கம்பெனி ட்ராக்கிங்

இந்தியாவின் முன்னணி ஏர் கண்டிஷன் தயாரிப்பு மற்றும் ஏர் கண்டிஷன் இயந்திரங் களுக்கான உபகரணங்கள் (Commercial Refrigeration) உற்பத்தி செய்யும் நிறுவனமான புளூ ஸ்டார் லிமிடெட்டைத்தான் நாம் இந்த வாரம்  பார்க்கப் போகிறோம்.

இந்த நிறுவனம் ரூ.4,400 அளவு வர்த்தகத் துடனும், ஐந்து உற்பத்தி வசதிகளுடனும், அகில இந்திய அளவில் 35 அலுவலகங்களையும், 2,700 பணியாளர்களையும், 2,200 டீலர்களையும், 600 சில்லறை வர்த்தகர்களையும் கொண்ட ஒரு முன்னணி நிறுவனமாக ஏர் கண்டிஷனிங் மற்றும் கமர்ஷியல் ரெஃப்ரிஜிரேஷன் துறையில் செயல்பட்டு வருகிறது.

   விற்பனை மற்றும் சேவை

ஏர் கண்டிஷனிங் மற்றும் கமர்ஷியல் ரெஃப்ரிஜிரேஷன் துறையில் உபகரண உற்பத்தி, ஒப்பந்த அடிப்படையில் வேலை, விற்பனைக்குப் பிந்தைய பராமரிப்புச் சேவைகளை வழங்குதல் என அனைத்து வசதிகளையுமே வழங்கும் ஒருங்கிணைந்த செயல்பாடுகளைக்கொண்ட நிறுவனமாகத் திகழ்வது தனிச் சிறப்பு.

இந்த  நிறுவனம் அகில இந்தியரீதியாக வணிக நிறுவனங்கள், கம்பெனிகள் மற்றும் வீடுகளுக்குக் குளிர்சாதன வசதியைத் தருவதற்கான உபகரணங்களை வழங்கிவருகிறது. இந்தத் துறையில் ஓர் அளவீட்டு முறையில் பார்த்தால், இந்தியாவில் இருக்கும் ஒவ்வொரு மூன்று வணிக வளாகத்தில் ஒன்றில் புளூ ஸ்டார் நிறுவனத்தின் தயாரிப்புகள் நிறுவப்பட்டுள்ளன.  

சமீபத்தில் இந்த நிறுவனம், வீட்டு உபயோகத்துக்கானக் குடிநீர் சுத்திகரிப்பு இயந்திரங்கள் தயாரிப்பில் ஈடுபட்டு வருகிறது. இந்த வகை இயந்திரங்களில் முதல்முறையாக ரிவர்ஸ் ஆஸ்மாஸிஸ் (RO), அல்ட்ரா வயலட் (UV),  சூடான மற்றும் குளிரூட்டப்பட்ட குடிநீரை வழங்கும் இயந்திரங்களைத் தயாரித்து விற்பனை செய்கிறது இந்த நிறுவனம். இது தவிர, காற்றைச் சுத்தப்படுத்தும் இயந்திரம் (Air purifier) மற்றும்  ஏர் கூலர்கள் போன்றவற்றையும் அறிமுகப்படுத்தி யுள்ளது இந்த நிறுவனம்.

ஏர் கண்டிஷனிங் மற்றும் குளிரூட்டல் இயந்திரங்களை நிறுவும்போது பிளம்பிங் மற்றும் எலெக்ட்ரிக்கல் வேலைகளையும் செய்ய வேண்டும். இவற்றிலும் சிறப்பான தேர்ச்சியைப் பெற்றுள்ள இந்த நிறுவனம், தற்போது வணிக ரீதியிலான கட்டடங்களில் பிளம்பிங், எலெக்ட்ரிக்கல், தீயணைப்பு உபகரணங்கள் நிறுவுதல் போன்றவற்றில் டர்ன்–கீ புராஜெக்ட்களைத் செய்துதருகிறது. 

