மரத்தடி மாநாடு: உயிரே இல்லாத உயிர் உரங்கள்?

இத்தொடரின் மற்ற பாகங்கள்:
ஓவியம்: ஹரன்

மின்சாரம் விட்டு விட்டு வந்ததால் தண்ணீர் சரியாகப் பாயவில்லை. அதனால், மோட்டாரை நிறுத்திவிட்டு திரும்பினார் ‘ஏரோட்டி’ ஏகாம்பரம். அந்தநேரத்தில் தோட்டத்தில் மேய்ந்துகொண்டிருந்த நாட்டுக் கோழிகள் நெல் நாற்றங்காலில் புகுந்து விட... குச்சி எடுத்து கோழிகளைத் துரத்தியபடியே ஓடினார். அப்போது, ‘வாத்தியார்’ வெள்ளைச்சாமியும், ‘காய்கறி’ கண்ணம்மாவும் பேசிக்கொண்டே தோட்டத்துக்குள் வர, ஏரோட்டியும்  திரும்பி வந்துவிட மூவரும், நாற்றங்காலுக்கு அருகிலேயே கட்டிலில் அமர்ந்து அன்றைய மாநாட்டைக் கூட்டினர்.

‘‘தமிழ்நாட்டுல, தென்மேற்குப் பருவமழை பெய்யல. இதனால விதைச்ச பயிருக்கு தண்ணியில்லை.... விளைஞ்ச பயிருக்கு விலையில்லை’’ என்று ராகமாகச் சொன்ன காய்கறி ஒரு செய்தியைச் சொன்னார்.

‘‘வெளி மாநிலங்கள்ல இருந்து அதிகமா காய்கறிகள் வரத்தாகிறதலா உள்ளூர்ல விலை சரிஞ்சுக்கிட்டே இருக்கு. தமிழ்நாட்டுல முக்கியமான பெரிய சந்தை கோயம்பேடு.  இங்கே இருக்கிற வியாபாரிகள்தான் தமிழ்நாட்டுல பல பகுதிகள்ல இருக்குற சந்தைகள்ல, கமிஷன் கடைகள்ல  இருந்து காய்கறிகளை கொள்முதல் பண்ணுவாங்க. இப்போ, கோயம்பேடு சந்தைக்கு ஆந்திரா, கர்நாடகா மாநிலங்கள்ல இருந்து அதிக காய்கறிகள் வந்துகிட்டிருக்கு. அதனால மார்கெட்ல காய் விலை குறைஞ்சிடுச்சு. நம்ம மாநிலத்துல உற்பத்தியாகுற காய்களை கொள்முதல் பண்றது குறைஞ்சதால விலையும் சரிஞ்சு போயிடுச்சாம். மார்க்கெட்ல பேசிக்கிட்டாங்க’’ என்றார்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்