Published:Updated:

குட்டீஸ் குறும்பு!

வாசகிகள்  பக்கம்ஓவியங்கள்: சேகர்

குட்டீஸ் குறும்பு!

வாசகிகள்  பக்கம்ஓவியங்கள்: சேகர்

Published:Updated:
குட்டீஸ் குறும்பு!

ஒவ்வொன்றுக்கும் பரிசு:

குட்டீஸ் குறும்பு!

ஒட்டுமொத்த விகடனுக்கும் ஒரே ஷார்ட்கட்!

 200

'மோடி தாத்தா மாதிரி...’

ப்ளே ஸ்கூல் முடித்து எல்.கே-ஜியில் சேர்ந்த தன் பேத்தி அபர்ணாவுக்கு, ஸ்கூல் திறக்கும்முன்பே அதைக் காண்பித்து வர என் தோழி கிளம்பினாள். நானும் உடன் சென்றேன். முதல்நாளில் ஸ்கூலைக் கண்டு குழந்தை பயந்துவிடக் கூடாது என்பதற்காக இந்த ஏற்பாடு.

ஸ்கூலை அடைந்து உள்ளே செல்லும்போது அபர்ணா, படியில் தன் முன்நெற்றி படும்படி வணங்கிவிட்டு படியேறினாள். ''அபர்ணா... என்னம்மா பண்றே..?'' என்று

குட்டீஸ் குறும்பு!

வியப்புடன் கேட்டேன். ''மோடி தாத்தா மாதிரி ஸ்கூலுக்கு வந்தேன்!'' என்று அறிவித்தாள்.

பிரதமர் மோடி நாடாளுமன்றத்துக்குள் நுழையும் போது செய்ததை, தான் பள்ளிக்குள் செல்லும்போது செய்துகாட்டி, திரையில் காணும் நல்ல விஷயங்கள்... குழந்தைகளின் மனதில் பசுமரத்தாணி போல் பதிந்துவிடும் விந்தையை உணர்த்திய அந்த சுட்டியை, உள்ளம் நெகிழ்ந்து கொஞ்சிவிட்டு வந்தேன்.  

- என்.கோமதி, திருநெல்வேலி

பாசக்கார பிரதர்!

என் பேரன் அருணுக்கு ராமாயணக் கதைகளை அவ்வப்போது சொல்லிவருவேன். ஒருநாள் என் பெரிய பேத்திக்கு கல்யாணத்துக்கு ஜாதகம் பார்க்க வந்த ஜோதிடர் ''உங்க பொண்ணுக்கு ஸ்ரீராமன் மாதிரி மாப்பிள்ளை வருவார்'' என்று சொல்ல... அனைவரும் மகிழ்ந்தோம். என் பேரனோ, ''அப்ப அக்காவை பதினாலு வருஷம் காட்டிலேயே மாமா வெச்சிருப்பாரா?'' என்று கவலையுடன்

குட்டீஸ் குறும்பு!

கேட்க... ஜோசியர் உட்பட அனைவரும் 'குபீர்’ என சிரித்தோம்.

- எஸ்.அனுசூயா சண்முகக்கனி, சிதம்பரம்

சிம்பிள் தீர்வு!

என் நாத்தனாரின் பேத்தி உமாவுக்கு எல்.கே.ஜி ஸீட் கேட்பதற்காக ஸ்கூல் பிரின்ஸிபாலை பார்க்கச் சென்றோம். பிரின்ஸிபால் சற்றே எரிச்சலுடன் ''எல்.கே.ஜி-ல இடம் இல்லை'' என்றார். உமா சட்டென்று அவரிடம் ''இடம் இல்லைனா, எல்லாரையும் கொஞ்சம் நகர்ந்து உட்காரச் சொல்லுங்களேன்'' என்று 'ஐடியா’ கொடுத்ததைக் கேட்டு பிரின்ஸிபால் சிரிக்க... ஸீட் கிடைக்காத ஏமாற்றத்தை மறந்து நாங்கள் சிரிக்க... அந்தச் சுட்டியின் முகத்தில் பெருமிதம் பொங்கி வழிந்தது!

எல்.சுகந்தி, மயிலாப்பூர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism