருவருக்கொருவர் விட்டுக்கொடுத்து, சந்தோஷித்து, திட்டித் தீர்த்து, உருகி... இப்படி மிகமிக நெருக்கமாக இருப்பது... எங்களின் கண்ணே பட்டுவிடும் போங்கள்!

குடும்ப மற்றும் அலுவலக டென்ஷன் எல்லாவற்றையும் விடுத்து, எங்களுக்கே எங்களுக்கான அந்த ஒரு நாளை பக்காவாக திட்டமிட்டு அனுபவிப்பதில் எங்களுக்கு யாரும் நிகர் இருக்க முடியாது. எப்படி என்கிறீர்களா? ஆறு மாதத்துக்கு ஒருமுறை, அனைவரும் சேர்ந்து ஒரு நாள் லீவு போட்டு, எங்கள் கேங்கில் உள்ள யாராவது ஒருவரின் வீட்டில் ஆஜராகிவிடுவோம். லஞ்ச் பாக்ஸையும் மறக்காமல் கையோடு கொண்டு சென்றுவிடுவோம். பின்னே... அங்கே போய் உட்கார்ந்து கொண்டு சமைக்க ஆரம்பித்தால்... திட்டமே அம்பேல் ஆகிவிடுமே!

ஒட்டுமொத்த விகடனுக்கும் ஒரே ஷார்ட்கட்!

தோழியின் வீட்டில் நுழைந்த மறுநிமிடத்தில் ஜோக்ஸ்களில் ஆரம்பிக்கும் எங்கள் பேச்சு, குழந்தையின் குறும்புத்தனம், கணவருடனான ஊடல் வரை மனம் திறந்து பகிர்ந்து... இடையிடையே கதை பேசி குதூகலித்தபடியே மதிய உணவை பகிர்ந்து உண்போம். இப்படியான கெட் டுகெதரில் பகிரும்போது கிடைத்த ஆலோசனைகளால் எங்களின் குடும்பங்களில் பல பிரச்னைகள் தீர்ந்து நிம்மதி கிடைத்திருக்கிறது.

ஆறு மாதத்துக்கு ஒரு நாள்... ஆனந்தத் திருநாள்!

சாப்பாடு முடிந்த கையோடு, மனதுக்கு பிடித்த காமெடி பட டி.வி.டி-யை ஓடவிட்டு, ஆனந்தக் கண்ணீர் தெறிக்க சிரித்து மகிழ்வோம். மாலையில் மட்டும் அனைவரும் கிச்சனில் புகுந்து காபி தயாரித்து குடித்துவிட்டு, 5 மணிக்கு கிளம்பி அவரவர் குடும்ப கூட்டுக்குத் திரும்பிவிடுவோம்.

இந்த ஒரு நாள் தருகிற உற்சாகம், அடுத்த ஆறு மாதங்களுக்கு வாழ்க்கையில் எத்தகைய சூழ்நிலையையும் சிரித்துக் கடக்கும் மன தைரியத்தை எங்களுக்கு தந்துவிடும்.

- வி.சொர்ணலதா, சேலம்

வேலைக்குப் போறோம்!

ஸ்ஸில், பைக்கில், டிரெய்னில் அரக்கப்பரக்க அலுவலகத்துக்குப் போகும் நீங்கள்... சந்தோஷம், துக்கம், முகம் தெரியாத நட்பு, புரமோஷன், அவமானம், ஜோக்ஸ்... என்று தினம் தினம் எதிர்கொள்பவை எத்தனை எத்தனையோ! உங்கள் நெஞ்சைத் தொட்ட விஷயத்தை 'நச்’சென்று எழுதி அனுப்புங்கள். எங்கள் நெஞ்சைத் தொடும் படைப்புக்கு இண்டக்ஷன் ஸ்டவ் பரிசு காத்திருக்கிறது!

அனுப்ப வேண்டிய முகவரி: 'வேலைக்குப் போறோம்', அவள் விகடன், 757 அண்ணா சாலை, சென்னை-600 002. இ-மெயிலிலும் அனுப்பலாம்: aval@vikatan.com