கம்பெனி டிராக்கிங்

இந்தியாவில் செயல்படும் தனியார் வங்கிகளில் முக்கியமானதொரு வங்கி, ஐ.சி.ஐ.சி.ஐ பேங்க் லிமிடெட். கிளைகள் மற்றும் ஏ.டி.எம் நெட்வொர்க்கில் 18,732 என்ற எண்ணிக்கையுடன் முதலாவது பெரிய தனியார் வங்கியாகச் செயல்பட்டு வருகிறது ஐ.சி.ஐ.சி.ஐ வங்கி. 

வங்கியின் பலம்!

இந்த வங்கியின் சொத்துகள் என்று பார்த்தால், ரூ9.9 லட்சம் கோடி என்கிற அளவிலும்,  ரீடெய்ல் வர்த்தகத்தில் ரூ.2.4 லட்சம் கோடி என்கிற அளவிலும் உள்ளன. வங்கிகளுக்கான அளவீடான காசா (CASA – ஒட்டுமொத்த டெபாசிட் தொகையில் நடப்புக் கணக்கு மற்றும் சேமிப்புக் கணக்கின் விகிதம்), டயர்-1 முதலீட்டில் 14.35 சதவிகித முதலீட்டு நிறைவையும் (Capital Adequacy), கடந்த நிதியாண்டில் 265 பில்லியன் ரூபாய்கள் லாபம் ஈட்டியும் செயல்பட்டு வருகிறது இந்த வங்கி.

இன்றைய சூழ்நிலையில், வங்கிகள் செயல்பாடுகளை மதிப்பீடு செய்யும்போது அவை செய்துவரும் டெக்னாலஜி ரீதியான மேம்பாடுகளையும் உபயோகப்படுத்தப்படும் டெக்னாலஜிகளையும் கணக்கில் எடுத்துக் கொள்ளப்பட வேண்டியுள்ளது. அந்த ரீதியாகப் பார்த்தால், கடந்த நிதியாண்டில் வியாபார அளவீட்டில் ரூபாய் 2.6 லட்சம் கோடி  அளவிலான மொபைல் மூலமான பரிமாற்றத்தைச் செய்துள்ளது இந்த வங்கி. 4.7 கோடி டெபிட் மற்றும் கிரெடிட் கார்டுகளை வழங்கியுள்ள இந்த வங்கியில் கடந்த நிதியாண்டின் இரண்டாவது பாதியில் மட்டும் சேமிப்புக்கணக்கில் நடந்த  பரிவர்த்தனைகளில் 79 சதவிகித அளவிலான பரிவர்த்தனை, டிஜிட்டல் மூலமாக நடந்த பரிவர்த்தனையாக இருந்துள்ளது.

நவீன வங்கி மற்றும் நிதி சார்ந்த சேவைகளை வழங்குவதில் ஆயுள் காப்பீடு, பொது காப்பீடு, மியூச்சுவல் ஃபண்ட், பங்குத் தரகு மற்றும் கடன் பத்திரத் தரகு போன்றவையும் சேர்ந்துகொண்டு விட்டது. இந்தத் துறைகளில் ஆயுள் காப்பீட்டுத் துறையில் ஐ.சி.ஐ.சி.ஐ புரூடென்ஷியல், பொது காப்பீட்டுத் துறையில் ஐ.சி.ஐ.சி.ஐ லம்பார்ட், மியூச்சுவல் பண்ட் துறையில் ஐ.சி.ஐ.சி.ஐ மியூச்சுவல் பண்ட், பங்குத் தரகில் ஐ.சி.ஐ.சி.ஐ செக்யூரிட்டீஸ், கடன் பத்திரங்கள் தரகு வர்த்தகத்தில் (பிரைமரி டீலர்ஷிப்) ஐ.சி.ஐ.சி.ஐ செக்யூரிட்டீஸ் பிரைமரி டீலர்ஷிப் போன்ற ஐ.சி.ஐ.சி.ஐ வங்கியின் குழும நிறுவனங்கள் செயல்பட்டு வருகின்றன.

