கார்ப்பரேட் கோடரி - 12

இத்தொடரின் மற்ற பாகங்கள்:
மண் மீதான வன்முறையைத் தோலுரிக்கும் தொடர்!‘சூழலியலாளர்’ நக்கீரன், ஓவியம்: ஹரன்10-ம் ஆண்டு சிறப்பிதழ்

சோளத்தில் உயிரி பிளாஸ்டிக்

கொல்லைப்புறத்தில் வரும் மரபணுப் பயிர்கள்!

ரு காருக்கான உதிரி பாகங்களைத் தயாரிக்க என்னென்ன பொருட்கள் வேண்டும் என்று  கேட்டால்... அனைவரும் இரும்பு, ரப்பர், பிளாஸ்டிக் என்று சொல்லிவிடுவார்கள். ஆனால், அது பழைய பதில். சோளம், கரும்பு, கிழங்குகள், கோதுமை, நெல்... என்பதே புதிய பதில். ஃபோர்டு காருக்கான மெத்தைகள் மற்றும்  பெயின்ட் போன்றவை, சோயாவிலிருந்து தயாரிக்கப்படுகின்றன என்று ஏற்கெனவே பார்த்தோம். அந்த காரின் கதவில் பொருத்தப்படும் உட்புற பைகள் சர்க்கரைவள்ளிக் கிழங்கிலிருந்து தயாரிக்கப்படுகின்றன. ஒலித்தடுப்பானில் நெல் உமியும் ஒரு பாகமாக இருக்கிறது. இதோடு, வேறு சில தாவரங்களில் இருந்து தயாரிக்கப்படும் பொருட்களும் காரின் உதிரி பாகங்களாகச் சேர்க்கப்பட இருக்கின்றன.

ஆம்... கோதுமை வைக்கோலை உயிரி பிசினாக மாற்றுவதற்கு கனடா நாட்டின் பல்கலைக்கழகங்களோடு இணைந்து ஃபோர்டு நிறுவனம் ஆய்வு செய்து வருகிறது. தேங்காய் நாரை பிளாஸ்டிக் போல மாற்றும் தொழில்நுட்பமும்;  ஐரோப்பாவில் விளையும் டேன்டலியன் எனும் செடியின் வேரிலிருந்து செயற்கை ரப்பர் தயாரிப்பதற்கான தொழில்நுட்பமும் சாத்தியமாகி விட்டன. இவ்வகை ஆய்வுகள், பிற உணவுப் பயிர்களிலும் நீட்டிக்கப்படலாம். இதனால்தான் தனது காரின் 85 % பொருட்கள் மறு சுழற்சிக்குரிய பொருட்களால் உருவாக்கப்படுவதாக இந்நிறுவனத்தின் விளம்பரமொன்று சொல்கிறது. இது சொல்லாமல் சொல்லும் செய்தி என்னவெனில், ‘இனி விளைவிக்கப் போகும் பயிர்கள் கார் தயாரிப்பதற்கே’ என்பதுதான்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்