கம்பெனி டிராக்கிங்

இந்த வாரம் நாம் டிராக்கிங் செய்ய எடுத்துக்கொண்டுள்ள நிறுவனம் மின் விசிறி, மின் விளக்குகள், லைட் ஃபிட்டிங்குகள், பம்புகள், வீட்டு உபயோகச் சாதனங்கள் மிக்ஸி, டோஸ்ட்டர், அயர்ன் பாக்ஸ் போன்றவற்றைத் தயாரிக்கும் நிறுவனமான கிராம்ப்டன் கிரீவ்ஸ் கன்ஸ்யூமர் எலெக்ட்ரிக்கல்ஸ் லிமிடெட் நிறுவனத்தை. 

பாரம்பர்யம் 

கடந்த இருபது வருடங்களாக வீட்டு உபயோக பம்புகள், வீடு மற்றும் தெருவிளக்குகள் பிரிவுகளில்  பிரசித்தி பெற்ற நிறுவனமாகச் செயல்பட்டு வருகிறது இந்த நிறுவனம்.

தற்போது வீட்டு உபயோகச் சாதனங்களில் கால்பதித்து வரும் இந்த நிறுவனம், விவசாயத்துக்கான பம்புகள் மற்றும் வீட்டு உபயோக மின்சாரச் சாதனங்களைப் பயன்படுத்துவதில் தனது வாடிக்கையாளர் களிடையே கிட்டத்தட்ட கடந்த 75 வருடங்களாக நன்மதிப்பைப் பெற்று, வேகமான வளர்ச்சியைத் திட்டமிட்டுச் செயல்படுத்திக்கொண்டிருக்கிறது.

சாதகமான அம்சங்கள்

அக்டோபர் 2015 - ஜனவரி 2016 காலகட்டத்தில், தாய் நிறுவனத்திடமிருந்து தனியாகப் பிரிந்து செயல்படத் தொடங்கிய இந்த நிறுவனம், ஏப்ரல் 2016 முதலே தன்னுடைய பிராண்ட் குறித்த விளம்பர ரீதியிலான விரிவாக்கங்களைச் செய்யத் தொடங்கியது. 2016-ம் ஆண்டு மே மாதம், மும்பை மற்றும் தேசியப் பங்குச் சந்தையில் பிரிக்கப்படுதல் நிறைவடைந்து, தனி நிறுவனமாகப் பட்டியலிடப் பட்ட இந்த நிறுவனம், அக்டோபர் 2016-ல் 50% வரை தூசுகளைக் குறைவாக இழுத்துக்கொள்ளும் வகையிலான சீலிங் பேன்களை அறிமுகப் படுத்தியது. செப்டம்பர் 2017-ல்,  இந்திய அளவில் இரண்டாவது பெரிய லைட்டிங் நிறுவனமாகத் தன்னை உயர்த்திக்கொண்டுள்ளது.

தொழில் வளர்ச்சிக்கான வாய்ப்புகள் என்று பார்த்தால் பல விஷயங்களைச் சுட்டிக்காட்டலாம். அதிகரித்து வரும் தனிநபர் சராசரி வருமானம், வேகமாக வளர்ந்துவரும் நகர்ப்புற வளர்ச்சி, அரசாங்கம் செயல்படுத்தி வரும் அனைத்து வீடுகளுக்கும் மின்சார வசதி எனும் திட்டம் மற்றும்  மத்திய அரசு 2022-ம் ஆண்டு அனைவருக்கும் வீடு எனும் அடிப்படையில் திட்டமிட்டுச் செயல்படுத்தி வரும் சகாய விலை வீடுகள் திட்டம் போன்றவையாகும்.   

முறைப்படுத்தப்பட்ட துறைகளில் செயல்படும் நிறுவனங்களுக்கான வியாபார அளவீடு என்று பார்த்தால், ஆண்டொன்றுக்குக் கிட்டத்தட்ட 10%  அளவில், இந்திய ரூபாயில் 300 பில்லியன் அளவிலான சந்தைப் பொருள்களை  இந்த நிறுவனம் உற்பத்தி செய்துவருகிறது எனலாம்.

