கம்பெனி டிராக்கிங்

சிமென்ட் உற்பத்தியில் மிகவும் பிரசித்தி பெற்ற நிறுவனமாகத் திகழும் நிறுவனம் ஜே.கே லெஷ்மி சிமென்ட் லிமிடெட்.    

1938-ம் ஆண்டு ராஜஸ்தானில் தொடங்கப்பட்ட நிறுவனம் இது. நூறாண்டுகளுக்கும் மேலாக, உலக அளவில் தொழில் செய்துவரும் ஜே.கே குழுமத்தின் ஓர் அங்கமே இந்த நிறுவனம். ஸ்ட்ரா புராடெக்ட்ஸ் லிமிடெட் என்ற பெயரில் செயல்பட்டு வந்த இந்த நிறுவனம், 1995-ல் ஜே.கே கார்ப் லிமிடெட் (பேப்பர், சிமென்ட் மற்றும் மேக்னட்டிக் டேப் என்னும் பல்பொருள் தயாரிப்பு நிறுவனமாக இருந்தது) என்று பெயர் மாற்றம் செய்யப்பட்டு, பின்னர் 2005-ம் ஆண்டில் ஜே.கே லெஷ்மி சிமென்ட் என்று பெயர் மாற்றம் செய்யப்பட்டது.

சிமென்ட் உற்பத்தியில் தரம், வாடிக்கையாளர் மனநிறைவு, புதுமைகளைப் புகுத்துதல் என்ற மூன்று விஷயங்களையும் கடைப்பிடிப்பதால், இந்தியக் கட்டுமானத் துறையில் செயல்படும் அனைவரின் நன்மதிப்பையும் பெற்றுள்ளது இந்த நிறுவனம். உற்பத்தித்திறன் மற்றும் செயல்திறனில் உச்ச அளவினைத் தொட வேண்டும் என்ற தீவிர எண்ணத்துடன் இயங்கும் இந்த நிறுவனம், தனது ரிசர்ச் மற்றும் டெவலப்மென்ட் வசதிகளைக் கொண்டு சிமென்ட் உற்பத்தியில் பல்வேறு மாறுதல்களைச் செய்து வருவதால், வியாபார ரீதியான அளவீடுகள் பலவற்றிலும் மிகவும் சிறந்ததொரு செயல்பாட்டுடன் திகழ்கிறது.   

ராஜஸ்தான் மாநிலம்,  சிரோஹி மாவட்டத்தில் இருக்கும் ஜே.கே.புரம் என்னும் இடத்திலும், ஹரியானாவில் ஜார்லி,  குஜராத்தில் கலோல், சூரத் என்ற இரண்டு இடங்களிலும், சத்தீஸ்கரில் துர்க் எனும் இடத்திலும் தனது உற்பத்தி வசதிகளை (க்ளிங்கர் யூனிட்கள்) கொண்டுள்ளது இந்த நிறுவனம். உற்பத்தி செய்யும் சிமென்ட்டினை குஜராத், ராஜஸ்தான், ஹரியானா, பஞ்சாப், இமாசலப்பிரதேசம்,  ஜம்மு  காஷ்மீர், புதுடெல்லி, உத்தரப்பிரதேசத்தில் மேற்கு மாவட்டங்கள், உத்தரகாண்ட், மத்தியப்பிரதேசம், மகாராஷ்ட்ரா, சத்தீஸ்கர், ஒடிசா, மேற்கு வங்கம், ஜார்க்கண்ட், பீகார், ஆந்திரப்பிரதேசம் போன்ற மாநிலங்களில் சந்தைப்படுத்தி வருகிறது இந்த நிறுவனம்.

கடந்த ஐந்து நிதியாண்டுகளில் அகில இந்திய ரீதியாகப் பார்த்தால், சிமென்ட் துறையின் வளர்ச்சி அதிகரிப்பு என்பது மூன்று ஆண்டுகளில் (2012-13,  2014-15,  2015-16) 5% அதிகரித்தும், ஒரு நிதியாண்டில் (2013-14) 3% அதிகரித்தும், ஒரு நிதியாண்டில் (2016-17) 1% குறைந்தும் காணப்பட்டது.

