யோகி ராம்சுரத்குமார் - நூற்றாண்டு சமர்ப்பணம் - 2

எழுத்துச்சித்தர் பாலகுமாரன் - படங்கள்: க.முரளி

றுகோண முக்கோணம். கறுப்பு வெள்ளைப் புகை. அங்கங்கே எழுத்துகள். `உய்ய்ய்... ங்ங்' என்று காதில் குத்துகின்ற சப்தம். நெஞ்சில் வலி. பெரிய சிரமம். மூச்சுவிட முடியாத வேதனை. இப்படி இருந்தால் மரணமடைந்து விடுவேன் என்கிற இம்சை.

கண்களிலிருந்து அழுகையில்லாது நீர் வந்தது. நான் பயணப்பட்டேன். பெரும் நிலத்தில் நுழைந்தேன். வேகம். சொல்ல வொண்ணா வேகம். மனித சக்திக்கு அப்பாற் பட்ட வேகம். இது வேறு ஓர் இடம். இது வேறுவித நகர்வு. இது வேறுவித சக்தி. இதற்கும் இந்தப் பூமிக்கும் சம்பந்தம் இல்லை. ஆனால், இது எல்லோருள்ளும் இருக்கிறது. எல்லோராலும் நகர முடிந்த விஷயம். எல்லோரும் அவசியம் போக வேண்டிய விஷயம். கற்க வேண்டிய வித்தை. நெற்றி நடுவே கபால உச்சி அதற்கு அப்பாலும் நான் என்கிற என் சக்தி நகர்ந்தது. எங்கும் துகள். எங்கும் துகள். எல்லா இடத்திலும் நீக்கமற நிறைந்திருக்கும் துகள். அந்தத் துகள்கள்நகர்ந்துகொண்டிருக்கின்றன. நடனம் போலும் நகர்ந்துகொண்டிருக்கின்றன.

Do you like the story?

Please Appreciate the Author by clapping!

Editor’s Pick