மண்ணுக்கு மரியாதை

இத்தொடரின் மற்ற பாகங்கள்:
மகசூலைக் கூட்டும் மகத்தான தொடர்!நீ.செல்வம், ஆ.பாலமுருகன், படங்கள்: வீ.சிவக்குமார்10-ம் ஆண்டு சிறப்பிதழ்மண்புழுக்கள், நுண்ணுயிர்களைக் காக்கும் இயற்கை வேளாண்மை!

ரம்ப காலங்களில் விதைக்கும் போதெல்லாம் விளைச்சலை அள்ளி அள்ளிக் கொடுத்த நிலம், தற்போது கிள்ளிக் கிள்ளிக் கொடுத்து வருகிறது. இதற்கான காரணத்தை அறிந்துகொள்வதும், ‘காலுக்குக் கீழுள்ள தூசு’ என்ற அளவில் இருக்கும் மண்ணைப் பற்றிய நமது எண்ணச் சித்திரத்தை மாற்றி, அதனுள் பொதிந்துள்ள அறிவியலை, ஆச்சரியங்களை, லட்சக்கணக்கான நுண்ணுயிர்களைப் பற்றிய அடிப்படை அறிவை அறிமுகப்படுத்துவதுமே இத்தொடரின் நோக்கம். ‘மண்ணில் இவ்வளவு விஷயங்கள் இருக்கின்றனவா’ என உங்கள் விழிகளை விரிய வைக்கிறது, இந்தத்தொடர்.

நாம் இடும் ரசாயன உரங்கள், அங்கக உரங்கள் இரண்டில் இருந்தும் பயிர்கள் சத்துக்களை அப்படியே எடுத்துக் கொள்வது கிடையாது. அவை மண்ணில் பல வேதிவினைகளுக்கு உட்பட்டு, அயனிகளாக உருவாகின்றன. இந்த அயனிகளைத்தான் பயிர்கள் எடுத்துக்கொள்கின்றன. அயனிகளாக உருமாறியவற்றைத் தவிர, எஞ்சிய சத்துக்கள் மண்ணில் நிலைநிறுத்தப்பட்டால்தான்... பயிர்களின் வளர்ச்சி காலம் முழுவதும் தேவையான சத்துக்களை மண் வழங்க முடியும். மணற்பாங்கான மண்ணில் இந்த அயனி மாற்றத்திறன் குறைவாக இருக்கும். அதனால் மண்ணில் நிலைநிறுத்தப்படும் சத்துக்கள், மண் கரைசலுடன் கலந்து வீணாகி விடும்.

அதேநேரம், அங்கக உரங்களைத் தொடர்ந்து பயன்படுத்தும் நிலத்தில் மண்ணின் கூழ்மத்தன்மை அதிகரித்து மண்ணின் வளமும் அதிகரிக்கும். இதனால், சத்துக்கள் மண்ணில் நிலைநிறுத்தப்படுவதால் அடுத்த பயிருக்கு குறைவான உரங்கள் இட்டாலே போதுமானதாக இருக்கும். பயிர் வளர்ச்சிக்குத் தேவையான இரும்பு, தாமிரம், துத்தநாகம், போரான்... போன்ற நுண்ணூட்டச் சத்துக்கள் மொத்தமும் அடங்கிய ஒரே உரம் கிடையாது. அதனால், இவற்றை தனித்தனியாகத்தான் மண்ணுக்குக் (பயிருக்கு) கொடுக்க வேண்டும்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்