கம்பெனி டிராக்கிங்

கொல்சைட் குழுமத்தின் ஒரு அங்கமான காப்ரா எக்ஸ்ட்ரூஷன் டெக்னிக் லிமிடெட் (NSE SYMBOL: KABRAEXTRU) நிறுவனத்தைத்தான் நாம் இந்த வாரம் அலசி ஆராயப்போகிறோம். 
இந்த நிறுவனம், 1962-ம் ஆண்டில் தொடங்கப் பட்ட கொல்சைட் குழுமத்தின் கீழ் காப்ரா எக்ஸ்ட்ரூஷன் டெக்னிக் லிமிடெட், பிளாஸ்ட்டிக் பிளாட்ஸ் லிமிடெட், மகாராஷ்ட்ரா பிளாஸ்டிக் & இண்டஸ்ட்ரீஸ் லிமிடெட் மற்றும் கொல்சைட் கார்ப்பரேஷன் (எல்எல்பி) – ஏஜென்சி டிவிஷன் என்ற நான்கு நிறுவனங்கள் இயங்கிவருகிறது.  

நிறுவனத்தின் வரலாறு

இந்த நிறுவனம், 1962-ம் ஆண்டு பிளாஸ்ட்டிக் துறையில் கால்பதித்தது. 1982-ம் ஆண்டில் காப்ரா எக்ஸ்ட்ரூஷன் டெக்னிக் லிமிடெட் நிறுவனம், இந்தக் குழுமத்தின்கீழ் ஆரம்பிக்கப்பட்டது. அந்தக் காலத்தில் பிளாஸ்ட்டிக் துறை மிக மிக ஆரம்ப நிலையில் இருந்ததால், பிளாஸ்ட்டிக் பொருள்கள் உற்பத்தியில் எக்கச்சக்கமான பிரச்னைகளை  இந்த நிறுவனம் எதிர்கொண்டது. அதனாலேயே பிளாஸ்ட்டிக் பொருள்கள் உற்பத்தி செய்ய உதவும் எக்ஸ்ட்ரூஷன் மெஷின் களைத் தயாரிக்க வேண்டிய கட்டாயத்திற்கு இந்தக் குழுமம் தள்ளப்பட்டது.   

பிளாஸ்ட்டிக் பொருள்கள் தயாரிப்பதற்கான மெஷின்களைத் தயாரிக்கும் நிறுவனங்களும் அந்தக் காலத்தில் மிகவும் குறைவாகவே இருந்தன. இருப்பினும் இந்த வகை பிளாஸ்டிக் எக்ஸ்ட்ரூஷன் மெஷின்களை உற்பத்தி செய்யத் தேவையான அதிநவீன டெக்னாலஜி அந்தக் காலத்தில் இந்தியாவில் இல்லாத காரணத்தினால் 1983-ம் ஆண்டில் பேட்டன்பெல்ட் எக்ஸ்ட்ரூஷன் டெக்னிக் (தற்போது பேட்டன்பெல்ட்-சின்சினாட்டி எனும் பெயரில் இயங்குகிறது) எனும் எக்ஸ்ட்ரூஷன் துறையில் உலகளாவிய அளவில் சிறந்து விளங்கிய ஜெர்மன் நாட்டு முன்னணி நிறுவனத்துடன் கூட்டணி அமைத்து, தன்னுடைய தொழிலைத் தொடர ஆரம்பித்தது.

1985-ம் ஆண்டில் மும்பையில் வாபி எனும் இடத்தில் பேட்டன்பெல்ட் நிறுவனத்தின் தொழில்நுட்பத்துடன் தன்னுடைய முதல் உற்பத்தி மையத்தை ஆரம்பித்தது  இந்த நிறுவனம். இதில் இரண்டு ஸ்க்ரு எக்ஸ்ட்ரூடர்களை உற்பத்தி செய்ய ஆரம்பித்தது இந்த நிறுவனம். ஆரம்ப காலத்தில் பிளாஸ்ட்டிக்கின் பயன்பாடு குறைவாகவே இருந்துவந்ததால், இந்த நிறுவனத்திற்கு வியாபாரத்திற்கான வாய்ப்புகள் பெரிய அளவில் இல்லாமல் இருந்தது. அதனால் குறைந்த உற்பத்தித்திறன் கொண்ட மெஷின் களையே தயாரித்து வந்தது. 1989-ம் ஆண்டில் பொதுப்பங்குகளை வெளியிட்ட அந்த நிறுவனம்,  அந்த ஆண்டிலேயே மும்பை பங்குச் சந்தையிலும் பட்டியலிட்டது.   

