கம்பெனி டிராக்கிங்

பின்னலாடை உற்பத்தியில் உள்ளாடைகள் முதல் கேஷூவல் உடைகள் வரை அனைத்து விதமான ஆடைகளையும் உற்பத்தி செய்யும் இந்தியாவின் முன்னணி நிறுவனம் ரூபா அண்ட் கம்பெனி லிமிடெட். 

   நிறுவனத்தின் வரலாறு

1968-ம் ஆண்டில் ரூபா என்ற பிராண்டில் பின்னலாடைத் தயாரிப்பில் இறங்கிய இந்த நிறுவனம், 1986-ம் ஆண்டில் ரூபா அண்ட் கம்பெனி பிரைவேட் லிமிடெட் எனும் நிறுவனமாகப் பதிவு செய்யப்பட்டது. 1995 - 1996 வருடங்களில் பினோத் ஹோய்சரி என்னும் நிறுவனத்தை வாங்கிய இந்த நிறுவனம், ஒரு பப்ளிக் லிமிடெட் நிறுவனமாக மாற்றப்பட்டு, அதே வருடத்திலேயே பொதுப் பங்குகளை வெளியிட்டு, கொல்கத்தா மற்றும் ஜெய்ப்பூர் பங்குச் சந்தைகளில் பட்டியலிடப்பட்டது. 1997-2000 ஆண்டுகளுக்கு உள்பட்ட காலத்தில், கேஷுவல் ஆயத்த ஆடைகள் உற்பத்தியில் இறங்கிய இந்த நிறுவனம், மேற்கு வங்கத்தில் உள்ள டோம்ஜீர் என்னுமிடத்தில் ஒரு டையிங் யூனிட்டை ஆரம்பித்தது.  அதேசமயம், தெர்மோகோட் என்னும் பிராண்டில் தெர்மல்வேர் (குளிர்காலத்தில் அணியும் ஆடைகள்) உற்பத்தியில் இறங்கியது. 

2010-11-ல் தேசியப் பங்குச் சந்தை மற்றும் மும்பைப் பங்குச் சந்தைகளில் பட்டியலிடப்பட்ட இந்த நிறுவனம், ‘ஏர்’ (பிரீமியம் கோடைக் காலத்துக்கான உள்ளாடைகள்) மற்றும் ‘இமோஜி’ என்ற இரண்டு பிராண்டுகளை  அறிமுகம் செய்தது. 

2012-ம் ஆண்டில் ஜீன்ஸ் ஆடைகள் உற்பத்தியில் இறங்கி, ‘யூரோ’ எனும் பிராண்டில் அதை விற்பனை செய்ய ஆரம்பித்தது. அதே ஆண்டில் லெக்கின்ஸ்கள் உற்பத்தியில் இறங்கி, அதனை ஃபெம்மோரா எனும் பிராண்டில் விற்பனை செய்துவருகிறது. இப்படிப் பல்வேறு படிநிலைகளைக் கடந்து வந்த இந்த நிறுவனம், இன்றைக்கு அகில இந்திய ரீதியாக ஒரு முன்னணிப் பின்னலாடை உற்பத்தி நிறுவனமாகத் திகழ்கிறது.

   தொழில் எப்படி?

வாடிக்கையாளர்கள் மத்தியில் நன்மதிப்பைப் பெற்றும், எளிதில் நினைவு கூறுகிற  பிராண்ட்களின் பெயரில் விற்பனை செய்துவருவதும் இந்த நிறுவனத்தின் தனிச் சிறப்பு. 

அகில இந்திய ரீதியாக 20 கிளை அலுவலகங்கள், 1,18,000 சில்லறை அங்காடிகள் எனச் சிறப்பான விநியோகத்துக்கான மொத்த விற்பனை நெட்வொர்க்கையும் கொண்டுள்ளது.

புதிதாக அறிமுகப்படுத்தப்படும் தயாரிப்புகளைப் பொறுத்தவரை, (எம் சீரிஸ் மற்றும் எஃப்.சி.யு.கே தயாரிப்புகள்) இந்த மொத்த விற்பனை நெட்வொர்க்கில் இருந்து மாற்றி, தானே நேரடியாகச் சந்தைப்படுத்துதல் முறையில் மாற்றி யமைக்கும் முயற்சிகளை எடுத்து வருகிறது.
 இந்த நிறுவனம், ஜான் என்கிற அடிப்படைத் தேவைக்கான பிராண்டில் ஆரம்பித்து ஃப்ரண்ட்லைன், பம்சம்ஸ், சாஃப்ட்லைன், மேக்ரோமேன், ஃப்ரூட்ஸ் அண்ட் லூம் (உரிமம் பெற்ற பிராண்ட்), எஃப்.சி.யு.கே (உரிமம் பெற்ற பிராண்ட்) என பிரீமியம் பிராண்ட் வரையிலான பல்வேறு பிராண்ட்களில், தான் உற்பத்தி செய்யும் பொருள்களை விற்பனை செய்துவருகிறது.