இந்தச் சூழ்நிலையில், இந்த நிறுவனத்தின் வியாபார வளர்ச்சி அதிகரிப்பு என்பது 2012-13-ல் 8 சதவிகிதமாகவும், 2013-14-ல் 7 சதவிகிதமாகவும், 2014-15-ல் 6 சதவிகிதமாகவும், 2015-16-ல் 3  சதவிகிதமாகவும், 2016-17-ல் 1 சதவிகிதமாகவும் இருந்தது. அதேபோல், நிர்மாணிக்கப்பட்ட உற்பத்தித் திறனை உபயோகிக்கும் விகிதாச் சாரத்திலும் இந்த நிறுவனம், தொடர்ந்து கடந்த ஐந்து ஆண்டுகளாக கணிசமான அளவில் இருந்து வருகிறது.     

இந்த நிறுவனம் பிபிசி ப்ளெண்டட் சிமென்ட், ஆர்டினரி போர்ட்லேண்ட் சிமென்ட் (53 கிரேட்),  ஆர்டினரி போர்ட்லேண்ட் சிமென்ட் (43 கிரேட்)  மற்றும் ஜே.கே லஷ்மி ப்ரோ ப்ளஸ் சிமென்ட் என்ற நான்கு வகை சிமென்ட்டுகளை உற்பத்தி செய்கிறது. இதன் பிபிசி ப்ளெண்டட் சிமென்ட், அனைத்து வகையான ஆர்.சி.சி வேலைகளுக்கும் (வலுப்படுத்தப்பட்ட கான்க்ரீட் சிமென்ட் கலவை), பூச்சுவேலைகளுக்கும், அணைகள், தண்ணீருக்கடியில்  செய்யப்படும் கட்டுமானங்கள், புனல் மின் நிலையங்கள் கட்டுமானம் போன்றவற்றுக்கு இசைந்ததாக இருக்கிறது.

ஆர்டினரி போர்ட்லேண்ட் சிமென்ட் (53 கிரேட்)  அடுக்கு மாடிக் கட்டடங்கள், அனைத்து விதமான ஆர்.சி.சி வேலைகள், தொழிற்சாலைகள் கட்டுமானம், பாலங்கள் கட்டுவதற்கான அடுக்குகள் (pre-stressed concrete), ரயில்வேயில்  உபயோகிக்கப்படும் கான்க்ரீட் ஸ்லீப்பர்கள் உற்பத்தி போன்றவற்றில் பயன்படுத்த உகந்ததாக இருக்கிறது. ஆர்டினரி போர்ட்லேண்ட் சிமென்ட் (43 கிரேட்) வணிக வளாகங்கள், தொழிற்சாலைகள், கான்க்ரீட் சாலைகள் மற்றும் அதிக எடையுள்ள வாகனப் போக்குவரத்தும் மற்றும் கடினமான உபயோகத்தினால் உருவாகும் தேய்மானமும் உள்ள தளங்கள் போடுவதற்கும் உபயோகப்படுத்தும் வகையிலான குணாதிசயங்களைக் கொண்டுள்ளது.    

இது தவிர, ஜே.கே லஷ்மி பவர் மிக்ஸ் கான்க்ரீட் என்னும் ரெடி மிக்ஸ் கான்க்ரீட்டையும் விற்பனை செய்துவருகிறது. மேலும், ஜே.கே ஸ்மார்ட் ப்ளாக்ஸ் என்னும் சிமென்ட் ப்ளாக்குகளை  உற்பத்தி செய்து விற்பனை செய்யும் இந்த நிறுவனம், இதனைச் சாதாரண செங்கலுக்குப் பதில் உபயோகப்படுத்தமுடியும் என்றும், இதனால் குறைந்த பொருள் செலவும்  குறைந்த காலத்தில் வேலை நிறைவும் பெறும் என்றும் சொல்கிறது.    

இந்த நிறுவனம் ப்ளாஸ்டர் ஆஃப் பாரிஸ் உற்பத்தியிலும் கால்பதித்துள்ளது.  ஜே.கே லஷ்மி ப்ளாஸ்ட் எனும் பிராண்டில் விற்பனையாகும் இந்த ப்ளாஸ்டர் ஆஃப் பாரிஸ், வாடிக்கையாளர் மத்தியில் நன்மதிப்பைப் பெற்றுள்ளது. மேலும், ஜே.கே ஜிப்கோல்டு என்னும் பிராண்டில் குறைந்த எடையுள்ள ஜிப்சம் சார்ந்த ஒரு ப்ளாஸ்டரையும் உற்பத்தி செய்து விற்பனை செய்து வருகிறது.