காலப்போக்கில் பிளாஸ்ட்டிக்கின் உபயோகம் அதிகரிக்க அதிகரிக்க, இந்தத் துறையில் தன்னை நன்றாகப் பலப்படுத்திக்கொண்டது இந்த நிறுவனம். 2010-ம் ஆண்டில் டாமனில் உள்ள துனேதா  எனும் இடத்தில் பிளாஸ்ட்டிக் பிலிமை உற்பத்தி செய்வதற்கான மையத்தை நிறுவியது இந்த நிறுவனம்.

தனக்குத் தேவையான ஆராய்ச்சி வசதிகளைச் செய்துகொள்வதற்காக ஒரு தனிப்பட்ட ரிசர்ச் அண்டு டெவலப்மென்ட் வசதியை டாமனில் உள்ள கச்சிகம் எனும் இடத்தில் நிறுவிய இந்த நிறுவனம், 2013-ம் ஆண்டில் மத்திய அரசின் அறிவியல் மற்றும் தொழில் ஆராய்ச்சி துறையின் அங்கீகாரத்தைப் பெற்றது. 

இப்படி ஆரம்ப காலத்திலேயே எக்ஸ்ட்ரூஷன் துறையில் கால்பதித்ததால் கிடைத்த அபரிமிதமான தன்னுடைய அனுபவத்தினை முழுமையாக உபயோகித்து கடந்த ஐம்பது ஆண்டு காலத்தில் ஒரு மிகப் பெரிய பிளாஸ்ட்டிக் எக்ஸ்ட்ரூஷன் மெஷின்கள் தயாரிக்கும் நிறுவனமாக உருவெடுத்துள்ளது இந்த நிறுவனம்.

தொழில் சிறப்புகள்

இந்த நிறுவனத்தின் தொழில் பிரிவுகள் என்று பார்த்தால், பைப் எக்ஸ்ட்ரூஷன் லைன்கள், ப்ளோன் ஃபிலிம் லைன்கள், ஷீட் எக்ஸ்ட்ரூஷன் லைன்கள், தட்டை யான மற்றும் உருளை வடிவம் கொண்ட சொட்டு நீர் பாசனத்திற் கான ட்யூப்கள் தயாரிக்கும் மெஷின்கள், டெலிபோன் கேபிள்கள் போட பயன்படுத்தப் படும் மைக்ரோ டக்ட் எக்ஸ்ட்ரூஷன் லைன்கள், இரண்டு ஸ்குருக்கள் கொண்ட புரஃபைல்கள் எக்ஸ்டூஷன் லைன்கள், மைக்ரோடக்ட் மற்றும் பிவிசி காம்பவுண்டிங் மிக்சர்கள் மற்றும் கூலர்கள், ஷீட் எக்ஸ்ட்ரூஷன் லைன்கள் மற்றும் பிளாஸ்ட்டிக் உற்பத்தி மற்றும் உணவுப்பொருள்கள் உற்பத்தியில் பயன்படுத்தப்படும் தானியங்கி உற்பத்தி இயந்திரங்களுக்குள் இடுபொருள்களை வழங்கும் இயந்திரங்கள் போன்றவற்றை உற்பத்தி செய்கிறது இந்த நிறுவனம்.  

வெளிநாடுகளுக்கும் ஏற்றுமதி

இந்தியாவில் மட்டுமன்றி உலகளாவிய அளவில் பங்களா தேஷ், சீனா, ரஷ்யா, சிங்கப்பூர் உள்ளிட்ட 85 நாடுகளில் தனது வர்த்தகத்தைச் செய்துவருகிறது இந்த நிறுவனம்.

தரமும், நம்பிக்கையும் 

உற்பத்திக்கான இயந்திரங் களை உருவாக்கும் துறையில் இருப்பதால், தரம் என்பதில் மிக அதிக அளவில் கவனம் செலுத்த வேண்டிய கட்டாயத்தில் இருக்கிறது இந்த நிறுவனம். தரமான இயந்திரங்களைத் தயாரித்துத் தருவதால் மட்டுமே வாடிக்கையாளரின் நம்பிக்கை யையும் அவர்களுடைய மனதில் திருப்தியையும் உருவாக்கித்தர முடியும் என்பதைக் கொள்கை யாகக் கொண்டிருக்கும் இந்த நிறுவனம், அதை நிறைவேற்றும் வகையில் பல்வேறு தரச் சான்றிதழ்களைப் பெற்றுள்ளது.   

