Published:Updated:

ரேஸ் பெண்கள்!

கார் ராலி ர.ராஜா ராமமூர்த்தி, படம்: கா.பாலமுருகன்

ரேஸ் பெண்கள்!

கார் ராலி ர.ராஜா ராமமூர்த்தி, படம்: கா.பாலமுருகன்

Published:Updated:

பைக் ரேஸ், கார் ரேஸ், கார் ராலி என ஆண்களுக்கு இணையாக இந்திய அளவில் கலக்கிவரும் இளம்பெண்களின் எண்ணிக்கை, கடந்த சில ஆண்டுகளாகவே அதிகரித்து வருகிறது. லேட்டஸ்ட்டாக, மோட்டார் பந்தயங்களில் பெண்களின் பங்கேற்பை ஊக்குவிக்கும் பொருட்டு மாருதி சுஸ¨கி நிறுவனம் டெல்லியில் நடத்திய 'ஆல் விமன்ஸ் கார் ராலி’யிலும் பட்டையைக் கிளப்பியிருக்கிறார்கள் பெண்கள்.  

யார் முதலில் வருகிறார்கள் என வேகத்தை சோதிக்கும் ராலி இல்லை இது. விவேகத்தை சோதிக்கும் ராலி. அதாவது, 'நேரம், வேகம், தூரம்’ வகை ராலி. ஆங்கிலத்தில் டி.எஸ்.டி. ராலி (Time, Speed and Distance Rally) என அழைக்கப்படும் இது, மோட்டார் ராலிகளில் மிக சவாலான ஒன்று. சாமர்த்தியமாக கார் ஓட்டத் தெரிந்திருப்பதுடன் கணக்கும் தெரிந்தால்தான் இந்த ராலியில் வெல்ல முடியும்.

ரேஸ் பெண்கள்!

ஒட்டுமொத்த விகடனுக்கும் ஒரே ஷார்ட்கட்!

டெல்லி நகரைச் சுற்றி 103 கி.மீ தூரத்துக்கு நடந்தது இந்த ராலி. ஆரம்பிக்கும்போது போட்டியாளர்களுக்கு ரோடு பற்றிய குறிப்பு புத்தகத்தைக் கொடுத்துவிடுவார்கள். இதில் போக வேண்டிய வழி, தூரம், வேகம் ஆகியவை இருக்கும். இதில் ஜோடியாகத்தான் பங்கேற்க வேண்டும். ஒருவர் ஓட்ட, மற்றவர் கால்குலேட்டருடன் மல்லுகட்ட என... மூளைக்கு செமையாக வேலை வைக்கும் இந்த ராலி.

நேரம் = தூரம்/வேகம் என்ற ஃபார்முலா படி கணக்கெல்லாம் போட்டுதான் ஓட்ட முடியும். வழியில் எந்த இடத்தில் செக்பாயின்ட் இருக்கும் என்று போட்டியாளர்களுக்கு சொல்ல மாட்டார்கள். செக்பாயின்ட்டை சரியான வேகத்தில், சரியான நேரத்தில் கடந்துவிட வேண்டும். குறிப்பிட்ட நேரத்துக்கு முன்பாக வந்தாலும், பின்பாக வந்தாலும் ஃபெனால்ட்டிதான். சாலை விதிகளை மீறவோ, சராசரி வேகத்தை மீறவோ கூடாது.

80 மாருதி கார்கள் பங்கேற்ற சவாலான இந்த ராலியில், 160 பெண்கள் பங்கேற்றனர். மாருதி ஆல்டோ காரை ஓட்டிவந்த வனீதா குமார் - கோமல் சோனி ஜோடி வெற்றி பெற, ஜிப்ஸி காரை ஓட்டி வந்த பூனம் ராணா - ரிஹென் பரத்வாஜ் ஜோடி இரண்டாமிடம் பெற்றனர். டிஸையர் காரை ஓட்டி வந்த மல்லிகா பஜாஜ் - த்ருவ் தல் ஜோடி 3-ம் இடம் பெற்றனர்!

தம்ப்ஸ் அப் கேர்ள்ஸ்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism