கம்பெனி டிராக்கிங்

மும்பையைச் சேர்ந்த சன்டெக் ரியாலிட்டி லிமிடெட், ரியல் எஸ்டேட் துறையில் செயல்படும் நிறுவனம் ஆகும். லக்ஸரி மற்றும் அல்ட்ரா  லக்ஸரி வீடுகள் கட்டி விற்கும் தொழிலில் இருக்கும் இந்த நிறுவனம், மொத்தமாக 23 மில்லியன் சதுர அடி பரப்பளவு கொண்ட 25 புராஜெக்ட்களை (விற்பனை மற்றும் கட்டுமான நிலைகளில்  உள்ளன) நிர்வகித்து வருகிறது. மேலும், வாடகைக்கு விடுகிற வகையிலான நான்கு கட்டுமானங்களையும் தற்சமயம் தன்வசத்தே கொண்டுள்ளது இந்த நிறுவனம். இவற்றுள் ஆறு புராஜெக்ட்களில் இரண்டு மில்லியன் சதுர அடி அளவிலான கட்டுமானத்தைக் கட்டி முடித்துள்ளது.    

நிறுவனத்தின் சிறப்பு

கட்டுமானப் பணிகளைக் குறித்த நேரத்துக்குள் முடிப்பதிலும், கட்டுமான புராஜெக்ட் மேலாண்மைக்கான அத்தனை வசதிகளையும் தன்னிடத்தே கொண்டிருப்பதும் ஒரு தனிச் சிறப்பு. மேலும், பெரிய அளவிலான கட்டுமானங்களைச் செய்வதற்குத் தேவையான ஆர்க்கிடெக்டுகள்,  பொறியாளர்கள், பிராண்ட் கூட்டாளிகள் மற்றும் உள்நாடு மற்றும் வெளி நாடுகளில் இருக்கும் பெரிய கட்டுமான நிறுவனங்களுடனான கூட்டணிகளையும் கொண்டிருக்கிறது இந்த நிறுவனம்.
உதாரணமாக, வால்ட் டிஸ்னி, எல் அண்ட் டி மற்றும் தலாத்தி அண்ட் பந்தகி அசோசியேட் போன்ற நிறுவனங்களுடன் செயல்பட்டு வாடிக்கையாளர்களுக்குத் தனித்துவமானதொரு குடியிருப்பு அனுபவத்தை ஏற்படுத்தித் தர முனைகிறது இந்த நிறுவனம்.  

இந்த நிறுவனத்தின் அதிமுக்கிய புராஜெக்ட்டாக சுமார் 1.5 மில்லியன் சதுர அடிகளை உள்ளடக்கிய மும்பை சி.பி.டி - பேலாபூர் மற்றும் பாந்த்ரா - குர்லா காம்ப்ளெக்ஸ் என்னும் இரண்டு இடங்களில் அமைந்திருக்கும் புராஜெக்ட்களைச் சொல்லலாம். இந்த புராஜெக்ட்களில் இருக்கும் சிக்னேச்சர் ஐலேன்ட், சிக்நியா ஐசெல்ஸ் மற்றும் சிக்நியா பியர்ல் என்னும் மூன்று குடியிருப்புகளும் மிகப் பெரிய செல்வந்தர்களும் தொழில் நிறுவனங்களின் தலைமைப் பொறுப்பில் இருப்பவர்களும் வசிக்கும் இடமாக இருக்கின்றன. மேலும், மும்பையில் கோரேகான் மேற்கில் சன்டெக் சிட்டி மற்றும் மும்பை சயான், முலுண்ட் உள்ளிட்ட இடங்களில் 23 ஏக்கர் பரப்பிலான புராஜெக்ட்கள், ஜெய்ப்பூர், நாக்பூர் மற்றும் கோவாவில் இருக்கும் 81 ஏக்கரிலான புராஜெக்ட்கள் என முக்கிய புராஜெக்ட்களை தன்வசத்தே கொண்டிருக்கிறது இந்த நிறுவனம்.

இந்த நிறுவனம் தன்வசத்தே கொண்டிருக்கும் புராஜெக்ட்களில் 72% வீடுகளுக்கான கட்டுமானங்களாகவும், 28% வணிக உபயோகத்துக் கான கட்டுமானங்களாகவும் உள்ளன.

இந்த நிறுவனம் சிக்னேச்சர் என்னும் பிராண்டில் பெரும் பணக்காரர்களுக்கான அல்ட்ரா லக்ஸரி வீடுகளையும், சைனியா என்னும் பிராண்டில் பிரீமியம் மற்றும் மத்திம அளவிலான நகர்ப்புற வீடுகளையும், சன்டெக் சிட்டி என்ற பிராண்டில் பெரிய அளவிலான பல்வேறு தரப்பட்ட வருமானப் பிரிவினரும் வசிக்கும் குடியிருப்புப் பகுதிகளையும், சன்டெக் என்ற பிராண்டில் வணிக ரீதியிலான உபயோகத்துக்கான கட்டுமானங்களையும் செய்துவருகிறது.

பல்வேறு படிநிலைகளில் இருக்கும் கட்டுமானப் பணிகள் முடிந்து, விற்பனை சூடுபிடிக்கும் பட்சத்தில் இந்த நிறுவனத்தின் செயல்பாடுகள் நன்றாக இருக்க வாய்ப்புள்ளது. 

