கம்பெனி டிராக்கிங்

ஜூபிலன்ட் பார்தியா குழுமத்தின் ஒரு அங்கம் ஜூபிலன்ட் லைஃப் சயின்சஸ் லிமிடெட் நிறுவனம். ஜூபிலன்ட் பார்தியா குழுமத்தில் ஜூபிலன்ட் லைஃப் சயின்சஸ் லிமிடெட்,  ஜூபிலன்ட் ஃபுட் ஒர்க்ஸ் லிமிடெட் மற்றும் ஜூபிலன்ட் இண்டஸ்ட்ரிஸ் லிமிடெட் என்ற பங்குச் சந்தையில் பட்டியலிடப்பட்ட மூன்று நிறுவனங்கள் இருக்கின்றன.

1983-ம் ஆண்டில் வினைல் அசிட்டேட் மானோமர் (Vinyl Acetate Monomer) என்னும் கெமிக்கலை உற்பத்தி செய்ய ஆரம்பித்த இந்த நிறுவனம், பல்வேறு படிநிலைகளைக் கடந்து இன்றைக்கு இந்தியா, அமெரிக்கா,  கனடா, சிங்கப்பூர், பெல்ஜியம் மற்றும் சீனா போன்ற நாடுகளில் பல்வேறு துணை நிறுவனங்களின் மூலமாகவும் வர்த்தகம் செய்துவருகிறது.

மருந்து உற்பத்தித் துறையில் துணை நிறுவனமான ஜூபிலன்ட் பார்மா லிமிடெட் என்னும் நிறுவனத்தின் மூலம் வேதிவினை மருந்து மூலப்பொருள்கள் (Active pharmaceutical ingredients), மருந்தளவு சூத்திரங்களைக் கொண்டு உருவாக்கப்படும் திட மருந்துகள் (Solid dosage formulations), கதிரியக்கச் சிகிச்சையுடனான மருந்துகள், ஒவ்வாமைக்கான சிகிச்சைக்கான மருந்துகள் போன்றவற்றின் தயாரிப்பில் ஈடுபட்டுள்ளது இந்த நிறுவனம்.

மேலும், அமெரிக்க எஃப்.டி.ஏ-வின் அங்கீகாரம் பெற்ற தன் ஆறு உற்பத்தி வசதிகளில் நோய் நுண்மங்கள் ஒழிக்கப்பட்ட  மற்றும் ஒழிக்கப்படாத மருத்துவத்துக்கு உதவும் பொருள்களையும் தயாரித்து வருகிறது. மேலும், நோய் நுண்மங்கள் முற்றிலும் ஒழிக்கப்பட்ட மனித உடம்பினுள் செலுத்தப்படக்கூடிய தயாரிப்புகளையும், மருந்துகள் கண்டறியும் பணியையும் ஒப்பந்த அடிப்படையில் செய்துவரும் நிறுவனமாகவும் இந்த நிறுவனம் திகழ்கிறது.

மருந்துகள் தயாரிப்பு மற்றும் மனிதநல உயிர் அறிவியல் துறையில் வேகமான வளர்ச்சியை இந்த நிறுவனம் அடைவதற்குக் காரணம், இந்தத் துறையில் இருக்கும் மதிப்புக்கூட்டலுடன் உண்டான வாய்ப்புகளை பல்வேறு நாடுகளில் இருக்கும் நிறுவனங்களுடனும் இணைந்து செயல்படுத்த வகுத்துவந்த திட்டங்களினால்தான்.  மருந்துகளின் தரம், அவற்றை செய்யும் முறை மற்றும் அவற்றுக்காகச் செலவிடப்படும் தொகை என்ற மூன்றையும் தொடர்ந்து சீரமைத்து முன்னேற்றத்தை அடையச் செய்ததினால்தான் இந்த அளவிலான வளர்ச்சியை எட்ட முடிந்தது என்கிறது இந்த நிறுவனம்.

இந்தியாவில் ஏழு இடங்களிலும் வட அமெரிக்காவில் நான்கு இடங்களிலும் உற்பத்தி வசதியைக் கொண்டிருக்கும் இந்த நிறுவனம்,  கிட்டத்தட்ட 6,700 பணியாளர்களைத் தன்வசத்தே கொண்டுள்ளது. வட அமெரிக்காவில் 1,400 பணியாளர்களைக் கொண்டிருக்கும் இந்த நிறுவனம் அங்கேயிருக்கும் தனது ஆராய்ச்சி வசதிகளில் (R&D) மட்டும் தனியாக 1,000 பணியாளர்களைக் கொண்டிருக்கிறது.

அமெரிக்காவில் மேரிலேண்ட்டில் இருக்கும் உற்பத்தி வசதியில் ஜெனரிக் மருந்து வகைகள் உற்பத்தி செய்து, இந்த வகை மருந்துகளுக்கான அதிக தேவை இருக்கும் வட அமெரிக்கா முழுவதும் விற்பனை செய்து வருகிறது.

பல்வேறு மருத்துவம் சார்ந்த வேதிப்பொருள்கள் தயாரிப்பில் ஈடுபட்டிருக்கும் இந்த நிறுவனத்தின் வெற்றி அது கொண்டிருக்கும் நவீன ஆராய்ச்சிக் கூடங்கள், தலைசிறந்த ஆராய்ச்சியாளர்கள் மற்றும் குறைந்த செலவுகளைக்கொண்ட தொழில்நுட்பங்களைக் கண்டறிதல் போன்ற வற்றினாலேயே சாத்தியமாகிறது.  பல நாடுகளிலும் உற்பத்தி வசதிகளைக் கொண்டிருப்பதால், வாடிக்கையாளர்களுக்குத் தயாரிப்புகளைக் குறைந்த காலகட்டத்தில் குறைந்த பொருள் செலவில் கொண்டுசேர்க்க முடிகிறது.

