Published:Updated:

பட்டாம்பூச்சிகளுக்கு... பக்கெட் சேலஞ்ச்!

சேலஞ்ச் அ.பார்வதி, ந.ஆஷிகா, படங்கள்: இரா.யோகேஷ்வரன் 

பட்டாம்பூச்சிகளுக்கு... பக்கெட் சேலஞ்ச்!

சேலஞ்ச் அ.பார்வதி, ந.ஆஷிகா, படங்கள்: இரா.யோகேஷ்வரன் 

Published:Updated:

லக பிரபலங்கள் ஐஸ் பக்கெட் சேலஞ்ச் எடுத்தாச்சு. ஒரு ஜாலிக்காக, சென்னையைச் சேர்ந்த கல்லூரிப்         பெண்களை பக்கெட் சேலஞ்ச் எடுக்கச் சொன்னோம். அதை அவங்க நிறைவேத்தின சுவாரஸ்யம் இங்கே!

சிக்கன் பக்கெட்!

''திடுதிப்புனு ஏதாவது பக்கெட் சேலஞ்ச் பண்ணுங்கனு கேட்டவொடன, எனக்கு கிளிக் ஆனது சிக்கன் பக்கெட்தான்! அதாவது, ஒரு சிக்கன் பக்கெட்ல 10 பீஸ் இருக்கும். மொத்தமா நான் ஒரே ஆள் சாப்பிடணும். நாங்கயெல்லாம் லேடி 'பரோட்டா’ சூரி. பார்க்கத்தான் ஒல்லிக்குச்சியா இருப்போம். பந்தினு உட்கார்ந்துட்டா பாத்திரம் காலியாகிற வரை எழுந்திருக்க மாட்டோம்''னு நாலு பக்கத்துக்கு பேசிக்கிட்டே அத்தனை பீஸ்களையும் காலி பண்ணின அனு, ''ஹை! நான் ஜெயிச்சுட்டேன். இப்போ லைட்டா பசிக்கிற மாதிரி இருக்கு. வேற ஏதாவது சேலஞ்ச்?'' என்று கேட்க, கம்பெனிக்கு கட்டுப்படியாகாதும்மானு விட்டோம் ஜூட்!

ஒட்டுமொத்த விகடனுக்கும் ஒரே ஷார்ட்கட்!

பட்டாம்பூச்சிகளுக்கு... பக்கெட் சேலஞ்ச்!

குப்பை பக்கெட்!

''நான் எடுத்துக்கிட்ட சேலஞ்சை ஆசியா கண்டத்துல வேற யாரும் எடுத்திருக்க மாட்டாங்க. 15 நிமிஷம் டைம்... அதுக்குள்ள இந்த ஏரியாவில இருக்கிற குப்பைகளை எல்லாம் பொறுக்கிப் போட்டு பக்கெட்டை நிரப்பணும்... இதுதான் சேலஞ்ச். எவ்வளவு சமூக அக்கறை பார்த்தீங்களா? எதிர்காலத்துல அரசியல்வாதியாகி மக்களுக்கு சேவை (!) செய்ற ஜாதகம் எனக்கு இருக்குனு நினைக்கிறேன்''னு பேசிக்கிட்டே அவங்க பக்கெட்டை நிறைக்க, ஏரியாவே சுத்தம். ''ஒவ்வொரு குப்பையா குனிஞ்சு பொறுக்கி எடுக்கிறதுக்குள்ள பெண்டு நிமிந்திருச்சுப்பா!''னு முதுகுவலி பாம் வாங்க ஓடினாங்க ஆர்யா.

தண்ணி பக்கெட்!

''நாமளும் பாலிவுட் நடிகைகள் மாதிரி சேலஞ்ச் எடுத்துக்கப் போறோம்னு, போட்டோவுக்காக புது டிரெஸ் எல்லாம் போட்டுட்டு வந்தா, ஒரு பக்கெட் பச்சைத் தண்ணியை அப்படியே தலையில கவுத்துக்கணும்னு சொல்றீங்களே''னு சொல்லி, அஞ்சு நிமிஷம் மனசுக்குள்ள நம்மை திட்டித் தீர்த்துட்டுதான் ரெடியானாங்க ஆதிரை. ஒருவழியா ஒரு பக்கெட் தண்ணியை அப்படியே எடுத்து தலையில் கவிழ்த்துக்கிட்டு சேலஞ்சை நிறைவேற்றினவங்க, ''நான் அழகா இருக்கிற போட்டோவா செலக்ட் பண்ணுங்கப் பா''னு சொட்டுற தண்ணியையும் பொருட்படுத்தாம, கேமராவில் போட்டோஸ் பார்க்க ஆரம்பிச்சுட்டாங்க ஆதிரை.

இந்தப் பொண்ணுங்களே இப்படித்தான்!

பட்டாம்பூச்சிகளுக்கு... பக்கெட் சேலஞ்ச்!

டான்ஸ் பக்கெட்!

''ஒரு ஆர்வத்துல பக்கெட் மேல நடக்குற சேலஞ்சை எடுத்துட்டேன். நாக்கு தள்ளிருச்சு. பக்கெட் மேல பக்கெட்டை கையில வேற கொடுத்து இதை பேலன்ஸ் பண்ணுமானு அசால்ட்டா சொல்லிட்டீங்க. பேலன்ஸ் பண்ணும்போது பக்கெட்டெல்லாம் 'டொம் டொம்’னு என் மண்டையில விழுந்து தலையே ஏதோ பணியாரம் மாதிரி வீங்கிப் போய் கிடக்கு (நிஜமாவா). ஆனாலும் சேலஞ்சுல ஜெயிச்சுட்டேன்!''னு விரல்ல 'வி’ காட்டி னாங்க நைனா.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism