Published:Updated:

''அண்ணன்களுக்கு நன்றி...'' ஃப்ரம் பைக் பட்டாம்பூச்சீஸ்!

''அண்ணன்களுக்கு நன்றி...'' ஃப்ரம் பைக் பட்டாம்பூச்சீஸ்!

பிரீமியம் ஸ்டோரி

 ''வொ ய் ஷ§ட் பாய்ஸ் ஹேவ் ஆல் த ஃபன்... நாங்களும் பைக் ஓட்டுவோம்!''

- கியர் வண்டியில் பறக்கும் சில டீன் பட்டாம்பூச்சீஸ், தங்களோட பைக் காதல் பேசுறாங்க!

ராஜலட்சுமி, மதுரை

''ப்ளஸ் ஒன் படிக்கிறப்போ, என் ஃப்ரெண்ட் ரினிகூட சேர்ந்து அவளோட பைக்ல டியூஷனுக்குப் போவேன். அப்போ பத்திக்கிட்டதுதான் இந்த பைக் ஃபீவர். மண்டையில கொட்டி கொட்டி எனக்கு பைக் ஓட்டக் கத்துக் கொடுத்தா ரினி. யு.ஜி-க்கு கோயம்புத்தூர் காலேஜ்ல சேர்ந்தேன். என்னோட ரூம் மேட்ஸ் எல்லாரும் ஆங்கிலோ இண்டியன்ஸ். சூப்பர் பைக் ரைடர்ஸ். சொல்லவா வேணும்! அப்பாகிட்ட கெஞ்சி, பேஷன் ப்ளஸ் (Passion plus) பைக் வாங்கிட்டேன். ரூம் மேட்ஸ் ஆறு பேரும் பைக்ல காலேஜுக்கு போய் இறங்குறது... கண்கொள்ளாக் காட்சி! கோயம்புத்தூர் டு கோத்தகிரி, ஊட்டினு நாங்க என்ஜாய் பண்ணின லாங் டிரைவ்கள் நிறைய. வாங்க கேர்ள்ஸ்... எல்லாருமே பைக் ஓட்டலாம். ஆனா, கண்டிப்பா லைசென்ஸ் வாங்கிட்டு, ஹெல்மெட் போட்டுட்டு வண்டி ஓட்டணுங்கிறது, என்னோட வேண்டுகோள்.''

''அண்ணன்களுக்கு நன்றி...''  ஃப்ரம் பைக் பட்டாம்பூச்சீஸ்!

சத்யப்பிரியா, தஞ்சாவூர்

''பைக் ஓட்ட ஆசையா இருக்குனு வீட்டுல சொன்னப்போ, 'ஆத்தாடி’னு பதறினாங்க. ஆனாலும் விடாம, அண்ணாவோட பைக்கை ஓட்டக் கத்துக்கிட்டேன். ஃப்ரெண்ட்ஸ் வீட்டுக்குப் போறப்போ, அங்க ஏதாவது பைக் இருந்தா ஆசையா வாங்கி ஓட்டிப் பார்ப்பேன். ஆரம்பத்துல சில பல விழுப்புண்களை சம்பாதிச்சாலும், இப்போ சூப்பரா ஓட்டுவேன்ல! எங்க காலேஜ்ல என் பின்னால பைக்ல உட்கார்ந்து ரவுண்ட் அடிக்க ஃப்ரெண்ட்ஸ் எல்லோரும் ஆர்வமா வருவாங்க. பொதுவா, ஒரு பொண்ணு பைக் ஓட்டினா, அவங்க வீட்டுல ஒரு அண்ணன் இருக்கான்னு அர்த்தம். ஸோ, அண்ணன்களுக்கும், அவங்களோட கியர் வண்டிகளுக்கும், பைக் ஓட்டும் பெண்கள் சங்கம் சார்பா... நன்றி!''

பிரதீபா, காரைக்குடி

''பைக் ஓட்டுறதுல முக்கியமான விஷயம், கியர் மாத்துறதுதான். நாம போற ஸ்பீடுலயே வண்டிய பிரேக் அடிச்சு நிறுத்திட முடியாது; வண்டி நம்மள தூக்கி விட்டுடும். அதனால மெதுவா கியரை மாத்திட்டு, அப்புறம்தான் பிரேக் போடணும். எங்கண்ணாவோட FAZER (ஃபேஸர்) பைக்தான் இப்போ எனக்கும் வாகனம். காலேஜுக்கு எப்பவும் இல்லைனாலும், அப்பப்போ பைக் எடுத்துட்டுப் போய் அலப்பறையைப் போடுவேன். நானும் அண்ணாவும் ஹைவேஸ்ல லாங் டிரைவ் போறது, பிடிச்ச ஹாபி. ஜீன்ஸ், கூலர்ஸ், ஷூ போட்டுக்கிட்டு, சடன் பிரேக் அடிச்சு, ஹெல்மெட்டைக் கழட்டி, முடியை சிலிர்த்துக்கிட்டா... எப்டி இருக்கும்! அப்புறம்... எனக்கு காரும் ஓட்டத் தெரியும்.''

''அண்ணன்களுக்கு நன்றி...''  ஃப்ரம் பைக் பட்டாம்பூச்சீஸ்!

ஆர்.நந்தினி, தேனி

''தெருவுக்குள்ள சைக்கிள்ல ரவுண்ட் அடிச்சிட்டிருந்தவ, அண்ணனை ஐஸ் வெச்சு டி.வி.எஸ் வண்டி ஓட்டக் கத்துக்கிட்டேன். அப்புறம் அவனுக்கு இன்னும் கொஞ்சம் பெரிய ஐஸா வெச்சு, கியர் வண்டியும் கத்துக்கிட்டேன். இப்ப பக்காவா கியர் வண்டி ஓட்டிப் பார்த்துட்டிருக்கேன். கியர் வண்டியில நினைச்ச வேகத்துல போகலாம்னாலும், கியரை மாத்தி போனாதான் பெட்ரோல் வீணாகாதுனு அண்ணா நிறைய டிப்ஸ் கொடுத்திருக்கான். இப்பத்தான் எல்.எல்.ஆர் போட்டிருக்கேன். சீக்கிரமே லைசென்ஸ் வந்துடும். அதுக்குப் பிறகு ரோட்டுல நம்ம அலப்பறைதான். எனக்கு ஒரு கனவு இருக்கு... ராயல் என்ஃபீல்டு வாங்கி, அம்மாவை உட்கார வெச்சு, காலேஜை சுத்தி வரணும்!''

- உ.சிவராமன், கு.கார்முகில்வண்ணன்   
படங்கள்: வீ.சிவக்குமார், வீ.சக்தி அருணகிரி, எஸ்.சாய் தர்மராஜ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு