வல்லக்கோட்டை முருகனுக்கு கார்த்திகைதோறும் புஷ்பாஞ்சலி!

பிரேமா நாராயணன் - படங்கள்: ஜெ.வேங்கடராஜ்

நீங்கள் சென்னைக்கு அருகிலிருக்கும் புகழ்பெற்ற முருகன் தலமான வல்லக்கோட்டைக்குப் போயிருக்கிறீர்களா? அதுவும் மாதந்தோறும்வரும் கிருத்திகை தினத்தில் போய் தரிசித்திருக்கிறீர்களா? அப்படிப் போயிருப்ப வர்கள் என்றால், கண்டிப்பாகக் கிருத்திகை அன்று கோயிலில் செய்யப் பட்டிருக்கும் மலர் அலங்காரத்தைப் பார்த்து ரசித்திருப்பீர்கள்.

கிருத்திகை அன்று காலை 7 மணிக்குள் கோயிலுக்குச் சென்றால், கருவறை தொடங்கி தங்கமுலாம் பூசப்பட்ட கருவறை வாயில், சந்நிதி, தூண்கள், மகா மண்டபத்தில் உள்ள மயில் வாகன மண்டபம், கொடிமரம், பலிபீடம், ராஜகோபுர நிலை என எல்லா இடங்களிலும் கண்கவர் வண்ணங்களில் பூக்கள் மலர்ந்து சிரித்து உங்களை வரவேற்கும்; அந்த மணமும் மலர்களின் நிறமும் சேர்ந்து கண்கொள்ளாக் காட்சி தரும். ‘யார் இந்த அலங்காரங்களை எல்லாம் செய்வது? எப்போது வந்து செய்கிறார்கள்?' என்று விசாரித்தபோது கிடைத்த தகவல்கள் ஆச்சர்யமானவை; சுவாரஸ்யமானவை. தாம்பரத்தில் வசித்துவரும் பார்த்திபன், சுசரிதா தம்பதிதான் இந்த மலர் அலங்காரச் சேவைக்குப் பிள்ளையார் சுழி போட்டவர்கள். சுசரிதாவிடம் பேசினோம்.

Do you like the story?

Please Appreciate the Author by clapping!

Editor’s Pick