அறுகாமிர்தம்... அருந்ததி பிரசாதம்! | Spiritual stories and informations about Lord Vinayagar - Sakthi Vikatan | சக்தி விகடன்

அறுகாமிர்தம்... அருந்ததி பிரசாதம்!

ஆனைமுகன் என்றதுமே ஞானக்கொழுந்தான அவரின் திருவடிவம் மனதில் எழும். வேழ முகம், பேழை வயிறு, ஐந்து கரங்கள் எனத் திகழும் அந்தப் பிரணவச் சொரூபத்தை தியானித்த மாத்திரத்தில், ‘அவர் அரிதானவர், அற்புதமானவர்...’ என்ற சிந்தை எழுவதையும் தவிர்க்க இயலாது. திருவடிவம் மட்டுமா? அவதாரம், அறுகின் அற்புதம், மோதகக் கதை,  மூஷிகத்தின் முன்வினை, சந்திரனின் சங்கடமும் சந்தோஷமும், `கா’ விரித்ததால் விரிந்த காவிரியின் வரலாறு... என நீளும் கணபதியின் பெருமையைச் சொல்லும் புராணத் தகவலும் அற்புதமானவையே. அத்தகைய அற்புதங்களில் சிலவற்றைப் படித்து மகிழ்வோமா?

விநாயகர் அகவல் பிறந்த கதை...

ஒருமுறை சிவனார் அளித்த யானையின் மீதேறி சுந்தரமூர்த்தி நாயனாரும், அவரோடு அவர் நண்பரான சேரமான்பெருமான் நாயனார் குதிரையில் அமர்ந்தும் திருக்கயிலை பயணத்தைத் தொடங்கினார்கள்.
செல்லும் வழியில் திருக்கோவலூர் என்னும் ஊரில் உள்ள விநாயகர் திருக்கோயிலில் கணபதியை உள்ளம் உருகப் பூஜித்துக் கொண்டிருந்தார் ஒளவையார். அவரிடம், தங்களது திருக்கயிலை பயணத்தைப் பற்றி விவரித்தார்கள் சுந்தரரும் அவரின் நண்பரும். ஒளவையாருக்கும் திருக்கயிலைக்குச் செல்லும் ஆவல் எழுந்தது. எனினும், ஆனைமுகனுக்கான பூஜையைப் பாதியில் நிறுத்த அவருக்கு மனமில்லை. ஆகவே, சிரத்தையுடன் பூஜையைத் தொடர்ந்து நிறைவேற்றி முடித்தார்.

Do you like the story?

Please Appreciate the Author by clapping!

Editor’s Pick