ஐஎஸ்ஓ 9001 தரச்சான்றிதழைப் பெற்றுள்ள இந்த நிறுவனம் எக்ஸ்ட்ரூஷன் கன்ட்ரோல் உபகரணங்களுக்கான சான்றிதழான யுஎல் (UL-CSA mark) எனும் சான்றிதழை இந்தியாவில் பெற்ற முதல் நிறுவ னமாகும். அண்டர்ரைட்டர்ஸ் லேபாரட்டரீஸ் நிறுவனம் கப்ரா எக்ஸ்ட்ரூஷன் டெக்னிக் நிறுவனத்தின் உற்பத்தி வசதிகளைத் தணிக்கை செய்து சி-யுஎல்-யுஎஸ் என்ற மூன்று தரக்குறியீடுகளையும் இந்த நிறுவனம் தங்களுடைய தயாரிப்புகளில் பயன்படுத்திக் கொள்வதற்கான உரிமத்தை வழங்கியுள்ளது.

இந்த சான்றிதழைப் பெற்றதன் மூலம் இந்த நிறுவனம் கனடா மற்றும் அமெரிக்காவில் தனது தயாரிப்புகளைப் பயன்படுத்த தேவைப்படும்  தரக்கட்டுப்பாடுகளைப் பூர்த்தி செய்துள்ளது.

 ரிஸ்க் ஏதும் உண்டா?

மூலப்பொருள்களின் விலை மாறுதல் மற்றும் அந்நிய செலவாணி மதிப்பு மாறுதல் என்ற இரண்டும் இந்த நிறுவனத்திற்கு ஒரு முக்கிய ரிஸ்க் ஆகும். 

புதிய டெக்னாலஜிகள் சந்தைக்குள் வருதல்,  இந்த நிறுவனம் தயாரிக்கும் இயந்திரம் மற்றும் அந்த இயந்திரம் உற்பத்தி செய்யும் பொருள்களுக்கான தேவை குறைதல்,  அதிகரித்து வரும் தொழில்ரீதியான உள்நாட்டு பெரிய நிறுவனங்கள் உருவாக்கும் போட்டி, வெளிநாட்டு நிறுவனங்கள் தரும் கடும் போட்டி மற்றும் உள்நாட்டில் பெருகிவரும் சிறு (Unorganized) நிறுவனங்களின் போட்டி போன்றவையும் இந்த நிறுவனத்திற்கான முக்கிய ரிஸ்க்குகளாகும்.

இவையனைத்தும் விற்பனை அளவினையும், லாபத்தின் அளவினையும் பாதிக்க வாய்ப்புள்ளது என்பதை வாசகர்கள் புரிந்துகொள்ளவேண்டும். 

ரிஸ்க்குகள் பல இருக்கிறபோதிலும் தொழில் ரீதியான முன்னணி நிலைமையும், நீண்ட தொழில் அனுபவத்தையும் கொண்டுள்ள  இந்த நிறுவனத்தின் பங்குகளை அதிக ரிஸ்க் எடுக்கக் கூடிய வாசகர்கள் மட்டும் ஏதாவது ஒரு காரணத்தினால் சந்தையில் வரும் கடுமையான இறக்கத்தின்போது வரக்கூடிய அதிகமான விலை வீழ்ச்சியின்போது வாங்கி, தங்களுடைய இரண்டு முதல் மூன்று ஆண்டுகால போர்ட்ஃபோலியோவில் சேர்த்துக்கொள்வதற்காகத் தொடர்ந்து ட்ராக் செய்துவரலாம்.

அதிக ரிஸ்க் எடுக்க முடியாத வாசகர்களும், பங்கினை வாங்கியபின்னர் இந்த நிறுவனத்தின் செயல்பாட்டினை தாங்களாகவே ட்ராக் செய்து கொள்ள முடியாத வாசகர்களும் இந்தப் பங்கில் முதலீடு செய்வதைத்  தவிர்ப்பதே நல்லது.

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of  the document? – No; 3. Whether the research analyst or his relatives has any other material conflict of interest? – No;  4. Whether research analyst has received any compensation from the subject company/ies in the past  12 months and nature of products / services for which such compensation is received? – No;  5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol: KABRAEXTRU)  /name of company/time duration)