மரத்தடி மாநாடு: பட்டு விவசாயிகளுக்குப் பரிசுத் திட்டம்!

அன்று அதிகாலையிலேயே ஏரோட்டியின் தோட்டம் களைகட்டியிருந்தது. தனியார் தொலைக்காட்சியில் இருந்து ‘பாரம்பர்ய பொங்கல் விழா’ படப்பிடிப்புக்காக வந்திருந்தனர். பட்டுச்சேலை கட்டிவந்த காய்கறி கண்ணம்மா, பொங்கல் வைத்துக் கொண்டிருந்தார்.

மாடுகளைக் குளிப்பாட்டி அலங்காரம் செய்து நிறுத்தி வைத்திருந்தார் ஏரோட்டி ஏகாம்பரம். நின்றபடி படப்பிடிப்பைப் பார்த்துக்கொண்டிருந்தார் ‘வாத்தியார்’ வெள்ளைச்சாமி. பொங்கல் பொங்கும் சமயத்தில், பெண்கள் குலவைச் சத்தம் எழுப்பியும், ‘பொங்கலோ பொங்கல்’ என்று சத்தமிட்டும் வழிபட்டனர். அடுத்து அனைவருக்கும் பொங்கல் பரிமாறினார் காய்கறி. ஒரு வழியாகப் படப்பிடிப்புக் குழுவினர் வேலைகளை முடித்துவிட்டுக் கிளம்ப, ‘அப்பாடா’ என்று சொல்லியபடி வந்தமர்ந்தார் காய்கறி. ஒரு செய்தியைச் சொல்லி அன்றைய மாநாட்டை ஆரம்பித்து வைத்தார் வாத்தியார்.