   தனித்துவங்கள்

தயாரிப்புகளில் ஆரம்பித்து, ஸ்பின்னிங்,  நிட்டிங் மற்றும் பிராசஸிங், கட்டிங், ஸ்டிச்சிங், வேர்ஹவுஸ் மற்றும் டிஸ்ட்ரிப்யூஷன் வரையிலான சிறப்பான கட்டமைப்புகளைக் கொண்டிருக்கிறது. இந்த நிறுவனத்தின் நிட்டிங் மற்றும் பிராசஸிங் வசதி கர்நாடகாவில் பெங்களூரு, தமிழ்நாட்டில் திருப்பூர், மேற்கு வங்கத்தில் டோம்ஜீர், நேஷனல் கேப்பிட்டல் ரீஜினில் காசியாபாத் போன்ற இடங்களில் இருக்கிறது.

துணிகளுக்கான சாயம் போடும் வசதியில் நாளொன்றுக்கு 25 டன் வரையிலான சாயம் போடும் வசதியும், நூல்களில் சாயம் போடும் வசதியில் நாளொன்றுக்கு ஐந்து டன் அளவுக்குச் சாயம் போடும் வசதியையும் கொண்டுள்ளது.

அதேபோல், ஆடைகள் வடிவமைப்பின் ஒரு அங்கமான கட்டிங் செய்வதில் நாளொன்றுக்கு ஆறு லட்சம் எண்ணிக்கையிலான ஆடைகளை கட்டிங் செய்வதற்கான வசதியைக் கொண்டுள்ளது.

அகில இந்திய ரீதியாகப் பார்த்தால், கிழக்கு, வடக்கு மற்றும் மேற்கு இந்தியாவில் பெரிய அளவில் தன்னுடைய வர்த்தகத்தைச் செய்துவரும் இந்த நிறுவனம், தென் இந்திய சந்தைகளிலும் தன்னுடைய தயாரிப்புகள் விற்பனை செய்யப் படாத ஏனைய இடங்களிலும் வியாபாரத்தை விருத்தி செய்வதற்கான திட்டங்களைத் தீட்டிவருகிறது. மேலும், பிரீமியம் மற்றும் சூப்பர் பிரீமியம் தயாரிப்புகளிலும் கால்பதித்து அதிலும் தன் பங்களிப்பை வளர்த்துக் கொள்வதற்கான முயற்சிகளையும் மனதில் கொண்டுள்ளது.

   ரிஸ்க் ஏதும் உண்டா?

பின்னலாடைகளைப் பொறுத்தவரை, பிரீமியம் ரகங்களைத் தவிர்த்து ஏனைய ரகங்களின் விற்பனை என்பது பெரும்பாலான காலத்தில் சீராகவே இருக்கும் என எதிர்பார்க்கலாம்.

பிரீமியம் ரகத் தயாரிப்புகளின் விற்பனையில் அவ்வப்போது ஏற்ற / இறக்கங்கள் வந்துபோகலாம். மேலும், புதிய ரக தயாரிப்புகள் அறிமுகப்படுத்தப்படும்போது விளம்பரச் செலவுகள் அதிகம் செய்யவேண்டியிருக்கும். அவ்வாறு அறிமுகப்படுத்தப்படும் தயாரிப்புகள் விற்பனையில் பெரிய வளர்ச்சி அடையாவிட்டால் விளம்பரச் செலவுகள் வீணாகிவிடும். மேலும், மூலப்பொருள்களின் (பஞ்சு மற்றும் நூல்) விலை மாறுதல்கள், ஏற்றுமதி வர்த்தகத்தில் ஈடுபடுவதால் அந்நியச் செலாவணி மதிப்பு மாறுதல்கள் போன்றவையும் ஒரு ரிஸ்க்காகவே இது போன்ற நிறுவனங்களுக்குக் கருதப்பட வேண்டும்.

ரிஸ்க்குகள் இப்படிப் பல இருக்கிறபோதிலும் தொழில் ரீதியாக நீண்ட அனுபவத்தினையும் வாடிக்கையாளர்கள் மத்தியில் நன்மதிப்பினையும் கொண்டிருக்கும் இந்த நிறுவனத்தின் பங்குகளைச் சந்தை ஏதாவது ஒரு காரணத்தினால் கடுமையான வீழ்ச்சியைச் சந்திக்கும்போது வரும் நல்லதொரு விலை இறக்கத்தில் (கடந்த இருபது நாள்களில் இந்தப் பங்குகளின் விலை நல்லதொரு ஏற்றத்தை வேகமாகச் சந்தித்திருப்பதால், மே-2017-ன் இறுதியில் இருந்த விலையையொட்டிச் சந்தையில் விலை வந்தால் மட்டுமே வாங்குவதற்குப் பரிசீலனை செய்யலாம்), மிகவும் சிறிய எண்ணிக்கையில் வாசகர்கள் வாங்கி கொள்ளலாம். அதனை  மூன்று முதல் ஐந்து ஆண்டு கால முதலீட்டுக்கான ஃபோர்ட்போலியோவில் சேர்த்துக் கொள்வதற்காகத் தொடர்ந்து ட்ராக் செய்யலாம். 

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of  the document? – No; 3. Whether the research analyst or his relatives has any other material conflict of interest? – No;  4. Whether research analyst has received any compensation from the subject company/ies in the past  12 months and nature of products / services for which such compensation is received? – No;  5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol: RUPA )/name of company/time duration)