சித்திரை உழவு… பத்தரை மாற்று தங்கம்!

பாரம்பர்யம்இ.கார்த்திகேயன் - படங்கள்: ஏ.சிதம்பரம்

மானாவாரி விவசாயிகளுக்குச் சித்திரை முக்கியமான மாதம். ஆடி மாத விதைப்புக்குக் கோடை உழவு மிக அவசியமான ஒன்று. அதனால்தான் சித்திரை மாதம் விவசாய வேலைகளுக்கான தலைமாதமாகத் திகழ்கிறது. விவசாயிகளுக்கு உகந்த மாதமாகத் திகழும் சித்திரையின் சிறப்புகள் குறித்து நாட்டார் வழக்காற்றியலாளர் ஆ.சிவசுப்பிர மணியனிடம் பேசினோம்.

“திருநெல்வேலி மாவட்டத்திலுள்ள சங்கரன்கோவில் வட்டம்; தூத்துக்குடி மாவட்டத்திலுள்ள கோவில்பட்டி, ஒட்டப்பிடாரம், விளாத்திகுளம், எட்டயபுரம் வட்டங்கள் மற்றும் விருதுநகர், ராமநாதபுரம் மாவட்டங்களின் தென்பகுதிகள் ஆகியவை கரிசல்மண் நிலப்பகுதிகள். கரிசல் நிலத்துக்குத் தை, பங்குனி இறுதி, சித்திரை துவக்கம் மற்றும் ஆடி ஆகிய மாதங்கள் முக்கியமானவை. இதில், பங்குனி மாதம் என்பது தினை, கம்பு, சோளம், வரகு, கேழ்வரகு, குதிரைவாலி ஆகிய புன்செய் தானியங்களின் அறுவடைக்காலம். பங்குனி மாதத்தில் தலைச் செவ்வாய் முதல் கடைசிச் செவ்வாய் வரையிலான கிழமைகளிலும், சித்திரை மாதத்தில் செவ்வாய், வெள்ளி என்று ஏதாவதொரு கிழமைகளிலும், நாட்டார் தெய்வக் கோயில்களில் திருவிழாக்கள் நடைபெறும். அறுவடையைப் பொறுத்தே இவ்விழாக்கள் அமையும். வறட்சி, நோய்த்தாக்குதல் என்று ஏதாவது மகசூல் பாதிப்பு ஏற்பட்டால், திருவிழாக்கள் நடைபெறாமலும் போகக்கூடும்.

Do you like the story?

Please Appreciate the Author by clapping!

Editor’s Pick

மாதத்திற்கு 7 பிரீமியம் கட்டுரைகள் படிக்க பதிவு செய்யுங்கள்அனைத்து பிரீமியம் கட்டுரைகளையும் படிக்க சந்தா செய்யுங்கள்