மண்புழு மன்னாரு: சிதம்பர ரகசியமும் வெட்டிவேர் மகத்துவமும்!

இத்தொடரின் மற்ற பாகங்கள்:
மாத்தி யோசிஓவியம்: ஹரன்

மீபத்துல, சிதம்பரம் பகுதியில உள்ள ஒரு நண்பரைப் பார்க்க போயிருந்தேன். அந்தச் சமயத்துல அவரு சிதம்பரம் நடராஜர் கோயிலுக்குக் கிளம்பிக்கிட்டிருந்தாரு. ‘‘நீங்களும் வாங்களேன்... ஓர் எட்டு போயிட்டு வந்திடுவோம்’’னு என்னோட பதிலைக் கூட எதிர்பார்க்காம காருக்குள்ள இழுத்து உட்கார வெச்சாரு. அவர் அந்தப் பகுதியில ஏராளமான நில புலனுக்குச் சொந்தக்காரர் மட்டுமல்ல... அறப்பணிகளுக்கும் முன்னாடி நின்னு வேலை பார்ப்பவர். இதனால, கோயிலுக்குள்ள போன உடனே ராஜ மரியாதை கிடைச்சது. பொன்னம்பலத்துல இருந்த நடராஜரை உத்துப்பார்த்தேன். ஆனந்த தாண்டவம் ஆடும் நடராஜர் மேல வித்தியாசமான பொருளை மாலை கட்டி போட்டிருந்தாங்க. தரிசனம் முடிஞ்சு கிளம்பும்போது நடராஜர் மேல இருந்த அந்த மாலைகள் ரெண்டை எடுத்துக்கிட்டு வந்து, அந்த நண்பருக்கும் எனக்கும் அணிவிச்சாரு தீட்சிதர். அப்பதான் தெரிஞ்சது அந்த மாலையை வெட்டிவேர் மூலமா கட்டியிருக்காங்கன்னு. என்னோட முகத்துல தெரிஞ்ச ஆச்சர்யத்தைப் பார்த்த தீட்சிதர், ‘‘சுவாமி நடராஜருக்கு வெட்டிவேர் மாலை அணிவிக்கிறதுதான் சிறப்பு. கோயிலுக்கு வர்ற முக்கியமானவங்களுக்கும் வெட்டிவேர் மாலை அணிவிச்சு மரியாதை செய்யறது வழக்கம். தில்லை காளிக்கும் வெட்டிவேர் மாலை சாற்றுவது பாரம்பர்ய வழக்கம்’’னு சொன்னாரு.

Do you like the story?

Please Appreciate the Author by clapping!

Editor’s Pick