சிறுவனுக்கு தலைசாய்த்த சிவம்!

விரிஞ்சிபுரம் மதிலழகு... கட்டுரை - படங்கள்: ம.சுமன்

அடி-முடி காண முடியாதபடி பெரும் ஜோதிப் பிழம்பாக நின்ற சிவப் பரம்பொருளின் திருமுடியை, தான் கண்டுவிட்டதாகப் பொய்  உரைத்தான் பிரம்மதேவன். அதற்குச் சாட்சியாக தாழம் பூவையும் துணைக்குச் சேர்த்துக்கொண்டான். அவன் செய்கையைக் கண்டு சினந்தது சிவம். ‘இனி, பூவுலகில் உனக்குக் கோயில்களோ ஆராதனைகளோ கிடையாது’ என பிரம்மனைச் சபித்தது. மேலும், பொய்யுரைத்ததால், தேவ உருவில் திகழும் தகுதியை பிரம்மன் இழந்துவிட்டதாகக் கூறி, பூமியில் மனிதனாகப் பிறக்கும்படியும் ஆணையிட்டது.

அவ்வண்ணமே பிரம்மன் பூமியில் பிறந்ததும், தன் தவற்றை உணர்ந்து, சிவனருளால் விமோசனம் பெற்றதுமான புண்ணிய க்ஷேத்திரம்தான் திருவிரிஞ்சிபுரம். பிரம்மதேவனுக்கு மட்டுமா? இன்றைக்கும், செய்த தவறுணர்ந்து அதற்குப் பிராயச்சித்தம் தேடி தன்னை நாடி வரும் பக்தர்கள் அனைவரது பாவங்களையும் போக்கி, சிவனருளைப் பெற்றுத் தரும் ஞானபூமியாகத் திகழ்கிறது இந்தத் தலம். கெளரியும், விஷ்ணு முதலானவர்களும் இங்கு வந்து வழிபட்டு அருள் பெற்றிருக்கிறார்கள் என்கின்றன புராணங்கள்.

இந்தத் தலத்துக்கு இன்னொரு சிறப்பும் உண்டு.திருவாரூர் தேரழகு, திருவிடைமருதூர்  வீதியழகு, வேதாரண்யம் விளக்கழகு என்றெல்லாம் கேள்விப்பட்டிருக்கிறோம் அல்லவா? அந்த வரிசையில், மதிலழகுக்குச் சொந்தமானது இந்தத் தலம். ‘விரிஞ்சிபுரம் மதிலழகு’ என்று போற்றுவார்கள்!

சரி, பிரம்மன் பிறந்த ஊர் என்று படித்தோம் அல்லவா? அதற்குப் பிறகு என்ன நடந்தது? அவர் சிவனருள் பெற்ற திருக்கதைதான் என்ன? முழுமையாக அறிந்துகொள்வோமா?
விரிஞ்சிபுரம் அருள்மிகு மார்க்கபந்தீஸ்வரருக்கு பூஜை செய்யும் சிவநாதன் என்பவருக்கு மகனாக சிவசர்மன் எனும் பெயருடன் பிறந்தார் பிரம்மன். சிவசர்மன் சிறு வயதாக இருக்கும்போதே தந்தை இறந்துவிட்டார்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்