மண்புழு மன்னாரு: சத்து நிறைந்த சர்க்கரைவள்ளியும் மதிப்பு மிகுந்த மரவள்ளியும்!

இத்தொடரின் மற்ற பாகங்கள்:
மாத்தியோசிஓவியம்: வேல்

ருதடவை உத்தரக் கர்நாடகம்னு சொல்ற, வடக்கு கர்நாடகப் பகுதியான ஹூப்ளிக்குப் போயிருந்தேன். அந்த நேரம் பார்த்து, ‘ஜோய்டா’ (Joida)ங்கிற ஊர்ல ‘கிழங்குத் திருவிழா’ நடக்குதுனு சேதி வந்துச்சு. சரி, ஒரு எட்டுப் பார்த்துட்டு வந்துடுவோம்னு கிளம்பினேன். அந்தப் பகுதி பத்திரிகை நண்பர்கிட்ட வழிக்கேட்டு, ஜோய்டாவுக்குப் போய்ச் சேர்ந்தேன். மலைகள் சூழ்ந்த, இந்தப் பகுதிக்குப் போக்குவரத்து வசதி அவ்வளவா கிடையாது.

எப்போதாவதுதான் பஸ் வந்து போகுது. மேற்குத் தொடர்ச்சி மலைத்தொடர்ல உள்ள, இந்த ஊருக்கு ஒரு பெருமை உண்டு. வேறு எந்தப் பகுதியிலேயும், இந்த அளவுக்குக் கிழங்கு வகைப்பயிர்கள் விளையறதில்லை. பாரம்பர்யமா இந்த மக்கள் கிழங்கு வகைப்பயிர்களைச் சாகுபடி செஞ்சு, அதை விற்று வர்ற வருமானத்துல, வாழ்க்கையை நல்லாவே நடத்துறாங்க.

சில வருஷங்களுக்கு முன்பு, கேரள மாநிலம், திருவனந்தபுரத்தில் உள்ள மத்தியக் கிழங்குப் பயிர்கள் ஆராய்ச்சி நிலைய விஞ்ஞானிகள், இந்தக் கிராமத்தைப் பத்தி கேள்விப்பட்டு வந்திருக்காங்க. கருணைக்கிழங்கு, மரவள்ளிக்கிழங்கு, சர்க்கரைவள்ளிக்கிழங்கு, வெற்றிவள்ளிக்கிழங்குனு விதவிதமா விளைவிக்கிறதைப் பார்த்த விஞ்ஞானிகளுக்கு ஆச்சர்யம். அதன் பிறகு, இந்த ஊர் மீது, கிழங்குப் பயிர்கள் ஆராய்ச்சி நிலையமும் சில தன்னார்வம் கொண்ட அமைப்புகளும், சிறப்புக் கவனம் செலுத்த ஆரம்பிச்சாங்க. அதன் மூலமா, வெளி உலகத்துக்கு, இந்த ஊர் தெரியவந்துச்சு. பொதுவா மலைவாழ் மக்களுக்குத் தானியங்களைக் காட்டிலும், கிழங்கைத்தான் உணவா சாப்பிடுவாங்க. மலைச்சூழலுக்குக் கிழங்குப்பயிர்களும் திடமா வளரும்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்