மண்புழு மன்னாரு: லட்ச ரூபாய் செலவில்... சம்பங்கி தந்த அனுபவப் பாடம்! | Manpuzhu Mannaru - Pasumai Vikatan | பசுமை விகடன்

மண்புழு மன்னாரு: லட்ச ரூபாய் செலவில்... சம்பங்கி தந்த அனுபவப் பாடம்!

இத்தொடரின் மற்ற பாகங்கள்:
மாத்தியோசிஓவியம்: ஹரன்

காஞ்சிபுரம் மாவட்டம், மதுராந்தகம் பக்கத்துல இருக்கிற கிராமத்துல, தெரிஞ்ச நண்பர் விவசாயம் செய்யுறாரு. சென்னையில பெரிய கம்பெனியில வேலை பார்த்தாலும் விவசாயம் மீதுள்ள ஆர்வத்துல, இயற்கை விவசாயம் செய்துகிட்டிருக்காரு. சனி, ஞாயிற்றுக்கிழமைகள்ல வயல்ல இறங்கி வேலையும் பார்க்கிறாரு. இதனால, இவங்க நண்பர்கள் மத்தியில ‘வீக் எண்டு விவசாயி’னு இவரைச் செல்லமா அழைக்கிறாங்க. சமீபத்துல, அந்த இளைஞர்கிட்டயிருந்து செல்போன் அழைப்பு வந்தது, ‘‘மன்னாரு ஐயா, என்னோட தோட்டத்துக்கு ஒரு எட்டு வந்துட்டுப் போங்கன்னு அழைச்சாரு. நான் சொல்லப்போற தகவல் எல்லோருக்கும் பாடமா இருக்கும். ஊரைக்கூட்டிச் சொல்றதைவிட, உங்ககிட்டச் சொல்லிட்டா, அது நாடு முழுக்கப் பரவிடும்’’னு பீடிகை போட்டுப் பேசினாரு.

நானும் ஒரு நல்ல நாள்ல, அந்த இளைஞரோட தோட்டத்துக்குக் கிளம்பிப் போனேன். இயற்கையில விளைஞ்ச பப்பாளிப் பழத்தை வெட்டிச் சாப்பிடக் கொடுத்திட்டு, பேசத் தொடங்கினாரு அந்த இளைஞர்.

‘‘நம்மாழ்வார் ஐயா, ‘மரங்களை வளர்க்கக் கூடாது; காடுகளைத்தான் வளர்க்கணும்’னு சொல்லியிருக்காரு. அதன்படி இந்த நிலத்தைக் காடுபோல உருவாக்கிட்டிருக்கேன். ஒரு வருஷத்துக்கு முன்னாடி, மரப்பயிர்களுக்கிடையில சம்பங்கியை ஊடுபயிரா சாகுபடி செய்யுற வேலையில இறங்கினேன்.

திருவண்ணாமலையில் உள்ள விவசாயி ஒருத்தர்கிட்ட, 50 சென்ட் நிலத்துக்குத் தேவையான விதைக்கிழங்கு வாங்கினேன். விதைக்கிழங்கை வாங்கினதோடு, என் வேலையை மட்டும் பார்த்திருக்கணும். அதை விட்டுட்டுச் சம்பங்கி விதைக்கிழங்கை எப்படி நடவுசெய்யலாம்னு ஆர்வக்கோளாறுல கேட்டேன். அந்த விவசாயி பல விதமான ஆலோசனைகளைச் சொன்னாரு. எதுவுமே, நான் கேள்விப்பட்ட மாதிரியே இல்ல. சரி, இவ்வளவு விவரமா பேசறாரே... நிச்சயம் இவர் சொல்ற தொழில்நுட்பம் சரியாத்தான் இருக்கும்னு நினைச்சேன். அந்தப் புண்ணியவான், சொன்னபடி தென்னைநார்க் கழிவை மரக்காணத்திலயிருந்து, ஒரு லாரி நிறைய ஏத்திக்கிட்டு வந்தோம். இதுக்கு மட்டுமே சுமார் 20 ஆயிரம் ரூபாய் செலவானது.

சம்பங்கி நடவுசெய்த கையோடு, அந்தத் தென்னைநார்க் கழிவை 50 சென்ட் நிலம் முழுக்க மூடாக்குப் போட்டுவிட்டோம். ‘இப்படி மூடாக்குப் போடறது மூலமா, களை எடுக்கிற வேலை மிச்சமாகும், தண்ணியும் குறைவா செலவாகும், தென்னை நாரானது மட்கி உரமாவும் மாறும்’னு சொன்னாரு அந்தத் திருவண்ணாமலை விவசாயி.

Do you like the story?

Please Appreciate the Author by clapping!

Editor’s Pick