இந்தச் சந்தை அளவீட்டில், லைட்டிங் சாதனங்களின் பங்களிப்பு கிட்டத்தட்ட 120 பில்லியன் ரூபாயாகவும், ஃபேன்களின் பங்களிப்பு  கிட்டத்தட்ட 75 பில்லியன் ரூபாயாகவும், பம்புகளின் பங்களிப்பு கிட்டத்தட்ட 75 பில்லியன் ரூபாயாகவும், வீட்டு உபயோகச் சாதனங்களின் பங்களிப்பு கிட்டத்தட்ட 30 பில்லியன் ரூபாயாகவும் இருக்க வாய்ப்புள்ளது.  

வெற்றிக்கான காரணங்கள்

இந்த நிறுவனத்தைப் பொறுத்தவரை வெற்றிக்கான காரணங்களாக ஐந்து விஷயங்களைப் பட்டியலிடலாம். தெளிவான  தொழில் நிர்வாகக் கட்டமைப்பு, நீண்டகாலமாக நம்பகத் தன்மையுடன் கூடிய பிராண்ட், செயல்படும் தொழில் பிரிவில் அனைத்து முக்கிய சாதனங்களையும் உற்பத்தி செய்தல், ஜி.டி.எம் எனும் கோ-டு-மார்க்கெட் (Go-to-Market) எனும் சந்தைப்படுத்துதல்/விற்பனை ரீதியான செயல் திட்டத்தை நடைமுறைப்படுத்துதல்,   உற்பத்தியில் சிறந்த தொழிற்சாலைகளைக் கொண்டிருத்தல் போன்றவற்றைச் சொல்லலாம். இதனாலேயே சந்தையில் ஒரு முன்னணி நிலையையும், கணிசமான உயரிய லாபத்தையும், அனைத்து பயனாளர்களுக்கும் சிறந்த மதிப்புக் கூட்டலைத் தருவதும் இந்த நிறுவனத்துக்குச் சாதகமான அம்சங்கள் எனலாம்.  

சந்தை விரிவாக்கம்

கிராம்ப்டன் எனும் பிராண்ட், 75 வருடங்களுக்கும் மேலாக வாடிக்கையாளர்கள் மத்தியில் நன்மதிப்பைப் பெற்றுத் திகழ்கிறது.  2004, 2007, 2009 மற்றும் 2012-ம் ஆண்டுகளில் கன்ஸ்யூமர் எலெக்ட்ரிக்கல் பிரிவில்,
ஃபேன்கள், லைட்டிங் மற்றும்  பம்புகளுக்கான சூப்பர் பிராண்டாகக் கருதப்பட்டது இந்த நிறுவனம்.  

இந்திய அளவில் 3000-க்கும் மேற்பட்ட விநியோகஸ்தர்களையும், ஒரு லட்சத்துக்கும் மேற்பட்ட சில்லறை வர்த்தக நிறுவனங்களையும் தன் நெட்வொர்க்கில் கொண்டிருக்கிறது இந்த நிறுவனம்.

மேலும், வர்த்தகத்தை அதிகரிக்கவும் வாடிக்கையாளரை வேகமாகச் சென்றடையவும் தன்னுடைய விநியோக நெட்வொர்க்கில் பல்வேறு விரிவாக்கங்களைச் செய்வதற்கான திட்டங்களைப் பல படிநிலைகளில் நடைமுறைப் படுத்திக்கொண்டிருக்கிறது இந்த நிறுவனம்.  

விற்பனை செய்த பொருள்களில் பழுதுகள் ஏற்பட்டால் அவற்றைச் சரிசெய்து தருவதற்காக  இந்திய அளவில் ஐநூறுக்கும் மேற்பட்ட சர்வீஸ் சென்டர்களை  கொண்டுள்ளது.

சிறப்பு உற்பத்தி

மின்சார சிக்கனத்திற்கான ஸ்டார் ரேட்டிங் கொண்ட உபகரணங்களை உற்பத்தி செய்துவருகிறது இந்த நிறுவனம். ஃபேன்களின் பிரிவில் டேபிள் ஃபேன்கள், சீலிங் பேன்கள், பெடஸ்டல் பேன்கள், சுவற்றில் பொருத்தப்படும் ஃபேன்கள், எக்சாஸ்ட் ஃபேன்கள், ஸ்பெஷாலிட்டி ஃபேன்கள் போன்றவற்றையும், லைட்டிங் பிரிவில்  எல்.இ.டி, சி.எஃப்.எல் பல்புகள், கன்ஸ்யூமர் லுமினரிஸ், சோலார் தெரு விளக்குகள், ஆட்டோமேட்டிக்காக எரியும் விளக்குகள் உள்ளிட்ட பல வகை லைட்டிங்குகளை உற்பத்தி செய்கிறது.

