கம்பெனி டிராக்கிங்

டாடா குழுமத்தின் ஓர் அங்கம்தான் ராலிஸ் இந்தியா லிமிடெட் (NSE SYMBOL: RALLIS). டாடா கெமிக்கல்ஸ் லிமிடெட் நிறுவனத்தின் துணை நிறுவனமான இது, மும்பை மற்றும் தேசியப் பங்குச் சந்தையில் பட்டியலிடப்பட்டுள்ள நிறுவனமாகும்.  

சமீபத்தில், டாடா கெமிக்கல்ஸ் நிறுவனம் ஃபெர்டிலைசர் யூரியா உற்பத்தியை விட்டு வெளியேறப் போவதாகச் செய்திகள் வெளி வந்துள்ள நிலையில், பூச்சிக்கொல்லி, உரம் மற்றும் விதை போன்றவற்றைத் தன் முக்கிய வலிமை பொருந்திய வியாபார வாய்ப்புகளாக உணர்ந்துள்ளது இந்த நிறுவனம்.

செயல்பாடுகள்

தற்சமயம் இந்த நிறுவனம் செயல்படும் தொழில் பிரிவுகள் என்று பார்த்தால்,  உள்நாட்டுப் பயிர் பாதுகாப்பு, உலகளாவிய அளவிலான பயிர் பாதுகாப்பு, பயிர் பாதுகாப்புக்கான வேதிப்பொருள்கள், சிறப்பு வேதிப் பொருள்கள், பாலிமர்கள் மற்றும் இடைநிலை வேதிப்பொருள்கள் போன்றவற்றை ஒப்பந்த அடிப்படையில் உற்பத்தி செய்து தருதல், விதைகள் (அரிசி,  சோளம், கம்பு, சூரியகாந்தி மற்றும் காய்கறிகள்) உற்பத்தி, சீரான பயிர் வளர்ச்சிக்கான ஊட்டச்சத்து, விவசாயிகளுக்கான சேவைகளை வழங்குதல் போன்ற ஆறு பெரும் தொழில் பிரிவுகளில் செயல்பட்டு வருகிறது.

உள்நாட்டுப் பயிர் பாதுகாப்பு பிரிவில் பூச்சிக் கொல்லி மருந்துகள், விதைகளைப் பராமரித்தலுக்கான கெமிக்கல்கள் மற்றும் வீட்டுப் பயன்பாட்டுக்கான பூச்சிக்கொல்லி மருந்துகள் போன்ற பிரிவுகளில் செயல் பட்டு வருகிறது. பூச்சிக்கொல்லி பிரிவில் பூஞ்சைக் காளான் தடுப்பு மருந்துகள் , களைக்கொல்லிகள்,  பூச்சிக்கொல்லிகள் போன்றவற்றை உற்பத்தி செய்து, விற்பனையும் செய்துவருகிறது. 

உலகப் புகழ்பெற்ற நிறுவனங்களான டெள அக்ரோசயின்சஸ், சின்ஜென்டா மற்றும் நிகான் நோஹ்யாகூ போன்ற நிறுவனங்களுடன் இந்த நிறுவனம் அமைத்திருக்கும் கூட்டணி, தலை சிறந்த பயிர் பாதுகாப்பு வேதியியல் மூலக்கூறுகளை அறிமுகப்படுத்துவதற்கு மிகவும் உதவுகிறது.

பிரபல பிராண்டுகள்

விதை பராமரிப்புக்கான கெமிக்கல்களை டாடா மிடா 70 டபிள்யூ எஸ், கிளேசர் 35 டபிள்யூ எஸ், டாடா மிடா 600 எஃப்.எஸ்,  கேப்டாப் 50 டபிள்யூ பி,  ட்ரூப்பர் என்ற பெயர்களில் உற்பத்தி செய்து விற்பனை செய்து வருகிறது இந்த நிறுவனம்.  வீட்டு உபயோகத்துக் கான பூச்சிக்கொல்லி மருந்துகளில் ‘தெர்மெக்ஸ்’ என்ற பெயரில் கறையானை ஒழிப்பதற்கான மருந்தை விற்பனை செய்கிறது இந்த நிறுவனம். 

விரிவாக்கம்

எழுபதுக்கும் மேற்பட்ட நாடுகளுக்குத் தன் தயாரிப்புகளை ஏற்றுமதி செய்யும் இந்த நிறுவனம், அதனுடைய ஏற்றுமதி வர்த்தகத்தை மேலும் பல நாடுகளுக்கு விரிவாக்கம் செய்துவருகிறது. தொடர்ந்து விரிவாக்கங்களுக்கான முயற்சிகளான  பதிவுகள், அந்தந்த நாடுகளுக்குத் தேவையான தயாரிப்புகளுக்கான முயற்சி எடுத்தல், உற்பத்தி வசதிகளை ஏற்படுத்திக்கொள்ளுதல் போன்ற வற்றை செய்துவருவதால் மட்டுமே இந்த விதமான விரிவாக்கங்களைச் செய்ய முடிகிறது.

சிறப்பம்சங்கள்

விதைகள் தொழிற்பிரிவில் சிறப்பான செயல் பாடுகளைக் கொண்டிருப்பதற்காக பெங்களூருவைச் சார்ந்த மெட்டாஹெலிக்ஸ் லைப் சயின்சஸ் என்னும் விதை ஆராய்ச்சி நிறுவனத்தின் பெரும்பான்மைப் பங்குகளை வாங்கியது இந்த  நிறுவனம். மெட்டாஹெலிக்ஸ் நிறுவனம் நெல், கம்பு, சூரியகாந்தி மற்றும் காய்கறி வகைகளுக்கான விதைகளைக் கண்டறிந்து உற்பத்தி செய்து, சந்தைப்படுத்தவும் செய்துவருகிறது.  இதுதவிர, ஹைபிரிட் காட்டன், கடுகு போன்ற விதைகளையும் சந்தைப்படுத்தி வருகிறது.    

