Published:Updated:

ப்ளஸ் டூ வில் குறைந்த மதிப்பெண்கள்... ஆனாலும் டாப் கல்லூரியில் இடம்!

ப்ளஸ் டூ வில் குறைந்த மதிப்பெண்கள்... ஆனாலும் டாப் கல்லூரியில் இடம்!

ப்ளஸ் டூ வில் குறைந்த மதிப்பெண்கள்... ஆனாலும் டாப் கல்லூரியில் இடம்!

ப்ளஸ் டூ வில் குறைந்த மதிப்பெண்கள்... ஆனாலும் டாப் கல்லூரியில் இடம்!

Published:Updated:

''அப்பா, அம்மா ரெண்டு பேருமே அஞ்சாவதுக்கு மேல படிக் கல. ஆனா, எனக்கு இந்தி யாவின் புகழ்பெற்ற காலேஜ்கள்ல ஒன்றான அகமதா பாத் என்.ஐ.டி கல்வி நிறுவனத்துல ஸீட் கிடைச்சிருக்கு!''

ப்ளஸ் டூ வில் குறைந்த மதிப்பெண்கள்... ஆனாலும் டாப் கல்லூரியில் இடம்!

- ஆனந்தம் பொங்கச் சொல்கிறார், உஷா!

ஒட்டுமொத்த விகடனுக்கும் ஒரே ஷார்ட்கட்!

கரூர் மாவட்டம், ஈசநத்தம் பகுதியைச் சேர்ந்த விஜயலட்சுமி - பழனிச்சாமி தம்பதியின் ஒரே மகள் உஷா. இடது கை ஊனமாக இருப்பதால், வலது கை மட்டுமே ஆதாரம். இத்தகைய நிலையிலும், அகமதாபாத் 'என்.ஐ.டி (NID-National Institute of Design) மற்றும் சென்னை, 'நிஃப்ட்' (NIFT-National Institute of Fashion Technology) ஆகிய இரண்டு கல்வி நிறுவனங்களுக்குமான நுழைவுத் தேர்வை எழுதி, மெரிட்டில் வெற்றி பெற்றிருக்கிறார்.

''அம்மாவோட வயித்திலிருந்து என்னை வெளியில எடுக்கும்போது நடந்த ஆபரேஷன்ல... என் தோள்பட்டையில் நரம்பு கட் ஆகி, இடது கை செயல்பாடு இல்லாம போயிடுச்சி. டென்த் முடிச்ச நிலையிலதான் ஆபரேஷன் செய்தாங்க. இப்ப... கையை ஓரளவுக்கு அசைக்க முடியுது. ஆபரேஷன் காரணமா ரெண்டு வருஷ இடைவெளிக்கு பிறகுதான் ப்ளஸ் ஒன் சேர்ந்தேன். மனப்பாட சக்தி குறைவுங்கறதால படிப்பு கம்மிதான். ஆனா, கிரியேட்டிவா யோசிச்சுட்டே இருப்பேன்.

'டெக்னோகிராட்ஸ் இண்டியா காலேஜ் ஃபைண்டர்' நிறுவனத்தைச் சேர்ந்த நெடுஞ்செழியன் சார் எங்க ஸ்கூல்ல கல்வி கருத்தரங்கு நடத்தினப்ப... என்.ஐ.டி, நிஃப்ட் பத்தி தெரிஞ்சி கிட்டு, இதுல சேர்றதுக்கு ஆயத்தமானேன். எங்க தலைமையாசிரியரோட ஆதரவு, நெடுஞ்செழியன் சார் அமைப்போட உதவிகள்னு எல்லாம் கிடைக்க... நானும் பெருமுயற்சி எடுத்தேன். அகமதாபாத் என்.ஐ.டி-யில சேர்றதுக்கு சுமார் 20 ஆயிரம் தேர்வு எழுதினதுல 100 - 150 பேர்தான் தேர்வானாங்க. இதில் தமிழ்நாட்டில் இருந்து நான் மட்டும்தான்!'' என்றபோது, பெருமிதம் உஷாவுக்கு.

ப்ளஸ் டூ வில் குறைந்த மதிப்பெண்கள்... ஆனாலும் டாப் கல்லூரியில் இடம்!

''நிஃப்ட், என்.ஐ.டி ரெண்டுலயுமே தேர்வாகிட்டாலும், அகமதாபாத் என்.ஐ.டி-யில நிறைய சலுகைகள் இருக்கறதால... அங்கதான் சேரப்போறேன். ப்ளஸ் டூ தேர்வுல நான் வாங்கினது 810 மதிப்பெண்கள்தான். ஆனாலும், டாப் கல்லூரியில் படிக்க முடியும்ங்கிறதுக்கு உதாரணமா இருக்கேன். இதுல எனக்குப் பெருமை. கூடவே, மாற்றுத்திறனாளிகளுக்கு நானும் ஒரு நம்பிக்கை கீற்றுங்கறதுலயும் சந்தோஷம்'' என்கிறார் உஷா.

- பி.கமலா 

படங்கள்:  வீ.சிவக்குமார்