மரத்தடி மாநாடு: வைக்கோல் விலை வீழ்ச்சி... விவசாயிகள் கவலை!

இத்தொடரின் மற்ற பாகங்கள்:
ஓவியம்: ஹரன்

வாத்தியார்’ வெள்ளைச்சாமி செய்தித்தாளைப் புரட்டிக் கொண்டிருக்க, மாடுகளை மேய்ச்சலுக்கு விட்டு விட்டு வந்தமர்ந்த ‘ஏரோட்டி’ ஏகாம்பரம், தானும் செய்தித்தாளைப் புரட்ட ஆரம்பித்தார். தன்னுடைய வேலைகளை முடித்துவிட்டு சற்றுநேரத்தில் வந்து சேர்ந்த ‘காய்கறி’ கண்ணம்மா, ‘‘பேப்பர்ல என்னய்யா சிறப்பு செய்தி போட்டிருக்காங்க?’’ என்று கேட்டுக்கொண்டே அருகில் அமர... அன்றைய மாநாடு துவங்கியது.

‘‘எந்த பேப்பரை எடுத்தாலும், இப்போ அரசியல் செய்திதான். ‘இந்தக் கட்சி அந்தக் கட்சியோட கூட்டணி வைக்கப்போகுது. இந்தக் கட்சிதான் ஜெயிக்கப் போகுது, அந்தக் கட்சி தேர்தல்ல டெபாசிட் கூட வாங்காது’னு அவங்கவங்களுக்கு தோணுனபடி எழுதிக்கிட்டு இருக்காங்க. இந்த சமயத்துல அப்படி எழுதுனாத்தான பரபரப்பா இருக்கும்” என்ற வாத்தியார், ஒரு செய்தியைச் சொல்ல ஆரம்பித்தார்.

‘‘ஈரோடு மாவட்டம், கருங்கல்பாளையத்துல வாராவாரம் வியாழக்கிழமை மாட்டுச் சந்தை நடக்கும். இந்த சந்தையில வழக்கமா பொங்கல் பண்டிகைக்கு அப்பறம்தான் வியாபாரம் சூடு பிடிக்க ஆரம்பிக்கும். வழக்கமா ஜனவரி கடைசி வாரத்துல இருந்து மாடுகள் அதிகளவுல வரும். ஆனா, இந்த வருஷம் பிப்ரவரி மாச மத்தியில்தான் வரத்து அதிகரிக்க ஆரம்பிச்சிருக்கு. கோடைகாலம் வந்தா மாடுகளுக்கு பால் சுரப்பு குறையும். பசுந்தீவன உற்பத்தி பாதிக்கப்படுறதோட மேய்ச்சல் நிலங்கள்ல இருக்கிற புல் பூண்டுகூட காய ஆரம்பிச்சிடும். அதனாலதான் இந்த சீசன்ல மாடுகள் வரத்து அதிகமாகும். அதே நேரத்துல இந்த சீசன்ல வளர்ப்புக் கன்றுகள் விற்பனையும் அதிகளவுல இருக்கும். வரத்து அதிகமா இருக்கிறதால தமிழ்நாடு விவசாயிகள் மட்டுமில்லாம கேரளா, ஆந்திரா, கர்நாடகா மாநிலங்கள்ல இருந்தெல்லாம் வியாபாரிகள் அதிகமா வர்றாங்க. அதனால, மாடுகளுக்கு நல்ல விலையும் கிடைக்குதாம்” என்றார், வாத்தியார்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்