பயிர்களுக்கான ஊட்டச்சத்து தொழிற்பிரிவில்,  பயிர்கள் செழிப்பாக வளரத் தேவையான  நுண் ஊட்டச்சத்துகளை உற்பத்தி செய்து விற்பனை செய்துவருகிறது இந்த நிறுவனம். இவற்றில் ராலி கோல்டு ஜி.ஆர் எனும் விளைச்சலை அதிகரிக்கும் நுண்ணூட்டச்சத்து மருந்து, விவசாயிகள் மத்தியில் மிகவும் பிரசித்தி பெற்ற பிராண்ட் ஆகும். 

இந்த நிறுவனம், தன்வசத்தே கொண்டுள்ள விநியோகத்துக்கான நெட்வொர்க்கைச் சிறப்பாக உபயோகப்படுத்தித் தொழில்புரிவதற்காக போராக்ஸ் யூரோப் லிமிடெட் போன்ற அயல்நாட்டு நிறுவனங்களின் தயாரிப்புகளையும் விநியோகித்து வருகிறது.

உற்பத்தி நிலையங்கள்

இந்த நிறுவனம் அகோலா, அங்க்லேஷ்வர், லோட்டே, தாஹீஜ் உள்ளிட்ட இடங்களில் உற்பத்தி வசதியைக் கொண்டிருக்கிறது. உற்பத்தி செய்யப்படும் பொருள்களை வாடிக்கையாளர் களிடம் கொண்டு சேர்க்க 1500 டீலர்களையும் 40,000-க்கும் மேற்பட்ட சில்லறை விற்பனை நிலையங்களையும் கொண்டிருக்கிறது.  

11  மண்டல அலுவலகங்களும், 44 ஏரியா விற்பன அலுவலகங்களையும், 25 டெப்போக் களையும், அறுதியிட்டு வரையறுக்கப்பட்ட 225 விற்பனை பிரதேசங்களையும், அதில் 225  களப்பணியாளர்களையும் மற்றும் ஆயிரத்துக்கும் மேற்பட்ட பயிர் ஆலோசகர்களையும் (டீலர்கள் மற்றும் விவசாயிகளுக்குத் தயாரிப்புகள் குறித்த விளக்கங்களைச் சொல்ல) கொண்டு திகழ்கிறது இந்த நிறுவனம்.

ரிஸ்க்குகள்

விவசாயத் துறையைச் சார்ந்த பூச்சிக் கொல்லிகள், உரங்கள், விதைகள் மற்றும் ஏனைய விவசாயத்துக்கான சேவைகள் என்பது தட்ப வெப்பநிலை மற்றும் பருவமழை சார்ந்த ஒரு துறையாகும். எனவே, மோசமான தட்பவெப்ப நிலையும் பருவமழை பொய்த்தலும் விற்பனைக்குக் குந்தகம் விளைவிக்கும் விஷயங்களாக மாறிவிடும் வாய்ப்புள்ளது என்பதை வாசகர்கள் நினைவில் கொள்ளவேண்டும்.   

மேலும், போட்டியைக் குறைக்க/தப்பிக்க மருந்து மற்றும் விதை சம்பந்தப்பட்ட ஆராய்ச்சி களில் தொடர்ந்து வெற்றிபெறவும் வேண்டிய கட்டாயமும் இந்த வகை நிறுவனங்களுக்கு இருக்கவே செய்கிறது. ஏற்றுமதி வர்த்தகத்திலும் ஈடுபடுவதால், அந்நியச் செலவாணி மதிப்பு மாறுதலும் ஒரு இடர்பாடாகவே கருதப்பட வேண்டும்.

ரிஸ்க்குகள் பல இருக்கிறபோதிலும் தொழில் ரீதியான நீண்ட அனுபவத்தையும் விவசாயிகளின் மத்தியில் நல்ல பிராண்ட் மதிப்பையும் கொண்டு உள்ள இந்த நிறுவனத்தின் பங்குகளை, ஏதாவது ஒரு காரணத்தினால் சந்தையில் பெரியதொரு சரிவு வரும்போது வரும் விலை இறக்கத்தில், மிகவும் சிறிய எண்ணிக்கையில் வாங்கி, தங்களது மூன்று முதல் ஐந்தாண்டு காலத்துக்கான போர்ட்ஃபோலியோவில் சேர்த்துக்கொள்வதற்காக வாசகர்கள் தொடர்ந்து ட்ராக் செய்யலாம். 

சமீபத்தில் ஒரு கணிசமான அளவிலான ஏற்றத்தை இந்த நிறுவனத்தின் பங்குகள் கண்டிருப்பதால், நல்லதொரு இறக்கம் வரும் வரை காத்திருப்பது கட்டாயம்.

ஏற்கெனவே விதை/பூச்சிக்கொல்லி நிறுவனங்களின் பங்குகளை அதிகம் கொண்டிருக்கும் போர்ட்ஃபோலியோவை வைத்திருக்கும் வாசகர்கள், இந்தப் பங்கை வாங்குவதைத் தவிர்ப்பதே நல்லது. 

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384. Analyst Certification and Disclosures under the provisions of SEBI (Research Analysts) Regulations 2014 Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement 1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of  the document? – No; 3. Whether the research analyst or his relatives has any other material conflict of interest? – No;  4. Whether research analyst has received any compensation from the subject company/ies in the past  12 months and nature of products / services for which such compensation is received? – No;  5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report 

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances. One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol: RALLIS /name of company/time duration)