ஒரு நாள் விவசாயி! பருவம் - 2 - மா சாகுபடி, ஆண்டுக்கு ரூ 20 லட்சம் - நேரடி விற்பனையில் நிறைவான வருமானம்!

இத்தொடரின் மற்ற பாகங்கள்:
பண்ணையை நோக்கி பயனுள்ள பயணம் பயணம் துரை.நாகராஜன் - படங்கள்: கா.முரளி

விவசாயம் என்றால் என்னவென்றே தெரியாதவர்கள், ஆர்வம் இருந்தும் விவசாயம் செய்வதற்கு வாய்ப்பு கிடைக்காதவர்கள் என்று பலரையும் தேர்ந்தெடுத்து, அவர்களுக்கு விவசாயத்தைக் கற்றுக்கொடுக்கும் பணியைக் கையில் எடுத்திருக்கிறது ‘பசுமை விகடன்’. ‘ஒரு நாள் விவசாயி’ என்ற பெயரில் அவர்களை விவசாயப் பண்ணைகளுக்கு அழைத்துச் சென்று, ஒருநாள் முழுக்க விவசாயப் பணிகளைச் செய்ய வைப்பதன் மூலம் விவசாயம் குறித்த சிறு விதையை அவர்களின் மனதில் விதைப்பதே இந்தப் பகுதியின் நோக்கம்.

இந்தமுறை, ஒருநாள் விவசாயிகளாகத் தேர்வு செய்யப்பட்டவர்கள்... காவலர் சசிகுமார், தொழிலதிபர் சரவணகுமார், இல்லத்தரசி சந்தியா மற்றும் அவரது மகள் வித்யா, ஐ.டி ஊழியர் பிரதீப்ராஜ், ஓய்வு பெற்ற ராணுவ அதிகாரி ரகுநாதன் அவரது மனைவி தேன்மொழி ஆகியோர். இவர்களைத் திருவள்ளூர் மாவட்டம், திருத்தணி அருகே உள்ள காவேரிராஜபுரம் கிராமத்தில் அமைந்துள்ள முன்னோடி இயற்கை விவசாயி பாரதியின் தோட்டத்துக்கு அழைத்துச் சென்றோம்.

1998-ம் ஆண்டிலிருந்து இயற்கை விவசாயத்தில் ஈடுபட்டு வரும் பாரதி, இயற்கை விவசாயம் சம்பந்தப்பட்ட கூட்டங்களில் தொடர்ந்து ஆலோசனை வழங்கி வருகிறார். 150 ஏக்கரில் மா, சப்போட்டா, நெல்லி, தென்னை எனச் சாகுபடி செய்துவருகிறார். இவரது தோட்டத்தில் 25 ரக மா மரங்கள் உள்ளன.

Do you like the story?

Please Appreciate the Author by clapping!

Editor’s Pick