Published:Updated:

'விவசாயிகளை வாழவைக்க... காட்டன் வாங்குங்க!’

கட்டுரை, படங்கள்: அ.பார்த்திபன்

'விவசாயிகளை வாழவைக்க... காட்டன் வாங்குங்க!’

கட்டுரை, படங்கள்: அ.பார்த்திபன்

Published:Updated:

யற்கையாக விளைவிக்கப்படும் காய்கறிகள், மஞ்சள், முந்திரி, எண் ணெய், பருப்பு வகைகள், தானியங்கள், கைக்குத்தல் அரிசி, இயற்கை விதைகள் அனைத்தும் கிடைக்கும் இயற்கை விளை பொருள் அங்காடிகள் நிறையவே வந்துவிட்டன. இதில் ஒன்றுதான் சென்னையிலிருக்கும் 'ரீஸ்டோர் (Restore)! தீபாவளியை முன்னிட்டு, இங்கே இயற்கை முறையில் விளைவிக்கப்பட்ட பருத்தியில் நெய்யப்பட்ட ஆடைகளைக் காட்சி மற்றும் விற்பனைக்குக் கொண்டு வந்திருந்தது தனிச்சிறப்பு!

சென்னையிலிருந்து நீளும் கிழக்குக் கடற்கரை சாலையில், கொட்டிவாக்கத்தில் இருக்கும் இந்தக் கடையில், 'துலா’ என்ற அமைப்பு மூலமாக நடைபெற்ற இக்கண்காட்சியில் டாப்ஸ், சுடிதார் மெட்டீரியல், குர்தா, முழுக்கை சட்டைகள், அரைக்கை சட்டைகள் போன்றவை புது டிசைன்களில் கிடைத்தன.

'துலா’வின் ஒருங்கிணைப்பாளர் அனந்து, “துலா அமைப்பை உணவுப் பாதுகாப்பு மற்றும் இயற்கை விவசாயத்தை வலியுறுத்தவே ஆரம்பிச்சோம். விவசாயிகள் தற்கொலை பற்றி நிறைய கேள்விப்பட்டோம். தற்கொலை செஞ்சுக்கிற விவசாயிகளில் 60% பேர் பருத்தி விவசாயிகள்னு தெரிஞ்சதும் ரொம்ப அதிர்ச்சியா இருந்தது. அதனால, பருத்தி விவசாயிகள் பக்கம் கவனத்தைத் திருப்பிட்டோம்.

ஒட்டுமொத்த விகடனுக்கும் ஒரே ஷார்ட்கட்!

'விவசாயிகளை வாழவைக்க... காட்டன் வாங்குங்க!’

இந்திய நிலங்களில் 5% அளவுக்கே விளைவிக்கப்படும் பருத்திக்கு, 55% பூச்சிகொல்லிகள் பயன்படுத்துறாங்க. இதனால் மண் பாதிக்கப்படறதோட, விவசாயிகளின் முதலீடும் அதிகரிக்குது. சரியான லாபம் இல்லாததால, தற்கொலைகள் நடக்கின்றன. கைத்தறி போன்ற பல வாழ்வாதாரங்களை, நவீன ஆலைகள் முடக்கிவிட்டன. இப்படி துணி பிசினஸை வெச்சு நடக்கும் தவறுகளை எப்படிக் குறைக்கலாம்னு யோசிச்சோம். நாங்களே நேரடியா விவசாயிகள்கிட்ட இயற்கை விவசாயம் பண்ணச் சொல்லி, அந்தப் பருத்தியை நூல் நூற்று (ஆலைகளுக்கு கொண்டு செல்லாமல்), கைத்தறி மூலம் நெசவு செய்து, இயற்கை சாயம் போட்டு விற்பனைக்கு கொண்டு வந்திருக்கோம். இயற்கை சாயத்துக்கும்கூட நிறைய தண்ணீர் தேவைப்படுது, அதையும் குறைக்கணும்னு இந்த தீபாவளிக்கு 'கோரா' நிறத்திலேயே (பருத்தியின் இயற்கையான நிறம்) ஆடைகள் தயாரிச்சு விற்பனைக்கு கொண்டு வந்திருக்கோம்!'' என்று கூறினார்.

''இப்போதுள்ள ஆடை வடிவமைப்பாளர்கள், கதர் துணியில் வேலை செய்ய ஆர்வம் காட்டுறாங்க. மக்களும் 'காதி’ ஆடைகளையே எல்லா கடைகள்லயும் விரும்பி வாங்கினா, விவசாயமும் வளரும்... விவசாயிகளும் வாழ்வாங்க! என்கிறார் அனந்து, வேண்டுகோளாக!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism