ராணுவ வீரர்களுக்காக ஒரு யாகம்!

உஜ்ஜயினி கும்பமேளாநாகராஜன்

ன்னிரண்டு ஆண்டுகளுக்கு ஒருமுறை உஜ்ஜயினியில் நடைபெறும் ‘சிம்ஹஸ்தா’ எனும் கும்பமேளா, கடந்த ஏப்ரல் 22-ம் தேதி சித்ரா பௌர்ணமி அன்று தொடங்கியது. முதல் நாளே ஆண்களும் பெண்களுமாகப் பல லட்சம் பக்தர்கள் திரண்டுவிட்டனர். 13 அகாராக்கள் - பிரபல ஆசிரமங்களின் துறவியர் ஆகியோருடன் மத்தியபிரதேச மாநிலத்தின் முதல்வர் ஷிவ்ராஜ்சிங் செளஹான் ‘ஸாஹி ஸ்னான்’ எனப்படும் புனித நீராடலில் பங்கேற்றார்.

உஜ்ஜயினி கும்பமேளாவில் பல லட்சக்கணக்கான பக்தர்கள் கலந்து கொள்வார்கள் என்பதால், பாதுகாப்பு கருதி காவல் துறையினரின் கெடுபிடிகள் சற்று கூடுதலாகவே இருந்தன. கும்பமேளா நடைபெறும் இடத்துக்கு ரயில்நிலையம் மற்றும் பேருந்து நிறுத்தத்தில் இருந்து சுமார் 3 கி.மீ. நடந்து செல்லவேண்டும் என்பதால், பக்தர்கள் சற்று சிரமப்படவே செய்தனர்.

மற்றபடி, அவர்களின் தாகம் தணிக்க ஆங்கங்கே தண்ணீர்ப் பந்தல்கள் அமைக்கப்பட்டிருந்தன. சுத்தமான, சுகாதாரமான தண்ணீரை பக்தர்களுக்கு வழங்குவதில் தொண்டு நிறுவனங்கள் போட்டி போட்டுக் கொண்டு செயல்பட்டன. இந்தோரில் உள்ள ஸ்ரீசத்யசாயிசேவா சமிதியைச் சேர்ந்தவர்கள், பக்தர்களைத் தேடிச் சென்று தண்ணீர் வழங்கிய காட்சி வித்தியாசமாகவும் பாராட்டும்படியும் இருந்தது.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்