உழுதுண்டு மகிழும் ‘பசுமை’ மாணவர்கள்!

பயிற்சி இ.கார்த்திகேயன், படங்கள்: ஏ.சிதம்பரம்

விடுமுறை என்றாலே பள்ளி மாணவர்களுக்குக் கொண்டாட்டம்தான். நாள் முழுவதும் விளையாடியே பொழுதைப் போக்குவார்கள். ஆனால், ஒரு கிராமத்தில் பள்ளி மாணவர்கள் ஒருநாள் விடுமுறை கிடைத்தாலும் விவசாயப் பயிற்சி எடுக்கக் கூடி விடுகிறார்கள். இப்படி ஆச்சர்யப்படுத்துவது தூத்துக்குடி மாவட்டம், சக்கிலிபட்டி கிராமத்தைச் சேர்ந்த சிறுவர்கள்தான். இவர்கள் பயனுள்ள முறையில் விடுமுறை நாள்களைக் கழித்துவருகிறார்கள். இவர்களுக்குப் பயிற்சியளிப்பவர் இதே கிராமத்தைச் சேர்ந்த விவசாயி மலையழகு. ஒரு காலைவேளையில், சிறுவர் சிறுமிகளுக்கு விவசாய வேலைகளைச் சொல்லிக்கொடுத்துக் கொண்டிருந்த மலையழகுவைச் சந்தித்தோம். “நான் எட்டாம் வகுப்பு வரைதான் படிச்சேன். அதுக்கப்புறம், அப்பாவோடு விவசாயம் பாக்க வந்துட்டேன். முப்பத்தேழு வருஷமா விவசாயம் செய்திட்டிருக்கேன். எங்க பகுதி முழுசும் மானாவாரி விவசாயம்தான். உளுந்து, பாசிப்பயறு, தட்டப்பயறு, சோளம்னு விவசாயம் செய்றோம்.

Do you like the story?

Please Appreciate the Author by clapping!

Editor’s Pick