“அம்மாவோட மடியை அறுக்காதீங்க” - அரசியல்வியாதிகளுக்கு ஜூனியர் கோவணாண்டி சுளீர்

கடிதம்ஜூனியர் கோவணாண்டி, ஓவியம்: ஹரன்

செம்மொழியான தமிழ்மொழியைத் தாங்கிப் பிடிச்சிக்கிட்டிருக்கிற தமிழ்கூறும் நல்லுலக மக்கள் அத்தனை பேருக்கும் (என்னையும் சேர்த்துதான்) வணக்கமுங்க. இந்தத் தடவை நம்ம பஞ்சாயத்து, நமக்குள்ளதான்!

நாட்டைக் காப்பாத்தணும், மொழியைக் காப்பாத்தணும், மதத்தைக் காப்பாத்தணும், சாதியைக் காப்பாத்தணும், மக்களைக் காப்பாத்தணும், நாயைக் காப்பாத்தணும், பேயைக் காப்பாத்தணும், அதைக் காப்பாத்தணும், இதைக் காப்பாத்தணும்... இப்படி ஏகப்பட்டதைக் காப்பாத்தணும்னு ஆளாளுக்கு, ஒவ்வொரு கோணத்துல துடியா துடிச்சிக்கிட்டே இருக்கோம். ஆனா, இத அத்தனையையும் காப்பாத்தி வைக்கறதுக்கு ஆதாரமான இந்தப் பூமியை, தாய் மண்ணைக் காப்பாத்தணும்னு ஒரு நாளும் யோசிக்கலையே!

சினிமாவுல கதாநாயகன் அதிரடியா களத்துல இறங்கி, மக்களைக் காப்பாத்துற மாதிரி சில காட்சிகள் வரும். இதைப் பார்த்துட்டு ஆகா, ஓகோனு மெர்சலாகி, ‘அவர்தான் அடுத்த முதலமைச்சர்’னு கொண்டாட ஆரம்பிச்சிடறோம். வசனகர்த்தா எழுதிக்கொடுத்ததை ஒப்பிக்கிற ஒரு ஆளையே... ‘நம்மைக் காப்பாத்த வந்த ரட்சகன்’னு கொண்டாடுற இந்த ஊருல, நிஜத்துல நம்ம பூமியையும் மண்ணையும் காப்பாத்துறதுக்காகத் தோன்றியிருக்கிற ஒரு ரட்சகனைப் பத்திப் பேச அவ்வளவா ஆள்கள் இல்லைங்கிறதுதான் கொடுமையிலயும் கொடுமை. அந்த ரட்சகன் உயர் நீதிமன்ற நீதிபதி மகாதேவன்.

Do you like the story?

Please Appreciate the Author by clapping!

Editor’s Pick