இந்த நிறுவனத்துக்கு வாடிக்கையாளர்கள் என்று பார்த்தால், இந்தியன் ஆயில், எய்ம்ஸ்,  ஏர்போர்ட் அத்தரிட்டி ஆஃப் இந்தியா, புதுடெல்லி அரசாங்கம், ஈராஸ் குரூப் நிறுவனங்கள், டாடா ஹவுஸிங், அன்சல் எ.பி.ஐ, ஓமேக்ஸ், யூனிட்டி இன்ஃப்ரா,  டி.எல்.எஃப், அலுவாலியா கான்ட்ராக்ட்,  புஞ்ச்லாயிட்,  ஜி.எம்.ஆர், ரிலையன்ஸ், எல் அண்ட் டி,  ஜி.வி.கே, லபார்ஜ் போன்ற அரசுத் துறை மற்றும் தனியார் துறை நிறுவனங்களும் அடங்கும்.   

பத்து மில்லியன் மெட்ரிக் டன் சிமென்ட் உற்பத்தி என்ற எல்லையை அக்டோபர் 2016-ல் தொட்டது இந்த நிறுவனம். தென் இந்தியாவைத் தவிர்த்து, ஏனைய இந்திய மாநிலங்கள் அனைத்திலும் கால் பதித்துள்ள இந்த நிறுவனம், கிராமப்புறச் சந்தைகளிலும் தன்னைப் பலப்படுத்திக் கொண்டுள்ளது. இது தவிர, தன் தேவைக்கான மின்சார உற்பத்திக்கு தெர்மல் பவர் ப்ளாண்ட்டுகளையும் நிறுவிவருகிறது இந்த  நிறுவனம். இந்த பவர் ப்ளாண்ட்டுகள் பல்வேறு படி நிலைகளில் இருக்கின்றன.

ரிஸ்க்குகள் ஏதும் உண்டா?

இந்த நிறுவனம் இருக்கும் துறையான சிமென்ட் தயாரிப்பு மற்றும் விற்பனை, முழுக்க முழுக்கப் பொருளாதார வளர்ச்சி சார்ந்ததாகும். எனவே, ஏதாவது ஒரு காரணத்தினால் பொருளாதார வளர்ச்சி எதிர்பார்த்த அளவு இல்லாது போனால் இந்த நிறுவனத்தின் லாபங்களும் விற்பனை இலக்குகளும் பாதிப்படையலாம்.      

மேலும், அரசாங்கத்தின் கட்டுமான ரீதியான செயல்பாடுகள் குறித்த கொள்கைகளும் இந்த நிறுவனத்தின் செயல்பாடுகளைப் பாதிக்கலாம். பொதுவாக, இதுபோன்ற துறைகளில் அரசாங்கத்தின் அனுமதி மற்றும் தொடர் கண்காணிப்புகள் இருந்துகொண்டேயிருக்கும் என்பதையும் வாசகர்கள் நினைவில் கொள்ளவேண்டும்.

இப்படி ரிஸ்க்குகள் பல இருக்கிறபோதிலும், தொழில் ரீதியாக நீண்ட அனுபவமும் நல்ல வாடிக்கையாளர் மத்தியில் நிலவும் நம்பிக்கையும் இந்த நிறுவனத்துக்கு நிச்சயம் உதவும் என்று நம்பலாம்.

அதிக ரிஸ்க் எடுக்கும் தகுதியுள்ள வாசகர்கள் மட்டும் இந்த நிறுவனத்தின் பங்குகளை, ஏதாவது ஒரு காரணத்தினால் ஏற்படும் சந்தை வீழ்ச்சியில் வரும் கடுமையான விலை இறக்கத்தின்போது சிறிய எண்ணிக்கையில் வாங்கி, தங்களுடைய மூன்று முதல் ஐந்து வருடங்களுக்கான போர்ட்ஃபோலியோவில் சேர்த்துக் கொள்வதற்காகத் தொடர்ந்து ட்ராக் செய்யலாம்.

ஏற்கெனவே சிமென்ட் நிறுவனங்களின் பங்குகளை அதிகம் வைத்திருக்கும் வாசகர்கள் இந்த நிறுவனத்தின் பங்குகளைத் தவிர்ப்பதே நல்லது எனலாம்.

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384. Analyst Certification and Disclosures under the provisions of SEBI (Research Analysts) Regulations 2014
Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of  the document? – No; 3. Whether the research analyst or his relatives has any other material conflict of interest? – No;  4. Whether research analyst has received any compensation from the subject company/ies in the past  12 months and nature of products / services for which such compensation is received? – No;  5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol: JKLAKSHMI)/name of company/time duration)