கொஞ்சம் சரித்திரம் கொஞ்சம் தரிசனம்! - 8

இத்தொடரின் மற்ற பாகங்கள்:
ஹம்பிமகுடேசுவரன் - படங்கள்: க.பாலமுருகன்

மலாபுரத்திலிருந்து ஹம்பியை நோக்கிச் செல்லும் வழியில் இருப்பது பாதாளச் சிவலிங்கக் கோவில். அங்கே எழுந்தருளியிருக்கும் இறைவன் பிரசன்ன விருபாக்சரர். நாம் இதுவரை பார்த்துவந்த கோவில்களெல்லாம் தரை மட்டத்திலிருந்து மேடையிட்டு  எழுப்பிக்  கட்டப்பட்டவை. ஆனால், பாதாளக் கோவிலின் சிறப்பு என்னவென்றால், அது முழுக்க முழுக்க நிலத்தடியில் கட்டப்பட்டுள்ளமைதான்.

அதாவது தரைமட்டத்துக்குக் கீழே அந்தக் கோவில் உள்ளது. அந்தக் கோவிலையும்கூட அண்மையில்தான் கண்டு பிடித்தார்கள். அது ஒரு சிலிர்ப்பூட்டும் கதை.

விஜய நகர இடிபாடுகளைச் சுத்தம்செய்யும் பணி நடந்துகொண்டிருந்தது. தரையின் மேல் மண்ணைக் கொஞ்சம் சுரண்டினாற்போல் எடுத்துத் தூய்மைப்படுத்தும் வேலை நடைபெற்றது. அப்படி மேல் மண்ணைச் சுரண்டியபோது கீழே படிக்கட்டுக் கல் ஒன்று தட்டுப்பட்டது. அதை அகற்றுவதா அல்லது அப்படியே தரையில்வைத்துச் சுத்தம் செய்வதா என்பது கேள்வி. கீழ்ப்புறத்தில் ஏதேனும் கல்லெழுத்து செதுக்கப்பட்டிருக்கலாம் எனக் கருதியவாறு அந்தப் படிக்கட்டுக் கல்லை எடுத்தார்கள்.

Do you like the story?

Please Appreciate the Author by clapping!

Editor’s Pick