தொழில் பிரிவுகள் என்று பார்த்தால், லைஃப் சயின்ஸ் வேதிப்பொருள்கள், மருந்து வகைகள்,  இந்தியாவில் விற்பனை செய்யப்படும் பிராண்டட் மருந்து வகைகள், மருந்துகளைக் கண்டறிதல் போன்ற நான்கு பெரும் தொழிற்பிரிவுகளில் செயல்பட்டு வருகிறது இந்த நிறுவனம்.

லைஃப் சயின்ஸ் வேதிப்பொருள்கள் உற்பத்தியில் பைரிடின் மற்றும் பைகோலைன் உற்பத்தியில் முதலிடத்திலும், பைரிடின் டெரிவேட்டிவ்ஸ் உற்பத்தியில் 11-வது பெரிய நிறுவனமாகவும் இருக்கிறது இந்த நிறுவனம். நியாசினமைட் (விட்டமின் பி3)  உற்பத்தியில் உலக அளவில் இரண்டாவது பெரிய நிறுவனமாக இருக்கிறது. ஈத்தைல் அசிட்டேட் உற்பத்தியில்  உலகளாவிய அளவில் ஏழாவது பெரிய நிறுவனமாகவும், அசிட்டிக் அன்ஹைடிரைட் எனும் வேதிப்பொருள் உற்பத்தியில் நான்காவது பெரிய நிறுவனமாகவும் திகழ்கிறது.

இந்திய பிராண்டட் மருந்துகளின் சந்தையிலும் கால்பதித்துள்ள இந்த நிறுவனம், பல்வேறு வகையான மருந்துகளை உற்பத்தி செய்து, விற்பனை செய்துவருகிறது. இதயம் மற்றும் சர்க்கரை நோய் சம்பந்தப்பட்ட மருந்துகள் தயாரிப்பிலும் இந்த நிறுவனம் ஈடுபட்டு வருகிறது.

தரமான மருந்துகளைத் தயாரித்து அளிக்க வேண்டும் என்ற நோக்கத்துடன் செயல்படும் இந்த நிறுவனத்தின் பிராண்டட் மருந்துகள் பிரிவு இரண்டு ஆண்டுகளுக்குள்ளாகவே 500 பணியாளர் களைப் பணியில் அமர்த்தியுள்ளது.

ரிஸ்க் ஏதும் உண்டா?

மருந்து தயாரிப்பு என்பது அரசாங்க சட்டத் திட்டங்கள் மற்றும் அங்கீகாரங்களுடன் செயல்படும் ஒரு துறையாகும். இந்தத் துறையில் ஆராய்ச்சி வசதிகளும், குறைந்த செலவில் மருந்துகள் உற்பத்தி செய்யும் டெக்னாலஜியுமே வியாபாரத்துக்கான வாய்ப்புகளை உருவாக்கி லாபத்தைப் பெருக்க உதவும். ஆராய்ச்சி வசதிகளில் நிகழும் கண்டுபிடிப்புகள் தொய்வில்லாமல் தொடரவேண்டிய கட்டாயத்திலேயே இந்தத் துறையில் செயல்படும் நிறுவனங்கள் இருக்கின்றன என்பது குறிப்பிடத்தக்க ரிஸ்க் ஆகும்.

 உலக ரீதியாக தொழில் செய்யப்படுவதால், அந்நிய செலாவணியின் மதிப்பு மாறுதலும் லாபத்தை ஓரளவு பாதிப்பதற்கான வாய்ப்புகள் உள்ளன. மேலும், அரசாங்கங்களின் மருந்து ரீதியான கொள்கைகளில் ஏற்படும் மாறுதல்களும்கூட இடர்பாடுகளை உருவாக்கலாம்.

ரிஸ்க்குகள் பல இருக்கிறபோதிலும் நீண்ட தொழில் அனுபவத்தையும், வாடிக்கையாளர்கள் மத்தியில் நன்மதிப்பையும் கொண்டிருக்கும் இந்த நிறுவனத்தின் பங்குகளை மூன்று முதல் ஐந்து ஆண்டுகளுக்கான போர்ட்ஃபோலியோவில் சேர்த்துக்கொள்வதற்காக, ஏதாவது ஒரு காரணத்தினால் சந்தை கடுமையான வீழ்ச்சியைச் சந்திக்கும்போது வருகிற விலை இறக்கத்தில் வாங்குவதற்காகத் தொடர்ந்து ட்ராக் செய்துவரலாம். அப்படி ஒரு கடுமையான விலை இறக்கம் வரும்போது மட்டும் சிறிய எண்ணிக்கையில் வாங்கி மூன்று முதல் ஐந்து வருட காலத்துக்கான போர்ட்ஃபோலியோவில் சேர்த்துக் கொள்ள  வாசகர்கள் ட்ராக் செய்து வாருங்கள்.

பங்கை வாங்கியபின்னர் நிறுவனத்தின் செயல் பாடுகள் குறித்து ட்ராக் செய்ய இயலாத வாசகர் களும், ஏற்கெனவே பார்மா துறை பங்குகளை அதிகம் கொண்டிருக்கும் போர்ட் ஃபோலியோவை வைத்திருக்கும் வாசகர்களும் இந்தப் பங்கைத் தவிர்ப்பதே நல்லது.

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of  the document? – No; 3. Whether the research analyst or his relatives has any other material conflict of interest? – No;  4. Whether research analyst has received any compensation from the subject company/ies in the past  12 months and nature of products / services for which such compensation is received? – No;  5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol: JUBILANT)/name of company/time duration)