   தயாரிப்புகள்

இதுதவிர, இறக்குமதி செய்யப்பட்ட குறிப்பிட்ட சில எலெக்ட்ரானிக்ஸ் மற்றும் இண்டஸ்ட்ரியல் இயந்திரங்களை மார்க்கெட்டிங் செய்தல், பராமரித்தல் மற்றும் பழுது நீக்குதல் போன்ற சேவைகளையும் இந்த நிறுவனம் வழங்கி வருகிறது. இந்தச் சேவைகளைத் தன்னுடைய துணை நிறுவனமான புளூ ஸ்டார் இன்ஜினீயரிங் அண்டு எலெக்ட்ரானிக்ஸ் லிமிடெட் என்ற நிறுவனத்தின் மூலம் வழங்கி வருகிறது இந்த  நிறுவனம்.

இமாச்சலப்பிரதேசம், அகமதாபாத்  போன்ற இடங்களில் உற்பத்தி வசதிகளைக் கொண்டிருக்கிறது இந்த நிறுவனம். இந்த உற்பத்தி வசதிகளில், 25 வகையான குளிர்சாதன வசதிக்கான இயந்திரங்களில் 300-க்கும் மேற்பட்ட மாடல்கள் உற்பத்தி செய்யப்படுகின்றன.

புளூஸ்டார் நிறுவனத்தைப் பொறுத்தவரை, குறைந்த மின்சாரச் செலவு, சுற்றுச்சூழல் பாதுகாப்பு மற்றும் நிலையான தொடர் உபயோகம் செய்யக்கூடிய வகையிலான தயாரிப்புகளைக் கண்டறிவதற்கான ஆராய்ச்சி வசதிகளைக் கொண்டிருக்கிறது.

இந்த நிறுவனத்தின் தயாரிப்புகள் என்று பார்த்தால், ரூம் ஏர் கண்டிஷனர்கள், தண்ணீர் சுத்திகரிக்கும் இயந்திரங்கள், ஏர்கூலர்கள், காற்றைச் சுத்திகரிக்கும் இயந்திரங்கள், தண்ணீர் கூலர்கள், சென்ட்ரல் ஏர் கண்டிஷனிங்  வசதியைச் செய்து தருவதற்கான இயந்திரங்கள், கமர்ஷியல் ரெஃப்ரிஜிரேஷன் இயந்திரங்கள், கோல்டு ஸ்டோரேஜ் இயந்திரங்கள் மற்றும் மார்ச்சுவரிக் கானக் குளிர்பதன இயந்திரங்களைத் தயாரிக்கிறது.

ஹோட்டல்கள், மருத்துவமனைகள் மற்றும் ஸ்பாக்களில் உபயோகப்படுத்தப்படும் தண்ணீரைச் சூடாக்கும் இயந்திரங்கள் உள்ளிட்ட சிலவகை சிறப்புவகை குளிர்விக்கும் மற்றும் வெப்பமாக்கும் இயந்திரங்களையும் உற்பத்தி செய்துவருகிறது இந்த நிறுவனம்.

   இதர சேவைகளிலும்...

இந்த நிறுவனம் வழங்கிவரும் புராஜெக்ட் சேவைகளில் மெக்கானிக்கல், எலெக்ட்ரிக்கல் மற்றும் பிளம்பிங் (MEP),  பெரிய கட்டுமானங்கள், தொழிற்சாலைகள் மற்றும் இன்ஃப்ராஸ்ட்ரக்சர் நிறுவனங்களுக்குத் தேவையான நிபுணத்துவமான சேவைகளை வழங்கி வருகிறது. இந்தத் துறையில் 70 வருடங்களுக்கும் மேலான அனுபவத்தைக் கொண்டிருக்கும் இந்த நிறுவனம்,  டர்ன்–கீ வகை யிலானத் தீர்வுகளை வழங்குவதில் மிகவும் முன்னணி நிலையில் திகழ்கிறது.

