மரத்தடி மாநாடு: பங்கனப்பள்ளி மாம்பழத்துக்குப் புவிசார் குறியீடு!

இத்தொடரின் மற்ற பாகங்கள்:
ஓவியம்: ஹரன்

ல்ல மழை பெய்திருந்ததால், வயலுக்குத் தண்ணீர் பாய்ச்சும் வேலையில்லை ‘ஏரோட்டி’ ஏகாம்பரத்துக்கு. அதனால், காலையிலேயே கடைவீதிக்குச் சென்று மாடுகளுக்குத் தேவையான பிண்ணாக்கை வாங்கி வந்துகொண்டிருந்தார். முன்பே தோட்டத்துக்கு வந்துவிட்ட ‘வாத்தியார்’ வெள்ளைச்சாமியும் ‘காய்கறி’ கண்ணம்மாவும் ஏரோட்டிக்காகக் காத்திருந்தனர். தோட்டத்துக்கு வந்த ஏரோட்டி பிண்ணாக்கு மூட்டையை அறையில் வைத்துவிட்டு வர, அன்றைய மாநாடு கூடியது.

முதல் செய்தியைச் சொல்லி மாநாட்டை ஆரம்பித்துவைத்தார் வாத்தியார். “ஒரு குறிப்பிட்ட பொருள், குறிப்பிட்ட பகுதியில் அதிகமா உற்பத்தியாகுதுங்கிறதைக் குறிக்கிறதுக்காக ‘புவிசார் குறியீடு’னு கொடுப்பாங்க. விளைபொருள்கள், இயற்கையாகக் கிடைக்கும் பொருள்கள், குறிப்பிட்ட பகுதியில் மட்டும் தயாரிக்கப்படுற கைவினைப் பொருள்கள், இனிப்புப் பண்டங்கள்னு தேர்ந்தெடுத்துப் புவிசார் குறியீடு கொடுத்துட்டுருக்காங்க. டார்ஜிலிங் தேயிலை, திருப்பதி லட்டு, நாக்பூர் ஆரஞ்சுனு நிறைய பொருளுக்கு இந்தியாவில் புவிசார் குறியீடு கொடுத்திருக்காங்க. அந்தவகையில இந்த வருஷம் ஆந்திரா மாநிலத்துல விளையுற ‘பங்கனப்பள்ளி’ மாம்பழத்துக்குப் புவிசார் குறியீடு கொடுத்திருக்காங்க. ‘இது எங்க மாம்பழத்துக்குக் கிடைச்ச பெருமை’னு ஆந்திர விவசாயிகள் சந்தோஷத்தில் இருக்காங்க” என்றார்.

Do you like the story?

Please Appreciate the Author by clapping!

Editor’s Pick