மரத்தடி மாநாடு: ஏறுமுகத்தில் பருத்தி விலை... மகிழ்ச்சியில் விவசாயிகள்!

இத்தொடரின் மற்ற பாகங்கள்:
ஓவியம்: வேலு

வயலில் களையெடுக்கும் வேலை இருந்ததால், காலையிலேயே தோட்டத்துக்குக் கிளம்பினார், ‘ஏரோட்டி’ ஏகாம்பரம். அவரோடு ‘வாத்தியார்’ வெள்ளைச்சாமியும் இணைந்துகொண்டார். இவர்களுக்கு முன்னரே தோட்டத்துக்கு வந்து காத்துக் கொண்டிருந்த பணியாளர்களுக்குக் களை எடுக்க வேண்டிய வயலைக் காட்டிவிட்டு வந்தமர்ந்தார், ஏரோட்டி. சற்று நேரத்தில், ‘காய்கறி’ கண்ணம்மாவும் வந்துவிட... ஒரு செய்தியைச் சொல்லி, அன்றைய மாநாட்டை ஆரம்பித்து வைத்தார், வாத்தியார்.
 
“ரசாயன உரத்தைப் பயன்படுத்தாதீங்க, பூச்சிக்கொல்லிகளைத் தெளிக்காதீங்க’னு நம்ம ‘இயற்கை வேளாண் விஞ்ஞானி’ நம்மாழ்வார் ஐயா, தன்னோட வாழ்நாள் முழுசும் சொல்லிட்டுருந்தார். அவர் இயற்கை விவசாயப் பிரசாரத்தை ஆரம்பிச்ச காலங்கள்ல அவரைக் கேலி பேசினவங்கதான் அதிகம். ஆனா, கொஞ்சம் கொஞ்சமா இப்போதான் எல்லோருக்கும் புரிய ஆரம்பிச்சுருக்கு. குறிப்பா, எவ்வளவு வீரியமான பூச்சிக்கொல்லியைப் பயன்படுத்துனாலும் பூச்சிகளை ஒழிக்க முடியாதுனு இப்போதான் விவசாயிகளும் புரிஞ்சுக்க ஆரம்பிச்சுருக்காங்க. சமீபகாலமா தோட்டக்கலைத்துறை அலுவலர்களும், வேளாண்மைத்துறை அலுவலர்களும் பூச்சிகளை ஒழிக்க இயற்கைத் தீர்வைத்தான் சொல்லிக்கிட்டுருக்காங்க.

Do you like the story?

Please Appreciate the Author by clapping!

Editor’s Pick