இருப்பினும், ரியல் எஸ்ட்டேட் ரெகுலேட்டரி அண்ட் டெவலப்மென்ட் சட்டத்தின் கீழ் பதிவு செய்யவேண்டியதற்கான கால அவகாசம் கடந்த ஜூலை 31-ம் தேதியுடன் மஹாராஷ்ட்ராவில் முடிவடைந்துள்ளது. இந்தப் பதிவு செய்யப் படுவதில் அடையும் வெற்றி நிலை மற்றும் பதிவு செய்யப்பட்ட பின்னர் நிறுவனம் உட்படுத்தப்படக் கூடிய சட்டதிட்டங்கள் எனப் பல புதிய சட்ட ரீதியான கட்டுப்பாடுகளையும் சவால்களையும் இந்த நிறுவனம் சந்திக்கவேண்டியிருக்கும். எனினும், இந்தத் துறையில் செயல்படும் அனைத்து நிறுவனங்களுக்கும் இது பொருந்தும் என்பதும் குறிப்பிடத்தக்க ஒரு விஷயமாகும்.

ரிஸ்க்குகள் என்ன?

பொதுவாக, கட்டுமானத்துறை என்பது பொருளாதார வளர்ச்சியின் வேகத்தைப் பொறுத்தே செயல்படக்கூடிய துறையாகும். எனவே, ஏதாவது ஒரு காரணத்தினால் பொருளாதார வளர்ச்சி எதிர்பார்த்த அளவு இல்லாதுபோனாலோ அல்லது மந்த கதியில் தொடர்ந்தாலோ கட்டுமான நிறுவனங்களின் தொழிலின் லாபம் குறையவும், அவை பெற்றிருக்கும் கடன்களுக்கான வட்டி சுமை அதிகரிக்கவும், திருப்பித் தருவதில் சுணக்கமும் ஏற்பட வாய்ப்புள்ளது.  

மேலும், புதிதாக வந்திருக்கும் சட்டதிட்டங்கள் (ரியல் எஸ்டேட் ரெகுலேட்டரி அண்ட் டெவலப்மென்ட் சட்டம்) இந்தத் துறையில் இயங்கும் நிறுவனங்களின் செயல்பாடுகளைக் சற்று நன்றாகவே கடினமாக்கலாம். இந்தச் சட்டத்தின் கீழ் பதிவு செய்யப்படவேண்டிய கட்டாயமும் அந்தப் பதிவைப் பெற இது போன்ற நிறுவனங்கள் தங்களை உட்படுத்திக்கொள்ள வேண்டிய தகுதி நிலைகளுமே நிறுவன செயல்பாட்டின் லாப, நஷ்டங்களில் பாதிப்பை ஏற்படுத்தும் வாய்ப்பும் உள்ளது. எனவே, மிக அதிக அளவிலான ரிஸ்க் எடுக்கக்கூடிய திறன் கொண்டிருக்கும் வாசகர்கள் மட்டும், இந்த நிறுவனத்தின் பங்குகள் ஏதாவது ஒரு காரணத்தினால் சந்தை வேகமான இறக்கத்தைச் சந்திக்கும்போது வரும் கடுமையான விலை இறக்கத்தில் வாங்குவதற்காகத் தொடர்ந்து ட்ராக் செய்துவரலாம்.

திட்டமிட்ட முதலீட்டுக் காலகட்டங்கள் ஏதும் இல்லாமல்,  வாங்கியபின்னர் தொடர்ந்து ட்ராக் செய்துவந்து ஓரளவு லாபம் வந்தால் விற்றுவிட்டு வெளியேறும்படியான சிறிய அளவிலான முதலீட்டுக்கே, தற்போதைய சூழலில் இந்தத் துறையில் செயல்படும் நிறுவனங்களை வாசகர்கள் பரிசீலனை செய்யவேண்டும் என்பதை மனதில் கொள்ளுங்கள்.

இந்தப் பங்கை வாங்கிய பின்னர், இந்த நிறுவனத்தின் செயல்பாடுகள் குறித்தும், இந்தத் தொழில் துறையில் ஏற்படும் சட்டதிட்ட மற்றும் சூழல் மாறுதல்கள் குறித்தும் தொடர்ந்து கண்கொத்திப் பாம்பாய் பார்த்துக் கொண்டே இருந்து, உடனுக்குடன் தங்களுடைய முதலீடு குறித்த முடிவுகளை எடுக்கக்கூடிய வசதிகள் இருக்கும் வாசகர்கள் மட்டுமே இந்தப் பங்கில் முதலீடு செய்ய தொடர்ந்து ட்ராக் செய்யலாம்.

ஏற்கெனவே கட்டுமானத் துறையின் பங்குகளை அதிக அளவில் கொண்டுள்ள  போர்ட்ஃபோலியோவை வைத்திருக்கும் வாசகர்கள், அதிக அளவில் ரிஸ்க் எடுக்கும் தகுதியைக் கொண்டிருந்தாலுமே இந்தப் பங்கைத் தவிர்ப்பது நல்லது.

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384. Analyst Certification and Disclosures under the provisions of SEBI (Research Analysts) Regulations 2014
Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of  the document? – No; 3. Whether the research analyst or his relatives has any other material conflict of interest? – No;  4. Whether research analyst has received any compensation from the subject company/ies in the past  12 months and nature of products / services for which such compensation is received? – No;  5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No. General terms and conditions of the research report For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol: SUNTECK)/name of company/time duration)