விளையும் விலையும்! - சந்தைக்கு வழிகாட்டும் தொடர் - 16 | Cost and effective support for agriculture - Pasumai Vikatan | பசுமை விகடன்

விளையும் விலையும்! - சந்தைக்கு வழிகாட்டும் தொடர் - 16

இத்தொடரின் மற்ற பாகங்கள்:
200 சதுர அடி அங்காடியில்... ஆண்டுக்கு ரூ.1 கோடிக்கு மேல் வியாபாரம்!சந்தைஅனந்து, தொகுப்பு: க.சரவணன்

வெகுஜனச் சந்தைக்குப் பின்னால் இருக்கும் அரசியல், வெற்றிகரமான இயற்கை விவசாயச் சந்தைகள் மற்றும் மாற்றுச் சந்தைகளுக்கான வாய்ப்புகள் குறித்து அலசும் தொடர் இது...

ஐம்பதாயிரம் ரூபாய் முதலீட்டில் கார் ஷெட்டில் ஆரம்பிக்கப்பட்டு வளர்ந்திருக்கும் ‘ரீஸ்டோர்’ குறித்துக் கடந்த இதழில் பார்த்தோம். வெறும் 200 சதுர அடி பரப்பளவில் இருந்த அந்த அங்காடியில், ஆண்டுக்கு ஒன்றரைக் கோடி ரூபாய் வரை இயற்கை வேளாண் விளைபொருள்கள் விற்பனை நடந்தது. அதன் வெற்றிக்குக் காரணம் சரியான நிர்வாகம், முறையான நிதிக் கையாளல் ஆகியவைதான். சிறிய இடத்தில் இருந்தாலும், நுகர்வோர் நாடி வரத்தான் செய்தார்கள். அதனால், எங்கு ஆரம்பிக்கிறோம் என்பது முக்கியமல்ல. எப்படி நடத்துகிறோம் என்பதுதான் முக்கியம்.

இயற்கை அங்காடிக்குப் பளபளப்பான உள் அலங்காரங்கள், குளிர்சாதன வசதிகள் ஆகியவை அவசியமில்லை என்பதை நிரூபித்தது ரீஸ்டோர். சரியான விலையில், நஞ்சற்ற, நம்பகமான பொருள்களை விற்பனை செய்தால், நுகர்வோர் நம்மைத் தேடி வருவார்கள். வெறும் லாப நோக்கத்தை மட்டுமேகொண்டு இயற்கை அங்காடிகளை நடத்துவதால் எந்த மாற்றத்தையும் கொண்டுவர முடியாது. லாபம் மட்டும்தான் நோக்கமென்றால், வெகுஜனச் சந்தைக்கும் இயற்கை அங்காடிகளுக்கும் வித்தியாசமே இருக்காது.

இதே சூழ்நிலையில், சிறு இயற்கை அங்காடிகளின் வணிகத்தைப் பெரு நிறுவனங்கள் எடுத்துக்கொள்ளும் வாய்ப்பும் அதிகமுள்ளது. பெரு முதலாளிகள் இயற்கைச் சந்தையைக் கையிலெடுத்தால், சிறு விவசாயிகளைக் கண்டுகொள்ளமாட்டார்கள். அதோடு, மொத்தக் கொள்முதல், இடைத்தரகர்கள், சுரண்டல், பொருள்களின் இருப்புக்காலத்தை அதிகரிப்பதற்கான செயல் முறைகள் போன்றவையும் அதிகமாகும். சிறு இயற்கை அங்காடிகளை நடத்த அதிகமானோர் முன் வரும்பட்சத்தில், பெரு நிறுவனங்களின் நுழைவைத் தடுக்க முடியும்.

Do you like the story?

Please Appreciate the Author by clapping!

Editor’s Pick