Published:Updated:

கண்களைப் பூக்க வைத்த... கலக்கல் கைவண்ணங்கள்!

க.சுபராமன், படங்கள்: தி.குமரகுருபரன் 

கண்களைப் பூக்க வைத்த... கலக்கல் கைவண்ணங்கள்!

க.சுபராமன், படங்கள்: தி.குமரகுருபரன் 

Published:Updated:
##~##

 ப்கானிஸ்தானின் பலூச் கந்தகார் ஜோசி எம்ப்ராய்டரி, வங்கதேச ஜாம்தாணி, குஜராத்தின் மிரர் மற்றும் பேட்ச் வொர்க், ஒடிசா இக்கட், புகழ்பெற்ற காஷ்மீர் ஆடைகள், காஞ்சிபுரம், ஆரணி, 'ஆரெம்கேவி'யின் சின்னஞ்சிறு கிளியே, தர்பார் கிருஷ்ணா, ரிவர்சிபிள் பட்டுப்புடவை... என புகழ்பெற்ற அத்தனை ஆடைகளையும்... ஒரே இடத்தில் பார்த்தால், கண்கள் பூத்துப்போகும்தானே! அப்படித்தான் ஆகிப்போனது.... ஜனவரி 3, 4 மற்றும் 5 ஆகிய மூன்று நாட்களும் சென்னை, வடபழனியில் இருக்கும் 'ஃபோரம் விஜயா மால்' வந்தவர்களுக்கு!

ஒரு பக்கம், பல்வேறு நாடுகளின் கைவினைக் கலைஞர்கள் உருவாக்கிய கலக்கலான ஆடைகள் இப்படி பலரையும் கொள் ளையடிக்க... இன்னொரு பக்கம், பல்வேறு மாநிலங்களில் இருந்து வந்திருந்த கைவினைக் கலைஞர்கள், நேரடியாக தறியில் நெசவு நெய்த காட்சி செம அசத்தல்!

ஆரெம்கேவி நிறுவனம் மற்றும் சேவா (செல்ஃப் எம்ப்ளாய்டு விமன்'ஸ் அசோஸியேஷன்) ஆகியவை இணைந்து ஏற்பாடு செய்திருந்த இந்தக் கண்காட்சி குறித்து, ஆரெம்கேவி நிர்வாக இயக்குநர் சிவக்குமார், அதன் இளைய தலைமுறை நிர்வாகிகள் நிரஞ்சனா மற்றும் ஸ்ரீராம் ஆகியோர் நம்மிடம் உற்சாகத்துடன் பேசினர்.

''இந்தக் கண்காட்சியின் மூலம் மற்ற நாடுகளின் ஆடைகளில் எந்த வகையை நம் மக்கள் விரும்புகின்றனர், எந்த வகை ஆடைகள் அதிகம் விற்பனையாகிறது என்பதை அறிந்துகொள்ள முடிந்திருக்கிறது. நம்நாட்டு ஆடைகளில் அந்த நாட்டு பாரம்பரியத்தையும் இணைத்து, வாடிக்கையாளரின் ரசனை மற்றும் தேவைக்கேற்ப உற்பத்தி செய்து சந்தைப்படுத்தும் எங்கள் நோக்கத்துக்கு நிறைய ஆலோசனைகள் இங்கே கிடைத்துள்ளன'’ என்றவர்கள், தாங்கள் சாதித்த ஒரு விஷயத்தையும் மகிழ்ச்சியுடன் பகிர்ந்து கொண்டனர். அது...

கண்களைப் பூக்க வைத்த... கலக்கல் கைவண்ணங்கள்!

''பாரம்பரிய பட்டுத் தறியில் நெய்யும்போது, சுமார் 100 முதல் 150 கிலோ எடையை, காலால் பெடல் செய்ய வேண்டி இருந்தது. இதனால், நெசவாளர்கள் மூட்டுவலி போன்ற நோய்களால் அவதியுற்று, தொழிலை விட நேர்ந்தது. இதே காரணத்தால், பெண்கள் பிரசவத்துக்கு பிந்தைய காலங்களில் தொடர்ந்து நெசவுத்தொழிலை மேற்கொள்ள முடிவதில்லை. இதனால், மத்திய பட்டு வாரியத்துடன் இணைந்து 'நிமோடிக் லூம்ஸ்' எனும் தொழில்நுட்பத்தின் மூலம், தானியங்கி பெடலிங் முறையில் நாங்கள் தீர்வுகண்டோம். இதன் மூலம் பல பெண்கள் மீண்டும் நெசவுத்தொழிலுக்கு திரும்பியுள்ளனர்!''

சூப்பர்தானே!