மண், மக்கள், மகசூல்! - 13 - மண்ணின் நலன் காக்கும் மலேசிய மக்கள்!

இத்தொடரின் மற்ற பாகங்கள்:
நிஜத்தைத் தேடி களத்தில்... ஒரு நேரடி ஆய்வுத் தொடர்.மண் நலம்முனைவர் சுல்தான் அகமது இஸ்மாயில், தொகுப்பு: க.சரவணன்

லேசியா நாட்டில் 1970-ம் ஆண்டில் தொடங்கப்பட்ட ‘பினாங்கு பயனீட்டாளர் சங்கம்’ (Consumers Association of Penang-CAP), எனும் தன்னார்வ அமைப்பு, நுகர்வோர் உரிமைகளுக்காகச் செயல்பட்டு வருகிறது. உணவு, வீட்டுவசதி, உடல் நலன், சுகாதார வசதிகள், பொதுப் போக்குவரத்து, மனித உரிமைகள், கல்வி மற்றும் சுற்றுச்சூழல் போன்ற விஷயங்களில் கவனம் செலுத்தி வரும் இந்த அமைப்பு, கடந்த 20 ஆண்டுகளுக்கும் மேலாக மலேசியாவில் இயற்கை விவசாயத்தை ஊக்குவித்து வருகிறது. இந்த அமைப்பின் தலைவர் ஜனாப் முகமது இத்திரீஸ், அமைப்பின் தமிழ்த்துறையைச் சேர்ந்த சுப்பாராவ், அமைப்பில் உள்ள சரஸ்வதி, சுசீலா மற்றும் தீபன் ஆகியோர், இயற்கை விவசாயத்தை ஊக்குவிப்பதில் அதிக ஆர்வம் காட்டி வருகிறார்கள். இயற்கை விவசாயம் குறித்த பல பயிற்சிப் பட்டறைகள் மற்றும் கருத்தரங்குகளைப் பினாங்கு பயனீட்டாளர் சங்கம் நடத்தி வருகிறது. மேலும், வீட்டுத்தோட்டம், பள்ளிக்குழந்தைகளுக்குச் சுற்றுச்சூழல் கல்வி, பல்கலைக்கழகங்களில் இயற்கை விவசாயப் பயிலரங்கு, இயற்கை விவசாய நூல்கள், பிரசுரங்களை (தமிழ், ஆங்கிலம், மலாய், சீன மொழிகளில்) வெளியிடுதல்... என இவர்களின் அறப்பணியின் பட்டியல் நீளமானது.

Do you like the story?

Please Appreciate the Author by clapping!