இந்த வங்கியின் கிளைகள் இருக்கும் இடங்களில் ஏனைய தனியார் வங்கிகளின் கிளைகள் சற்றுக்குறைவாகவே இருக்கின்றன.  மேலும், வர்த்தகத்துக்கு அதிக வாய்ப்பிருக்கும் மாநிலங்களிலேயே பெரும்பான்மையான கிளைகளைக் கொண்டிருப்பதும் கவனத்தில் கொள்ள வேண்டிய விஷயமாகும். மகாராஷ்டிரா, ராஜஸ்தான், தமிழ்நாடு, குஜராத், கர்நாடகா போன்ற வர்த்தகத்துக்கு அதிக வாய்ப்பிருக்கும் மாநிலங்களில் அதிக கிளைகளைக்கொண்டு இயங்கும் இந்த வங்கி, எதிர்காலத்தில் வர்த்தகத்துக்கு வாய்ப்பிருக்கும் இடங்களிலும் தனது விரிவாக்கங்களைச் செய்ய முனைப்புடன் திட்டங்களைத் தீட்டிவருகிறது.    

கடந்த நிதியாண்டில் காசா விகிதாசாரம் கணிசமாக உயர்ந்ததும், ரீடெயில் கடன் துறையில் வர்த்தகம் நல்ல முறையில் அதிகரித்ததும், டிஜிட்டல் வர்த்தகத்தில் அதிக முனைப்புடன் செயல்பட்டதும், நிதி சாரா சேவைகளில் இருந்து வரும் வருமானம் இரண்டாவது அரையாண்டில் அதிகரித்ததும், வாராக் கடன்களைச் சமரசம் மற்றும் ஏனைய நடவடிக்கைகளின் மூலம் வசூல் செய்ய செய்யப்படும் தொடர் முயற்சிகளும், வங்கிசாரா துறையில் செயல்படும் ஏனைய துணை நிறுவனங்களின் சிறப்பான செயல்பாடு களும் நல்லதொரு அறிகுறியாகவே பார்க்க வேண்டும்.

கடந்த நிதியாண்டில் கடன் வழங்கும் பிரிவில் வளர்ச்சி என்று பார்த்தால், ரீடெயில் கடன்களில் கிட்டத்தட்ட 18 சதவிகித அளவும், எஸ்.எம்.இ பிரிவில் கிட்டத்தட்ட 17 சதவிகித அளவும்,  கார்ப்பரேட் பிரிவில் கிட்டத்தட்ட ஆறு சதவிகித அளவும் வளர்ச்சி பெற்றுள்ளது இந்த வங்கி.  அயல்நாடு கடன் வழங்குவதில் கிட்டத்தட்ட 20 சதவிகித அளவிலான வளர்ச்சி குறைவைக் கண்ட இந்த வங்கி, உள்நாட்டுக்குக் கடன் தருவதில் சுமார் 14 சதவிகித அளவிலான வளர்ச்சியைக் கண்டுள்ளது. 2016 மார்ச் மாதத்துடன் முடிந்த நிதியாண்டில் 46.6 சதவிகித அளவில் இருந்த ரீடெயில் கடன் வர்த்தகம் 2017 மார்ச் மாதத்துடன் முடிவடைந்த நிதியாண்டில் 51.8 சதவிகிதமாக (ரூ.2,403 பில்லியன்) இருந்துவந்துள்ளது. இந்த வகை ரீடெயில் கடன்களில் பர்சனல் லோன், கிரெடிட் கார்டு லோன், பிசினஸ் பேங்கிங், ரூரல் கடன்கள், வீட்டுக் கடன்கள், வாகனங்களுக்கான கடன்கள் போன்றவை அடங்கும்.   