அப்ளையன்சஸ் பிரிவில்  கீசர்கள், ரூம் ஹீட்டர்கள்,  அயர்ன் பாக்ஸ், மிக்சர், கிரைண்டர், ஃபுட் பிராசஸர், எலெக்ட்ரிக் ரைஸ் குக்கர் மற்றும் இண்டக்‌ஷன்  குக்டாப் போன்றவற்றையும்,  பம்புகள் பிரிவில் வீட்டு உபயோகம், விவசாய உபயோகம்  மற்றும்  கழிவுநீர், நீச்சல்குளம், தோட்டம் உள்ளிட்ட பல இடங்களில் உபயோகப்படுத்தப்படும் பம்புகள்,  காற்றிலிருக்கும் மாசைச் சுத்தப்படுத்தும் ஏர் ப்யூரிஃபையர் போன்றவற்றை உற்பத்தி செய்கிறது இந்த நிறுவனம்.

ரிஸ்க்குகள் ஏதும் உண்டா?

இந்த நிறுவனம் செயல்பட்டுவரும் துறையான கன்ஸ்யூமர் எலெக்ட்ரிக்கல்ஸ் துறை , பொருளாதார வளர்ச்சியைச் சார்ந்தே பெருமளவில் இயங்கும் துறையாகும். எதிர்பார்க்கும் அளவுக்கான பொருளாதார வளர்ச்சி இல்லாத போதும், அரசாங்கத்தின் வீடு குறித்த கொள்கைகள் மற்றும் திட்டங்களில் மாறுதல்கள் ஏற்படுகிறபோதும் இந்த நிறுவனத்துக்கு, அதற்குண்டான அளவில் பாதிப்புகள் வரக்கூடும் என்று எதிர்பார்க்கலாம். மேலும், மூலபொருள்கள் விலை மாற்றமும், வியாபாரத்துக்கான வாய்ப்புகளைக் கண்டு தோன்றக்கூடிய புதிய போட்டிகளும்கூட இந்த நிறுவனத்தின் லாபத்தில் பாதிப்புகளை ஏற்படுத்தலாம்.

முதலீடு செய்யலாமா?

ரிஸ்க்குகள் பல இருக்கிறபோதிலும் செய்யும் தொழிலில் நீண்ட அனுபவத்தையும், வாடிக்கையாளர் மத்தியில் நன்மதிப்பையும் கொண்டிருக்கும் நிறுவனம் இது. இதன் பங்குகளை,  சந்தை ஏதாவது ஒரு காரணத்தினால் கணிசமான அளவில் சரிவைச் சந்திக்கும்போது வரும் கடுமையான விலைவீழ்ச்சியின்போது வாங்கி, மூன்று முதல் ஐந்து ஆண்டுகளுக்கான முதலீட்டு போர்ட்ஃபோலியோவில் சேர்த்துக் கொள்வதற்காக  வாசகர்கள் தொடர்ந்து ட்ராக் செய்துவரலாம்.

கடந்த இரண்டு மாதங்களில், கணிசமான விலை ஏற்றத்தை இந்த நிறுவனத்தின் பங்குகள் சந்தித்திருப்பதால், வாசகர்கள் கணிசமான விலை இறக்கம் வரும் வரை கட்டாயம் காத்திருக்க வேண்டும் என்பதைப் புரிந்துகொண்டு செயல்படவேண்டும். 

ஏற்கெனவே கன்ஸ்யூமர் எலெக்ட்ரிகல்ஸ் துறையில் ஈடுபட்டிருக்கும் பங்குகளைத் தங்களுடைய போர்ட் ஃபோலியோவில் கொண்டிருக்கும் வாசகர்கள், இந்தப் பங்கைத் தவிர்ப்பதே நல்லது எனலாம்.

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of  the document? – No; 3. Whether the research analyst or his relatives has any other material conflict of interest? – No;  4. Whether research analyst has received any compensation from the subject company/ies in the past  12 months and nature of products / services for which such compensation is received? – No;  5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq
security.htm (Choose symbol: CROMPTON)  /name of company/time duration)