ஆண்டுக்கு ரூ 10 லட்சம் லாபம்... ஜீரோபட்ஜெட்டில் செழிக்கும் இயற்கைப் பண்ணை!

ஜீரோபட்ஜெட்

“ஜீரோ பட்ஜெட் விவசாயம் என்பது ஒரு தேர் போன்றது. தேர் ஓடுவதற்கு எப்படி நான்கு சக்கரங்கள் தேவையோ, அதேபோல ஜீரோ பட்ஜெட் விவசாயத்துக்கும் நான்கு முக்கியமான அம்சங்கள் தேவை.

முதல் சக்கரம், ‘பீஜாமிர்தம்’ எனப்படும் விதை நேர்த்திக்கான கரைசல். இரண்டாவது சக்கரம், ‘ஜீவாமிர்தம்’ எனப்படும் முக்கிய இடுபொருள் கரைசல். மூன்றாவது சக்கரம், ‘அச்சாதனா’ எனப்படும் மூடாக்கு. நான்காவது சக்கரம், ‘வாபாஸா’ எனப்படும் நிலத்துக்குள்ளான காற்றோட்டம். ஒரு சக்கரம் இல்லாவிட்டாலும் தேர் சாய்ந்து விடுவதுபோல, இந்த நான்கு அம்சங்களில் ஏதாவதொன்று இல்லாவிட்டாலும் ஜீரோ பட்ஜெட் விவசாயத்தில் முழுப்பயனை அடைய முடியாது” என்று அடிக்கடி சொல்வார், ‘ஜீரோ பட்ஜெட் பிதாமகன்’ சுபாஷ் பாலேக்கர்.

இந்த நான்கு அம்சங்களில் இரண்டாவது அம்சமான ஜீவாமிர்தம்தான் ஜீரோ பட்ஜெட் விவசாயிகளுக்கான முக்கிய இடுபொருள். பல ஆண்டுகளாக ரசாயன இடுபொருள்களைப் பயன்படுத்தி வந்த நிலத்தைக்கூடத் தொடர்ந்து ஜீவாமிர்தத்தைப் பாய்ச்சி விரைவாக இயற்கை முறைக்கு மாற்றிவிட முடியும். வாய்க்கால் பாசனம் செய்யும் விவசாயிகள், ஜீவாமிர்தத்தைப் பாசன நீருடன் கலந்துவிடுவது எளிதான விஷயம். அதே நேரத்தில் சொட்டுநீர், தெளிப்புநீர்ப் பாசனம் செய்யும் விவசாயிகள் ஜீவாமிர்தத்தை வடிகட்டிதான் பயன்படுத்த வேண்டும். வடிகட்டுவதற்குப் பல முறைகள் இருந்தாலும்... வட இந்திய விவசாயிகள் பயன்படுத்தும் ஓர் எளிய முறையைக் கற்றுக்கொண்டு செயல்படுத்தி நல்ல பலன் பார்த்து வருகிறார், கோயம்புத்தூர் மாவட்டத்தைச் சேர்ந்த இளம் விவசாயி முனைவர் கே.சம்பத்குமார்.

Do you like the story?

Please Appreciate the Author by clapping!

Editor’s Pick