மண்புழு மன்னாரு: ‘ரசிகமணி’ ரசித்த விவசாய நுட்பம்!

இத்தொடரின் மற்ற பாகங்கள்:
மாத்தியோசிமண்புழு மன்னாரு, ஓவியம்: ஹரன்

ருமுறை, குற்றால அருவியில கொஞ்சமா தண்ணி கொட்டுற நேரத்துல, எப்படியிக்கும்னு பார்க்கப் போயிருந்தேன். ஏன்னா, அருவியில ஜோரா தண்ணீர் கொட்டும்போது குற்றாலத்தைப் பத்தின கதையை உள்ளூர் மக்கள்கிட்ட பேச முடியாது. இன்னொன்னு அந்தச் சமயத்துல குற்றாலத்து ஆள் யாரு, வெளியூர் ஆள் யாருன்னு பிரிச்சுப் பார்க்க முடியாத அளவுக்குக் கூட்டம் அலைமோதும். அதனாலத்தான், அருவியில கொஞ்சமா தண்ணி கொட்டிக்கிட்டிருந்த சமயத்துல போய்ச்சேர்ந்தேன். ஆள் நடமாட்டம் பெருசா இல்ல.

ஒரு ஓட்டலுக்குச் சாப்பிடப் போனேன். என்னோட பக்கத்து பெஞ்சுல சாப்பிட்டுக்கிட்டிருந்த ஐம்பது வயசு மதிக்கத்தக்க தாடிவைச்ச நபர், ‘‘அடுத்து வர்ற சீசன் நல்லா இருக்கும்னு நினைக்கிறேன். பஞ்சாங்கத்துலகூடத் தென்மேற்குப் பருவமழை நல்லா கிடைக்கும்னு எழுதியிருக்கிறதா படிச்சேன்’’னு குற்றால சீசனுக்கு முன்னறிவிப்புக் கொடுத்தாரு. சாப்பிட்டு முடிஞ்சதும் வெளியில வந்தா, அதே நபர் மரத்தடியில உட்கார்ந்திருந்தாரு. பேச்சுக் கொடுத்துப்பார்த்தேன். ‘‘சொந்த ஊர் இதேதான். இங்குள்ள ஓர் ஆன்மீக ஆசிரமத்துல தன்னார்வலரா இருக்கிறேன். அந்த ஆசிரமத்திலேயே தங்கியிருக்கேன். சீசன் சமயத்துல அருவியில குளிக்க வர்றவங்களுக்கு, ஓட்டல் புடிச்சுக் கொடுக்கிற வேலை செய்வேன்”னு சொன்னவருகிட்ட, குற்றாலம் பத்திக்கேட்டேன்.
 
‘‘இந்தக் குற்றாலத்தைப் பத்திச் சுருக்கமா சொல்லணும்னா, இது மூணு மாசம் ஊரு. சீசன் இருக்கிறப்பத்தான் ஊர் எந்நேரமும் விழிச்சுகிட்டுக் கிடக்கும். அப்பத்தான் எல்லா வியாபாரமும் வேகமா நடக்கும். மூணு மாசத்துல நடக்குற இந்த வியாபாரம்தான், அடுத்த ஒன்பது மாசத்துக்குச் சோறுபோடும்’’னு சொன்னாரு. இங்கதானே தமிழறிஞர் டி.கே.சிதம்பரநாதர் வீடு இருக்குனு கேட்டேன்.

Do you like the story?

Please Appreciate the Author by clapping!

Editor’s Pick