மாதம் ரூ. 30,000... சரியான வருமானம் கொடுக்கும் சம்பங்கி!

மகசூல்

இயற்கை விவசாயம் குறித்து ஏற்பட்டு வரும் விழிப்பு உணர்வு காரணமாக, நாடு முழுவதும் ஏராளமான விவசாயிகள் இயற்கை விவசாய முறைக்கு மாறி வருகிறார்கள். அதைத்தொடர்ந்து மத்திய, மாநில அரசுகளும் இயற்கை வேளாண்மை குறித்த திட்டங்களைச் செயல்படுத்த துவங்கி உள்ளன. அப்படியொரு திட்டம்தான், ‘பரம்பராகட் கிரிஷி விகாஸ் யோஜனா’ (Paramparagat Krishi Vikas Yojana) எனும் திட்டம். தமிழில் ‘பாரம்பர்ய வேளாண் வளர்ச்சித் திட்டம்’ என்று அழைக்கப்படும் மத்திய அரசின் இத்திட்டம், கடந்த 2015-ம் ஆண்டிலிருந்து தமிழகத்தில் செயல் படுத்தப்பட்டு வருகிறது. இத்திட்டத்தில் இணைந்து, இயற்கை விவசாயத்துக்கு மாறி சம்பங்கி மலரைப் பயிரிட்டு நல்ல வருமானம் ஈட்டி வருகிறார், தர்மபுரி மாவட்டத்தைச் சேர்ந்த வெங்கடாசலம்.

தர்மபுரியிலிருந்து ராயக்கோட்டை செல்லும் வழியில் 16 கிலோமீட்டர் தொலைவில் இருக்கிறது, சோமனஅள்ளி. அங்கிருந்து இடதுபுறமாகச் செல்லும் சாலையில் 1 கிலோ மீட்டர் தூரம் சென்றால் வருகிறது, பி.கொல்லஅள்ளி எனும் கிராமம். இக்கிராமத்தில் கரும்பு, மரவள்ளி, சாமந்திப் பூ வயல்களுக்கு மத்தியில் அமைந்திருக்கிறது, வெங்கடாசலத்தின் சம்பங்கித் தோட்டம். நம்மை இன்முகத்தோடு வரவேற்ற வெங்கடாசலம், சம்பங்கித் தோட்டத்துக்குள் அழைத்துச் சென்று காட்டியபடியே பேச ஆரம்பித்தார்.

Do you like the story?

Please Appreciate the Author by clapping!

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்