Published:Updated:

காந்தர்வக் குரலரசி!

பொன்.விமலா

காந்தர்வக் குரலரசி!

பொன்.விமலா

Published:Updated:
காந்தர்வக் குரலரசி!

'முன்பே வா... அன்பே வா’, 'உன் பேரைச் சொல்லும்போது’, 'சாமிகிட்ட சொல்லிப்புட்டேன்’

- இப்படி பல ஹிட் பாடல்களின் குரலுக்குச் சொந்தக்காரர், ஸ்ரேயா கோஷல். 30 வயதைத் தொடும் ஸ்ரேயா, இதுவரை வாங்கியிருக்கும் விருதுகளை எண்ணுவது கொஞ்சம் கடினமான வேலையே! மேற்கு வங்கத்தைச் சேர்ந்த இவர்... தமிழ், மலையாளம், ஹிந்தி, கன்னடம், தெலுங்கு, மராத்தி, ஒரியா எனப் பல மொழிகளில் பாடி, மக்களை இசைமழையில் நனைய வைத்துக்கொண்டிருக்கிறார்! தனியார் தொலைக்காட்சி ஒன்றின் இசை நிகழ்ச்சியில் அறிமுகமான இவர், சிறந்த பின்னணிப் பாடகிக்கான தேசிய விருதை நான்கு முறை பெற்றிருப்பதுடன் தென்னிந்திய ஃபிலிம்பேர் விருதுகளையும் குவித்திருக்கிறார்.

ஒட்டுமொத்த விகடனுக்கும் ஒரே ஷார்ட்கட்!

சரி, ஸ்ரேயாவைப் பற்றிய தற்போதைய ஹாட் நியூஸ் என்ன என்கிறீர்களா?

ஐ.ஐ.எஃப்.ஏ (IIFA - International Indian Film Academy) அமைப்பின், 2013-ம் ஆண்டுக்கான சிறந்த பின்னணி பாடகிக்கான விருதையும் இப்போது தன் வசப்படுத்தியிருக்கும் ஸ்ரேயா, இதுவரை அதிகபட்சமாக 7 முறை இந்த விருதை வாங்கியவர் என்கிற பெருமைக்குச் சொந்தக்காரர் ஆகியிருக்கிறார். 'ஆஷிக்கி-2' எனும் ஹிந்தி திரைப்படத்தில் பாடிய 'சுன் ரஹா ஹை' எனும் பாடலுக்காகவே இந்த விருது!

2010-ம் ஆண்டு இவர், அமெரிக்கா சென்றபோது ஒஹாயோ மாகாணத்தின் கவர்னர் டெட் ஸ்ரிக்லாண்ட், இவரை வரவேற்றதோடு, ஜூன் 26-ம் தேதியை 'ஸ்ரேயா கோஷல்' தினமாக அறிவித்தது, இவருக்குக் கிடைத்த மணிமகுடம்.

அழகிய தோற்றமும், குரலும் கொண்ட ஸ்ரேயாவுக்கு உலகம் முழுவதும் ரசிகர்கள் இருக்கிறார்கள். இவருடைய ஃபேஸ்புக் லைக், சமீபத்தில் 2 கோடியைத் தொட்டிருக்கிறது. இதன் மூலம், இந்தியாவில் கோடி லைக் தொட்ட சிலரில், தானும் இணைந்திருக்கிறார். இவருடைய ட்விட்டரை 28 லட்சம் பேர் ஃபாலோ செய்கிறார்கள்.

தமிழில் 50-க்கும் மேற்பட்ட படங்களில் பாடியிருக்கும் இவர், பாடுவதற்காக அதிகம் சம்பளம் பெறுபவர்களின் பட்டியலிலும் இடம்பிடித்துள்ளார். மேற்குவங்கத்தில் பிறந்திருந்தாலும், தென்னிந்திய சாயலுடன் இருப்பதால், நம்ம ஊர் சினிமாவில் நடிக்க வைக்க பலரும் முயற்சி செய்தபோதும் மறுத்துவிட்டார். ஆனால், சமீபத்தில் நகைக்கடை விளம்பரம் ஒன்றுக்காக இவர் பாடி நடித்திருக்கிறார்.

பார்ப்பவர்களைச் சுண்டி இழுக்கும் ஸ்ரேயாவின் காந்தர்வ குரலுக்கு இன்னும் எத்தனை விருதுகள் காத்துக் கிடக்கின்றனவோ?!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism