கொஞ்சம் சரித்திரம் கொஞ்சம் தரிசனம்! - 9

ஹம்பிமகுடேசுவரன், படங்கள்: க.பாலமுருகன்

ம்பியிலுள்ள எல்லாக் கோவில்களைவிடவும் சற்றே பெரியது என்று கிருஷ்ணர் கோவிலைச் சொல்லலாம். அளவிற்பெரியது என்று பார்த்தால் எல்லாக் கோவில்களும் ஒன்றையொன்று மிஞ்சுகின்றன. ஆனால், உள்கட்டுமான அமைப்பைக்கொண்டு கிருஷ்ணர் கோவிலைச் சிறப்பாய் மதிப்பிடலாம். ஹம்பியை நோக்கிச் செல்லும் முதன்மைச் சாலையில் ஹேமகூட மலைகளின் அடிவாரம் என்று கூறத்தக்க பகுதியில் அக்கோவில் அமைந்திருக்கிறது. அழிப்பின்போது அக்கோவிலின் கோபுரம்தான் பேரளவு சிதிலமடைந்தது. உள்ளிருந்த மண்டபத் தூண் சிற்பங்களும் மூளியாகின. போனது போக மிஞ்சிய நிலையிலும் கிருஷ்ணர் கோவிலின் பேரழகு வியப்பூட்டுகிறது. கிருஷ்ணர் கோவிலை ஹேமகூட மலைகளின் மீதிருந்து காணும்போதுதான் அதன் பெரும் பரப்பு விளங்கும். அக்கோவிலின் வலப்புறம் அடர்ந்த வாழைத் தோப்புகள், இடப்புறம் ஹேமகூட மலைகளின் பெரும்பாறைகள். இரண்டுக்கும் நடுவில் கற்களின் கலைக்கூடம் போல் அமைந்திருக்கிறது.

Do you like the story?

Please Appreciate the Author by clapping!

Editor’s Pick