திருத்தல ஆன்மிக தகவல்கள்...

அம்பாளுடன் தட்சிணாமூர்த்தி

கோயில்களில் தென் திசை நோக்கி கல்லால மரத்தின் கீழ் சின் முத்திரையுடன் தவக் கோலத்தில் தனித்தே வீற்றிருப்பார் தட்சிணாமூர்த்தி. ஆனால், தஞ்சாவூரில் உள்ள பாலதண்டாயுதபாணி திருக்கோயிலிலும், திருவிடைமருதூர் மகாலிங்க சுவாமி திருக்கோயிலிலும் அம்பாளுடன் அமர்ந்த நிலையில் அபூர்வ திருக்கோலத்தில் காட்சி தருகிறார்.

நட்சத்திர அலங்காரம்!

கோவையில் இருந்து பொள்ளாச்சி செல்லும் வழியில் உள்ள ஈச்சனாரி விநாயகர் 27 நட்சத்திரங்களுக்கும் அதிதேவதையாக விளங்குகிறார்.

அசுவினி முதல் ரேவதி வரையான 27 நட்சத்திரத்திலும் அந்தந்த நட்சத்திரத்துக்குரிய தனித்தனி விசேஷ அலங்காரம் செய்யப் படுகிறது. பக்தர்கள் தங்களின் ஜென்ம நட்சத்திரத்தன்று விநாயகரை அந்த அலங்காரத்தில் தரிசித்து தேங்காய் உடைத்து வழிபட்டால் தடைகள் நீங்கி முன்னேற்றம் உண்டாகும். ஜாதக ரீதியாக கேது திசை புத்தி நடப்பில் உள்ளவர்களும் இவரை வழிபட்டால் நன்மை பெருகும். இந்த நட்சத்திர அலங்காரம் வேறு எந்த தலத்திலும் காண முடியாது.

- எஸ்.மாரிமுத்து, சென்னை - 64

திருப்புளி நைவேத்தியம்

திருவனந்தபுரத்தில் இருந்து கொல்லம் செல்லும் வழியில்  சுமார் 40 கி.மீ. தொலைவில் உள்ள ஊர் நாவாய்க்குளம். இங்கு அமைந்திருக்கும் அருள்மிகு சங்கரநாராயணர் கோயிலில், ஸ்வாமிக்கு சமர்ப்பிக்கப்படும் நைவேத்தியம் விசேஷமானது. புழுங்கல் அரிசி சாதத்துடன், வாழைக்காய், மிளகு, மஞ்சள் தூள், புளி சேர்த்து செய்யப்படும் இந்த நைவேத்தியத்தை, ‘திருப்புளி அடியேந்திரம்’ என்கிறார்கள்.

நாக தோஷம் நீங்கும்!

கும்பகோணத்தில் இருந்து சுமார் 7 கி.மீ. தொலைவிலுள்ளது கொரநாட்டு கருப்பூர். இங்குள்ள அருள்மிகு சுந்தரேஸ்வரர் கோயிலின் பிராகாரத்தில், அஷ்டநாகக் கன்னியருக்கு தனிச் சந்நிதி உள்ளது. செவ்வாய், வெள்ளி மற்றும் ஞாயிற்றுக் கிழமைகளில் - ராகு காலத்தில், இங்கு அருளும் பெட்டிகாளியம்மனுக்கு நெய் தீபம் ஏற்றி வணங்குவதுடன், இந்த நாகக்கன்னியருக்கு பாலபிஷேகம் செய்து வழிபடுவதால், நாகதோஷம் முதலான சகல தோஷங்களும் நீங்கும் என்பது நம்பிக்கை.

- எஸ் ராமச்சந்திரன், சென்னை-4

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்