வளமான வருமானம் கொடுக்கும் முல்லைப் பூ! | Jasmine Garden gives good Profit - Pasumai Vikatan | பசுமை விகடன்

வளமான வருமானம் கொடுக்கும் முல்லைப் பூ!

40 சென்ட்... தினமும் ரூ 1,500மகசூல்துரை.நாகராஜன் - படங்கள்: தே.அசோக்குமார்

சென்னை என்றாலே... சட்டமன்றம், தலைமைச் செயலகம், போக்குவரத்து மிகுந்த சாலைகள், மெரினா கடற்கரை... போன்றவைதான் நினைவுக்கு வரும். ஆனால், பரபரப்பான அந்த மாநகரத்திலும் ஆங்காங்கே விவசாயம் நடந்து வருகிறது என்பது பலருக்கு ஆச்சர்யம் அளிக்கக்கூடும். அப்படி இன்னமும் விவசாயம் நடந்துவரும் ஒரு கிராமம், கவுல் பஜார். மீனம்பாக்கம் விமான நிலையத்தின் பின்புறம் இருக்கிறது, இக்கிராமம். பல்லாவரத்திலிருந்து ஐந்து கிலோமீட்டர் தொலைவில் இருக்கிறது. இங்கு முல்லைப் பூ சாகுபடியில் ஈடுபட்டு வருகிறார், ராஜேந்திரன்.

விமான நிலையத்தின் பின்புறச் சுற்றுச்சுவரை ஒட்டி இருக்கிறது, ராஜேந்திரனின் பச்சைப்பசேல் மலர்த் தோட்டம். காலை நேரத்தில் தோட்டத்தில் வேலை செய்துகொண்டிருந்த ராஜேந்திரனைச் சந்தித்தோம். “எங்க ஏரியாவுல முன்னாடி முழுக்க விவசாயம்தான் இருந்துச்சு. இப்போ, ஆள் பற்றாக்குறையால கொஞ்ச இடத்துலதான் விவசாயம் நடக்குது. அதிகமா மல்லி, முல்லை, காக்கரட்டான்னு பூ விவசாயம்தான். எல்லோருமே ரெண்டு, மூணு வகையான பூக்களைச் சாகுபடி செய்வோம். அதோட காய்கறி, கீரையும் பயிர் செய்வோம். இப்போ தண்ணீர்ப் பற்றாக்குறையா இருக்கிறதால, கிணத்துல இருக்குற கொஞ்ச நஞ்ச தண்ணியை வெச்சு, முல்லைப் பூவை மட்டும் சாகுபடி செஞ்சுகிட்டிருக்கேன். கொஞ்சமா மிளகாய், அரைக்கீரை, சிறுகீரை, முருங்கை போட்டிருக்கேன்.

Do you like the story?

Please Appreciate the Author by clapping!

Editor’s Pick