கொண்டைக்கடலை... கொத்தமல்லி... 500 ஆண்டுகள் பாரம்பர்யமிக்க விதைகள் மானாவாரியிலும் மதிப்பான லாபம்

மகசூல்

புன்செய் நிலங்களில் புன்செய்ப் பயிர்களையும், நன்செய் நிலங்களில் நன்செய்ப் பயிர்களையும் மட்டுமே விதைக்க வேண்டும் என்பதுதான் பயிர்வாரி முறை. இறவைப்பாசனத்தோடு புன்செய் நிலங்களில் பருவம் தவறாமல் மானாவாரி சாகுபடியை மேற்கொண்டு வரும் விவசாயிகளும் உண்டு. அவர்களில் ஒருவர்தான் திருப்பூர் மாவட்டத்தைச் சேர்ந்த எத்திராஜ்.

உடுமலைப்பேட்டைக்கு அருகிலுள்ள வி.வல்லக்குண்டாபுரம் கிராமத்தில்தான் விவசாயம் மேற்கொண்டு வருகிறார், எத்திராஜ். தென்மேற்குப்பருவக்காற்றின் உபயத்தில், லேசான சாரல் மழை பெய்து கொண்டிருந்த நேரத்தில் எத்திராஜின் தோட்டத்தை நோக்கிப் பயணமானோம். வழியில் கண்ணுக்கெட்டிய தூரம் வரை கறுப்புநிறக் கடல்போல் விரிந்து கிடக்கிறது, கரிசல்காடு. பாலக்காட்டுக்கணவாய் வழியே புகுந்து வரும் காற்றை மின்சாரமாக மாற்றிக் கொண்டிருந்தன, காற்றாலை கோபுரங்கள். ஆங்காங்கு கரிசல் காடுகளில் பச்சைப்போர்வை போர்த்தியதுபோல விரவிக்கிடந்தன கொத்தமல்லிச்செடிகள். அவற்றிலிருந்து காற்றில் தவழ்ந்து வந்தன, கொத்தமல்லியின் நறுமணம். அவற்றை ரசித்துக்கொண்டே எத்திராஜின் தோட்டத்துக்குள் நுழைந்தோம்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்