இந்த நிறுவனம், தனக்கிருக்கும் இன்ஜினீயரிங் துறை அனுபவம், தன்னிடமுள்ள திறன் வாய்ந்த பணியாளர்கள் மற்றும் இன்ஜினீயரிங் டிசைன் துறையில் அனுபவமிக்க டிசைனர்கள் போன்ற திறமைகளையும், உலக அளவில் பல்வேறு முன்னணி புராஜெக்ட்களை முடித்துக் கொடுத்த அனுபவம் மற்றும் சரியான நேரத்தில் புராஜெக்ட்களை முடித்துக் கொடுப்பதில் கொண்டிருக்கும் திறன் போன்றவற்றாலும், இன்றைக்கு எம்.இ.பி-க்கான கான்ட்ராக்ட்டுகளை அளிக்கும் நிறுவனங்களுக்கு மிகவும் பிடித்தமான நிறுவனமாகத் திகழ்கிறது.

ஏற்கெனவே சொல்லியபடி, எம்.இ.பி பிரிவில் டிசைன், இன்ஜினீயரிங், மேனுஃபேக்சரிங், தேவைப்படும் பொருள்களை வாங்குதல்,  புராஜெக்ட்களை நிர்வகித்தல், பரிசோதனை ஓட்டம் நடத்துதல், அரசு மற்றும் ஏனைய ஏஜென்சிகளுடன் தொடர்பில் இருத்தல் மற்றும் கட்டுமானம் செய்த ஏர்கண்டிஷனிங் பிளான்டுகளைப் பராமரித்துத் தருதல் போன்ற சேவைகளை வழங்கிவருகிறது இந்த நிறுவனம்.

இதுதவிர, எலெக்ட்ரிக்கல் கான்ட்ராக்டுகள், பிளம்பிங் கான்ட்ராக்டுகள் மற்றும் தீ அணைப்பு வசதிகளைத் நிறுவித் தருவதற்கான கான்ட்ராக்டுகள் போன்ற சேவைகளையும் வழங்கி வருகிறது இந்த நிறுவனம்.

   ரிஸ்க்குகள் ஏதும் உண்டா?

இந்த நிறுவனம் ஈடுபட்டிருக்கும் துறை, ஒரு நாட்டின் பொருளாதார வளர்ச்சியைப் பெருமளவில் சார்ந்ததொரு துறையாகும். பொருளாதாரம் பெரிய அளவில் வளர்ச்சியடையும் போது வியாபாரத்தின் அளவு உயர்ந்தும், பொருளாதார வளர்ச்சி சரியும்போது வியாபாரம் ஓரளவு மந்தமாகவும் இருக்க வாய்ப்புள்ளது.

மேலும், பன்னாட்டு வர்த்தகமும் ஓர்அங்கமாக இருப்பதால், அந்நியச் செலவாணியின் மதிப்பு மாறுதலும் இந்த நிறுவனத்துக்கு ஒரு ரிஸ்க்காகவே கருதப்பட வேண்டும்.

ரிஸ்க்குகள் பல இருக்கின்றபோதிலும், செய்யும் தொழிலில் நீண்ட அனுபவத்தையும் வாடிக்கை யாளர்கள் மத்தியில் நன்மதிப்பையும் பெற்றுள்ள இந்த நிறுவனத்தின் பங்குகள், சந்தை ஏதாவது ஒரு காரணத்தினால், கடுமையான இறக்கத்தைச் சந்திக்கும்போது காணும் விலை இறக்கத்தின்போது மிகவும் குறைந்த எண்ணிக்கையில் வாங்கி, மூன்று முதல் ஐந்து ஆண்டுகளுக்கான போர்ட்ஃபோலியோவில் சேர்த்துக் கொள்வதற்காக, வாசகர்கள் தொடர்ந்து ட்ராக் செய்துவரலாம்.

இந்தப் பங்கை வாங்கிய பின்னால், இந்தத் துறையின் செயல்பாட்டைத் தொடர்ந்து தாங்களாகவே ட்ராக் செய்ய முடியாத வாசகர்கள் இந்தப் பங்கை வாங்குவதைத் தவிர்ப்பதே நல்லது!

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of the document? – No; 3. Whether the research analyst or his relatives has any other material conflict of interest? – No;  4. Whether research analyst has received any compensation from the subject company/ies in the past  12 months and nature of products / services for which such compensation is received? – No;  5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol (BLUESTARCO)/name of company/time duration)