கார்ப்பரேட் கடன்களைப் பொறுத்தவரை, கடந்த நிதியாண்டில் தரமான கார்ப்பரேட் நிறுவனங்களுக்குக் கடனளிப்பதை முன்னுரிமை யுடன் செயல்படுத்தி வந்துள்ளது இந்த வங்கி. 2016 நிதியாண்டின் கடைசி காலாண்டின் இறுதி யில் கிட்டத்தட்ட 40 சதவிகிதமாக இருந்த காசா விகிதம், 2017 நிதியாண்டின் கடைசி காலாண்டின் இறுதியில் கிட்டத்தட்ட 46 சதவிகிதமாக இருந்தது.

சுங்கச்சாவடிகளில் ஆர்.எஃப் ஐடி வாயிலாக சுங்கம் வசூலிப்பதில் முனைப்புடன் செயல்பட்ட இந்த வங்கி, 350 சுங்கச்சாவடிகளில் இப்படி செயலாற்றி வருகிறது. கிராமப்புற வாடிக்கையாள ருக்காக ‘மேரா ஐ மொபைல்’ என்னும் மொபைல் ஆப்பை அறிமுகப்படுத்தி இருக்கிறது. ‘ஐ.சி.ஐ.சி.ஐ டிஜிட்டல் வில்லேஜ்’  என்னும் திட்டத்தையும் செயல்படுத்தி வருகிறது ஐ.சி.ஐ.சி.ஐ வங்கி.

ரிஸ்க் ஏதும் உண்டா?

வங்கித் துறை முழுக்க முழுக்கப் பொருளாதார வளர்ச்சியை முன்நிறுத்திச் செயல்படும் துறையாகும். பொருளாதாரம் நன்றாக இயங்கும் போது நல்ல லாபம் ஈட்டுவதும், பொருளாதாரம் மந்தகதியாகும்போது வாராக் கடனுடன் இயங்குவதும் இந்தத் துறையின் இயல்பு. தனியார் வங்கிகளில் பட்டியலில் பெரியதொரு வங்கியாகத் திகழும் ஐ.சி.ஐ.சி.ஐ வங்கி தனது கடந்த கால அனுபவங்களால் துறை சார்ந்த ரிஸ்க்குகளைச் சிறப்பாகக் கையாளும் என்று எதிர்பார்க்கலாம்.

இருப்பினும் எதிர்பாராத சூழ்நிலைகளில் வரும் பொருளாதார மந்தநிலை, வங்கிகளின் லாபச் சூழலைப் பாதிக்கலாம் என்பதை மனதில் வைத்தே முதலீட்டாளர்கள் இந்தப் பங்குகளை ட்ராக் செய்ய வேண்டியிருக்கும்.

ரிஸ்க்குகள் பல இருக்கிறபோதிலும், அதற்கேற்ற அதிக ரிஸ்க் எடுக்கும் திறன்கொண்ட வாசகர்கள் மட்டும் ஐ.சி.ஐ.சி.ஐ பேங்கின் பங்குகளைச் சந்தை ஏதாவது ஒரு காரணத்தினால் சந்திக்கும் வீழ்ச்சியின்போது வரும் நல்லதொரு விலை இறக்கத்தில் மிகவும் குறைந்த எண்ணிக்கையில் வாங்கலாம். 3 - 5 ஆண்டு கால முதலீட்டுக்கான போர்ட்ஃபோலியோவில் சேர்த்துக்கொள்வதற் காகத் தொடர்ந்து ட்ராக் செய்யலாம். ஏற்கெனவே வங்கிகளின் பங்குகளை அதிக அளவில் கொண்டிருக்கும் போர்ட்ஃபோலியோவை வைத்திருக்கும் முதலீட்டாளர்கள், அதிக ரிஸ்க் எடுக்க இயலாத வாசகர்களும் இந்தப் பங்கைத் தவிர்ப்பது நல்லது.

படம்: பா.காளிமுத்து

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384. Analyst Certification and Disclosures under the provisions of SEBI (Research Analysts) Regulations 2014
Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of  the document? – No; 3. Whether the research analyst or his relatives has any other material conflict of interest? – No;  4. Whether research analyst has received any compensation from the subject company/ies in the past  12 months and nature of products / services for which such compensation is received? – No;  5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol: ICICIBANK)/name of company/time duration)