போன வருஷம் வறட்சி... இந்த வருஷம் புயல்!

கதறும் கன்னியாகுமரி விவசாயிகள்!பிரச்னைஇ.கார்த்திகேயன், படங்கள்: எல்.ராஜேந்திரன், ரா.ராம்குமார்

மிழகத்தில் கடந்த நவம்பர் மாத இறுதியில் தாக்கிய ‘ஓகி’ புயலால் தமிழ்நாடு, கேரளா மாநிலங்களின் கடற்கரையோர மாவட்டங்கள் மிகவும் பாதிக்கப்பட்டன. இதில் கடலுக்கு மீன் பிடிக்கச் சென்ற மீனவர்களை மீட்கும் வேலை ஒரு பக்கம் நடந்துவருகிறது. இதோடு விவசாயமும் இந்தப் புயலுக்குக் கடுமையாகப் பாதிக்கப்பட்டுள்ளன. புயல் காற்றோடு பெய்த மழையால் திருநெல்வேலி, தூத்துக்குடி, கன்னியாகுமரி ஆகிய மாவட்டங்களில், அதிகளவில் பாதிப்புகள் ஏற்பட்டுள்ளன. இவற்றில் மிகக்கடுமையாகப் பாதிக்கப்பட்டுள்ளது கன்னியாகுமரி மாவட்டம்.

அரசு அறிக்கையின்படி... ‘ஓகி’ புயலால், 4,241.5 ஹெக்டேர் பரப்பளவில் நெல் வயல்கள் பாதிக்கப்பட்டுள்ளன. இதனால், 11,883 நெல் விவசாயிகள் பாதிப்புக்குள்ளாகி இருக்கிறார்கள். மொத்தம் 4.85 ஹெக்டேர் பரப்பளவில் உள்ள தென்னந்தோப்புகள் பாதிக்கப்பட்டுள்ளதால், 280 விவசாயிகள் பாதிப்புக்குள்ளாகியிருக்கிறார்கள். மேலும் 1,273 ஹெக்டேர் பரப்பில் வாழை, 353 ஹெக்டேரில் மரவள்ளி, 1,326 ஹெக்டேரில் ரப்பர், 30 ஹெக்டேரில் கிராம்பு, 10 ஹெக்டேரில் மிளகு, 10 ஹெக்டேரில் பாக்கு எனப் பயிர்கள் பாதிக்கப்பட்டுள்ளன. இதனால், மாவட்டத்தில் 21,523 விவசாயிகள் பாதிப்புக்குள்ளாகியிருக்கிறார்கள்.

Do you like the story?

Please Appreciate the Author by clapping!

Editor’s Pick